युहन्‍ना 1:12 - धिमाल

¹² कुलाउ जेथे वासेहेङ र्‍हुहि रो वाको मिङता खान्‍धुर पाहि, वा एम्‍बालाइहेङ परमेस्‍वरको चानचामिन्‍दि जेङका खाबारा पिहि।

Dhimal NT

¹² कालाउ जेथे बुङ वासेहेङ सुइकार पाहि कालाउ वा ह्रुता खाङधुरि पाहि, वा दोङ इम्बालाइहेङ परमेस्वरको सान्तान जेङलि खाबारा पिहि।

युहन्‍ना 1:12 Iomraidhean Croise

मत्‍ति 10:40

“नेलाइहेङ मन्‍जुरि पाका कासेहेङ मन्‍जुरि पावा रो कासेहेङ मन्‍जुरिपाका कासेहेङ दिङगिल्‍काहेङ मन्‍जुरि पावा।

मत्‍ति 12:21

इङकोकोङ मिङता जात्‍या जात्‍यागेलाइ आस ताअ्‌तावा।”

मत्‍ति 18:5

जाइ काङको मिङता इसिका जामालहेङ बान्‍सा बुझायावा, इङको कासेहेङ दोङ बान्‍सा बुझायावा।

युहन्‍ना 1:11

वा ताइकोङ द्‍याङगेलाइकोता लोहि, कुलाउ वाको ताइको द्‍याङगेलाइ वासेहेङ मार्‍हुहि।

युहन्‍ना 1:7

वासो झाराङ द्‍याङगेलाइ खान्‍धुर पालि द्‍वाको दोअ्‌तेङ इङको जोल्‍काको दासि पिलि वा दासि जेङतेङ लोहि।

युहन्‍ना 11:52

यहुदि जात्‍यागेलाइको भाअ्‌सिङ खिनिङ इङको इदोइ दोअ्‌का मान्‍थुघाहि, कुलाउ राइन्‍हातेङ हिका परमेस्‍वरको चानचामिन्‍दिगेलाइहेङ एदोसाङ जोम्‍पालि इदोइ दोअ्‌का हिघाहि।

युहन्‍ना 2:23

जेलाउ वा लाअ्‌पिका पारबाको भतेरको पहर यरुसलेमता हिघाहि, कोलाउ वाको पाका चिनोगेलाइ तिङतेङ हेन्‍जाङ द्‍याङगेलाइ वाको मिङता खान्‍धुर पाहि।

युहन्‍ना 20:31

कुलाउ इदोइ लेखेन्‍हाका हि, नेलाइ इसु परमेस्‍वरको चान, ख्रिस्‍ट हि दोअ्‌तेङ खान्‍धुर पासु। खान्‍धुरसो वाको मिङता नेलाइ असिम ज्‍यान निङसु।

युहन्‍ना 3:18

जाइ वासेहेङ खान्‍धुर पावा, इङको फतुर माठर्‍हेन्‍हावा, कालाउ खान्‍धुर मापाकालाइचाहिँ लाम्‍फा दोङ फतुर ठर्‍हिन्‍हाका हि। हाइदोनु वा परमेस्‍वरको एखिनिङ चानको मिङता खान्‍धुर पाका मान्‍थु।

साल्न्हाका चात्या 3:16

इसुको मिङता खान्‍धुर पानाङसिङ वाकोङ मिङहोइ नेलाइ तिङका रो गेका इदोइ द्‍याङहेङ बोल्‍याका बान्‍हाइहि। वासो निङका इङकोङ खान्‍धुरसो इदोइ द्‍याङ नेलाइ झाराङको आगाता पुराङ एल्‍का तिङदोङसुखेना।

गलाति 3:26

एला नेलाइ झाराङ खान्‍धुरसो दोङ ख्रिस्‍ट इसुता परमेस्‍वरको जाहान जेङका हिसुन्‍हा।

गलाति 4:6

केलाइ परमेस्‍वरकोङ खाल एइ दोअ्‌तेङ तिङपालि वा ताइको चानको हाङसा केलाइको कोन्‍धाङता ताअ्‌पिका हि। इङकोङ हाङसा केलाइको कोन्‍धाङसो वासेहेङ “काङको आबा” दोअ्‌खे।

कलस्सि 2:6

इदोइखातिर नेलाइ ख्रिस्‍ट इसुहेङ प्रभु दोअ्‌तेङ मानेका हिसुन्‍हा ‍एन्‍साङ पातेङ नेलाइ वाता थिर जेङतेङ हिसु।

२ पत्‍रुस 1:4

इदोङसो वा केलाइहेङ वाको दामि रो बाराका कबोलगेलाइ पिका हि, कोलाउ इदोइ दुनियाको मारेम्‍कालाल्‍सासो लोका आखेका काथासो खाअ्तेङ नेलाइ परमेस्‍वरको आनिबानिता भाग र्‍हुलि दोसु।

१ युहन्‍ना 3:1

हिङसु, केलाइहेङ परमेस्‍वर आबा हेथे हेन्‍जा माया पाका हि, वाको मायाहोइ केलाइ परमेस्‍वरको जाहान दोअ्‌न्‍हाका एइ कालाउ जतिङकोङ एइ बुङ। दुनियाको द्‌याङगेलाइ परमेस्‍वरहेङ मानालनाङसिङ एम्‍बालाइ केलाइहेङ बुङ मानाल्‍खे।

१ युहन्‍ना 3:10

परमेस्‍वरको जाहान रो दियाबलसको जाहानहेङ एसापा दोङ नाल्‍लि दोखे। हाइपानु परमेस्‍वरको आगा उचित कुकरम मापाका रो ताइको दादाओने बाइओनेहेङ माया मापाकालाइचाहिँ परमेस्‍वरको जाहान जेङलि मादोखे।

१ युहन्‍ना 3:2

दायाकालाइ, एलाचाहिँ केलाइ परमेस्‍वरको जाहान एइ रो न्‍हुअ्‌सो केलाइ हाइ जेनाङ, इङको केलाइहेङ गेपाका मान्‍थु। कालाउ ख्रिस्‍ट लोकान्‍हुअ्‌सो केलाइ बुङ वाभाइपाङ जेनाङ। हाइदोनु ख्रिस्‍ट जिसिका हि केलाइ वासेहेङ इन्‍सिकाङ तिनाङ दोअ्‌तेङ केलाइ गेन्‍हाखे।

१ युहन्‍ना 3:23

कालाउ परमेस्‍वरको हुकुम इदोइ दोङ एइ। वा केलाइहेङ हुकुम पाका आन्‍सार केलाइ वाको चान इसु ख्रिस्‍टको मिङता खान्‍धुर पालिगोयाङ रो केलाइ एमि भेनेङहेङ माया पालिगोयाङ।