याकुब 4:3 - धिमाल

³ नेलाइ र्‍हेसुखेना कालाउ मानिङसुखेना, हाइपानु नेलाइ ताइको लाल्‍सा पोङघा पालिको भाअ्‌सिङ खिनिङ दुरजन बिचारसो परमेस्‍वरदोफा र्‍हेसुखेना।

Dhimal NT

³ नेलाइ ह्रेसुखेना कालाउ मानिङसुखेना, हाइपालिपानु ताइको लान्सा पुरा पालिको भाअ्सिङ मारेम्का इच्छाहोइ ह्रेसुखेना।

याकुब 4:3 Iomraidhean Croise

मत्‍ति 20:22

कालाउ बुङ इसु दोअ्‌हि, “नेलाइ हाइ र्‍हेसुखेना, इङको नेलाइ मागेस्‍वाना। जेदोङ तु:का सहेलि भोदोङखा, हाइ इङको नेलाइ सहेलि दोस्‍वाना?” एम्‍बालाइ दोअ्‌हि, “द्‍वाङ।”

मर्कुस 10:38

कालाउ बुङ इसु एम्‍बालाइहेङ दोअ्‌हि, “नेलाइ हाइ र्‍हेदोङसुखेना, इङको नेलाइ मागेस्‍वाना। हाइ जेदोङ तु:को बातिसो का आमाङका, इङको नेलाइ आम्‍लि दोस्‍वाना? का जेदोङ चिभुअ्‌लि र्‍हुकाहिघा हाइ नेलाइ बुङ र्‍हुलि दोस्‍वाना?”

लुका 11:10

हाइदोनु जाइ र्‍हेकावा वा निनावा। कालाउ जाइ भोकावा वा निनावा। जाइ चालापावा वाको भाअ्‌सिङ फिनु हेनावा।

लुका 15:13

“एनि न्‍हेनि न्‍हुअ्‌सो कान्‍छा चान ताइको अङसता निङका गोताङ टाका काउरि चुमपुतेङ भेनेङ मुलुकता हानेहि। कालाउ इन्‍ता मोज माज्‍जा पातेङ गोताङ टाका काउरि दोपाहि।

लुका 15:30

“‘कालाउ नाङको टाका काउरि कासबिरिगेलाइदोसा दोपाका चान लोलाउचाहिँ ना इदोइझोको बारा भात्‍यार पाखेना।’

याकुब 4:1

नेलाइको माझाता काचिङगल रो धुम हितासो लोखे? हाइ इदोइ गोताङ काथागेलाइ नेलाइको मन लिअ्‌ता चेरसुका मारेम्‍का बिचारसो माओल्‍हेखे कुनु? जेदोङचाहिँ नेलाइको मनलिअ्‌ता जेलाउ बुङ हिखे।

१ युहन्‍ना 3:22

कालाउ केलाइ जेदोङ र्‍हेन्‍हाखे इङको वासो निङन्‍हाखे। हाइदोनु केलाइ वाको हुकुम साअ्‌न्‍हाखे रो वासेहेङ मोन्‍दा ताका कामगेलाइ पान्‍हाखे।

१ युहन्‍ना 5:14

केलाइ परमेस्‍वरको आगाता हानेलाउ हाउसेन्‍हाखे, हाइपानु वाको लाल्‍साआन्‍सार जेदोङ र्‍हेलाउ बुङ वा केलाइको काथा हिङखे।