याकुब 3:6 - धिमाल

⁶ देतोङ बुङ मे भाइकाङ एइ रो इदोइ जिउको आङगेलाइता झाराङ खाङतेङ दुरजन एइ। या गोताङ जिउहेङ आखेका पापिखे रो ताइकोङ ज्‍यानहेङ दोङ मे चोअ्‌पितेङ पातेलको मेता ओअ्‌पापिखे।

Dhimal NT

⁶ देतोङ बुङ एनोङ मेदोङ भाइका हि, या जिउको आङगगेलाइ मध्ये हि जेदोङ हेन्जा दुस्ट हि। या दोङ केलाइको गोताङ जिउहेङ नासा पाखे कालाउ गोताङ जिबनहेङ दोङ मे जोलाइ पिखे कालाउ नरकको मेता उङको ओतावा!

याकुब 3:6 Iomraidhean Croise

मत्‍ति 12:24

कालाउ बुङ इदोइ हिङतेङ फरिसिगेलाइ दोअ्‌हि, “इदोइ द्‍याङ मासानको गिर्‍हि दियाबलससो खिनिङ मासानगेलाइहेङ ओल्‍हेपाखे।”

मत्‍ति 5:22

कालाउ बुङ का नेलाइहेङ दोअ्‌खा, जाइ ताइको ओनेदोफा चेरताम्‍पाखे इङको डाड भोगेलि गोयावा। जाइ ताइको ओनेहेङ बिजेत पावा, इङको बाराकचहरिता जावाफ पिलि गोयावा। जाइ ताइको ओनेहेङ ‘ना हाइदोङ मागेका’ दोअ्‌खे, इङको पातेलको मेताङ वानावा।

मर्कुस 7:15

इसिका हाइदोङ सामान मान्‍थु जाइ बाहारसो द्‍याङलिअ्‌ता दुल्‍तेङ इङकोहेङ आखेका पालि दोखे, कालाउ बुङ द्‍याङसो बाहार ओल्‍हेका चिजगेलाइसो दोङ द्‍याङहेङ आखेका पाखे।

लुका 16:24

कालाउ वा र्‍हिकाइतेङ दोअ्‌हि, ‘आबा आब्राहाम, कासेहेङ दायातेङ इता लाजरसहेङ दिङगिल्‍पि। वा ताइको आङगुलि चिता चोभेरतेङ एथोपा लाउ बुङ काङको देतोङता ह्‍याअ्‌पा प्‍याको। हाइदोनु का इदोइ मेको रापता सातपाताइदोङखा।’

साल्न्हाका चात्या 20:30

नेलाइकोङ माझासो बुङ ढाटाइका बिद्‌या पिका द्‍याङगेलाइ ओल्ह्‍यावा। एम्‍बालाइ प्रभुको चात्‍यागेलाइहेङ ताइकोङ मारेम्‍का दामाता चुमपुलि भोकावा।

साल्न्हाका चात्या 5:3

कोलाउ पत्‍रुस दोअ्‌हि, “ओइ हननिया, पुनित हाङसादोफा असत धुइका रो भोनो पिअ्‌का टाका ताइमिदोफा ताअ्‌का काथा दियाबलस हेसापा नाङको मनता ह्‍वापिहि?

साल्न्हाका चात्या 6:13

इङकोन्‍हुअ्‌सो एम्‍बालाइ एसा दोअ्‌का असत दासिगेलाइहेङ आगा सारेहि, “इदोइ द्‍याङ पुनित थामे रो नियमको खिलापता काथागेलाइ पालि मालाअ्‌खे।

तितस 1:11

एबालाइको नुइता बिजाला मालागाइसिङ माज्‍याङ हाइदोनु एम्‍बालाइ ते धिरपालिङ माएल्‍का काथागेलाइ धिरपातेङ पुराङ साअ् जाहानता उपदर्‍या माचाइका हि। खालि ताकाकाउरि कामाइलिको भाअ्‌सिङ एम्‍बालाइ एसा पाका एइ।

याकुब 2:7

जेदोङ मिङसो नेलाइ काइन्‍हाका हिसुन्‍हा, हाइ एम्‍बालाइ इङकोङ मानपालि गोइका मिङको बादनामि मापाखे कुनु?

याकुब 3:7

द्‍याङ गोताङ खाल्‍को गुपुसगेलाइ, जिह्‍याँजुइल्‍हेङ, सेसालाइका जिबगेलाइ रो जाहादिको हायागेलाइहेङ तह लागाइलि दोखे। एबालाइहेङ द्‍याङगेलाइ दोङ तह लागाइका हि।

२ पत्‍रुस 3:3

झाराङखान्‍तेङ लाम्‍फा नेलाइ इदोइ काथा गिलि गोइस्‍वाना, आखिरि दिनागेलाइता निन्‍दा पाकालाइ निन्‍दा पातेङ रो एम्‍बालाइको ताइकोङ दुरजन लाल्‍साता एसा दोअ्‌तेङ ल्‍वावा,

३ युहन्‍ना 1:10

जेलाउ का नेलाइकोता ल्‍वाङका कोलाउ नेलाइ झाराङहेङ डियोत्‍रिफस केलाइको खिलापता हाइ पाहि, हिसिका मारेम्‍का काथा पाहि, इङको गोताङ नेलाइहेङ हिङपाङका। इङको खिनिङ माको, इङको बोमुलुकि दादाओने बाइओनेगेलाइहेङ खिलाप पाखे रो एम्‍बालाइहेङ बान्‍सा माबुझाइखे। कालाउ एम्‍बालाइहेङ बान्‍साबुझाइलि खाङलाउ मन्‍डलिसोङ बाहार ओल्‍हे पागिल्‍खे।