याकुब 4:1 - धिमाल

¹ नेलाइको माझाता काचिङगल रो धुम हितासो लोखे? हाइ इदोइ गोताङ काथागेलाइ नेलाइको मन लिअ्‌ता चेरसुका मारेम्‍का बिचारसो माओल्‍हेखे कुनु? जेदोङचाहिँ नेलाइको मनलिअ्‌ता जेलाउ बुङ हिखे।

Dhimal NT

¹ नेलाइको माझाता धुम कालाउ झगडागेलाइ हिदोइ काथासो लोखे? इङकोते स्वार्थ लान्छाहोइ लोखे जाइ नाङको मन लिता सङघरस पाखे।

याकुब 4:1 Iomraidhean Croise

मत्‍ति 15:19

हाइपानु कोन्‍धाङसो दोङ आसाति ठहर, सेअ्‌लि, दुस्‍चर, दुराचार, खुलि, असत दासि रो बादनामि बाहार ओल्‍हेखे।

युहन्‍ना 8:44

नेलाइ ताइको आबा दियाबलसको एइ रो नेलाइको आबाको लाल्‍सा पोङघा पालि नेलाइको मनसुबा हि। इङको ते लाम्‍फासो दोङ ज्‍यानमारा हिघाहि रो सतेदोफा इङकोहेङ हाइदोङ वास्‍ता मान्‍थु। हाइदोनु इङकोता सत मान्‍थु। जेलाउ इङको असत धुइखे, इङको ताइकोङ आनिबानिमाफिक धुइखे, हाइदोनु इङको असत एइ रो असतको आबा एइ।

गलाति 5:17

हाइपानु केलाइको मारेम्‍का लाल्‍साको पालि खाङका काथा पुनित हाङसाको खिलापता रो पुनित हाङसाको पालि खाङका काथा केलाइको कुकरमि लाल्‍साको खिलापता हिखे। इदोइ न्‍हे सरबङ ए भेनेङको खिलापता ल्‍होखे। कालाउ केलाइको दुरजन बिचारहोइ पातेङ केलाइको पालि भोका रेम्‍का काम बुङ पालि मादोन्‍हाखे।

कलस्सि 3:5

इदोइखातिर नेलाइको कुकरमि बिचारसो ओल्‍हेका दुरजन काथागेलाइ पालि लाअ्‌सु। इदोइचाहिँ: दुराचार पालि, अपुनित काथाता लागिलि, लेदरपाका लाल्‍सा पालि, मारेम्‍का बिचार पालि रो दिअ्‌लि। कालाउ दिअ्‌लि ते गोइका चिजहेङ पुजिका भाइकाङ जेङखे।

2 तिमोथि 2:23

कालाउ काम मालागेका बादबिबादसो फारापाङ हि। ना दोङ गेखेना, इदोइसो ते चेरसुका खिनिङ जेङखे।

तितस 3:3

हाइदोनु केलाइ ताइमिङ बुङ ए पहर निरबुदि, हुकुममासाअ्‌का रो बिगारता वालाका हिघान्‍हाहि। केलाइ मारेम्‍का लाल्‍सासो रो गोताङ खालको भोगबिलासको बान्‍धाइगेलाइ हिघान्‍हाहि। केलाइ ताइको ज्‍यान आसाति रो डाहाता दोपाघान्‍हाखे। केलाइ आनादरि हिघान्‍हाहि रो एभेनेङहेङ आनादर पाघान्‍हाखे।

तितस 3:9

कालाउ बेकामको बिचार, र्‍हिङर्‍हिङका खालगेलाइ रो नियमसुदाङको गालबाजिसो फारापा हिसु। इङको बिथाको काम मालागिका काथा एइ।

याकुब 1:14

कालाउ झाराङ द्‍याङगेलाइ ताइकोङ आखेका आनिबानिता मनलागाइतेङ जाचता वालाखे।

याकुब 4:3

नेलाइ र्‍हेसुखेना कालाउ मानिङसुखेना, हाइपानु नेलाइ ताइको लाल्‍सा पोङघा पालिको भाअ्‌सिङ खिनिङ दुरजन बिचारसो परमेस्‍वरदोफा र्‍हेसुखेना।

1पतरुस 1:14

कालाउ नेलाइ परमेस्‍वरको हुकुमसाअ्‌का चानचामिन्‍दि हिनाङसिङ मागेसिङ पाका मारेम्‍का कामगेलाइ एला मापासु।

1पतरुस 2:11

काङको दादाओने बाइओनेगेलाइ इदोइ दुनियाता नेलाइ परदेसि रो बोमुलुकिभाइकाङ हिसुन्‍हा। का नेलाइहेङ बिनइ पाखा, जिउको लाल्‍साहेङ पोङघा पालिको भाअ्‌सिङ मालागेसु। इसिका लाल्‍सागेलाइ हाङसाको खिलापता दिनाङ फेअ्‌सुतेङ हिखे।

२ पत्‍रुस 2:18

एम्‍बालाइ तुजुक रो निरबुदि काथागेलाइ पाखे। कालाउ जिउहेङ लालचपाका कामगेलाइ तिङपातेङ असतसो घुरिकालाइहेङ बुङ फासेपाखे।

२ पत्‍रुस 3:3

झाराङखान्‍तेङ लाम्‍फा नेलाइ इदोइ काथा गिलि गोइस्‍वाना, आखिरि दिनागेलाइता निन्‍दा पाकालाइ निन्‍दा पातेङ रो एम्‍बालाइको ताइकोङ दुरजन लाल्‍साता एसा दोअ्‌तेङ ल्‍वावा,