याकुब 3:2 - धिमाल

² केलाइ झाराङ हेन्‍जा बिराम पान्‍हाखे। कालाउ जाइ ताइमि धुइलाउ बिराम मापाखे, इङको धरमाति द्‌याङ एइ। इन्‍सिका द्‌याङ दोङ ताइमिहेङ बसता ताअ्‌लि दोखे।

Dhimal NT

² केलाइ झाराङ हेन्जा काम बिगिर पानाखे, कालाउ जेदोङ द्‍याङ ताइमिङ दोअ्का काथाता गल्ति मापाखे, वा ताइमिङहेङ पुर्न रुपहोइ काबुता ताअ्लि दोखे कालाउ उङको द्‍याङ सिद्द जेङखे।

याकुब 3:2 Iomraidhean Croise

मत्‍ति 12:34

ओइ बिसहिका पुह्‍याँको जामालाइ! नेलाइ ताइमिङ आसाति हिसुन्‍हा, रेम्‍का काथा हेसापा धुइलि दोस्‍वाना? हाइदोनु जेदोङ काथा लिअ्‌ता पोङघाका हिखे इङको दोङ बाहार ओल्‍हेखे।

मत्‍ति 12:37

हाइपानु नेलाइ धुइका काथासो दोङ नेलाइ नियाको दिनाता दुस माकोनु दुस मान्‍थुका जेङस्‍वाना।”

1 कोरिन्थि 9:27

इदोइखातिर काङको जिउहेङ दोका झोको सादाइखा। एसा मापाघा पानु ते का बो द्‌याङगेलाइहेङ रेम्‍काबानाल हिङपालाउ ताइमिचाहिँ बिथाको द्‌याङ ज्‍याङका।

गलाति 3:22

कालाउ इसु ख्रिस्‍टता खान्‍धुर पाकालाइहेङ कबोल पाका सहसाम्‍पा खान्‍धुर पाकालाइ दोङ निनाको दोअ्‌तेङ गोताङ दुनिया कुकरमको आधिनता हि दोअ्‌तेङ धरमकिताब दोअ्‌खे।

गलाति 5:17

हाइपानु केलाइको मारेम्‍का लाल्‍साको पालि खाङका काथा पुनित हाङसाको खिलापता रो पुनित हाङसाको पालि खाङका काथा केलाइको कुकरमि लाल्‍साको खिलापता हिखे। इदोइ न्‍हे सरबङ ए भेनेङको खिलापता ल्‍होखे। कालाउ केलाइको दुरजन बिचारहोइ पातेङ केलाइको पालि भोका रेम्‍का काम बुङ पालि मादोन्‍हाखे।

कलस्सि 1:28

इदोइखातिर केलाइ झाराङ द्‍याङगेलाइहेङ ख्रिस्‍टको बारेता हिङपान्‍हाखे। कालाउ झाराङहेङ ख्रिस्‍टता बोल्‍याका बान्‍हाइतेङ परमेस्‍वरकोता थुकापालि केलाइ गोताङ आकिल बुदिहोइ झाराङ द्‍याङगेलाइहेङ चेतानि पितेङ धिरपान्‍हाखे।

कलस्सि 4:12

नेलाइकोङ एमि ओने, ख्रिस्‍ट इसुको चाकर इपाफ्रास बुङ नेलाइहेङ सेउपाका पिगिल्‍का हि। नेलाइ हाङसाता बोल्‍याका जेङतेङ थिर जेङसु रो परमेस्‍वरको भोका गोताङ काथा पाक्‍का ग्‍याको दोअ्‌तेङ वा दिनाङ पुकार पाखे।

याकुब 1:26

एदि हासुङ ताइमि धरमाति हिघा दोअ्‌खे, कालाउ बुङ ताइको देतोङहेङ आधिनता माताअ्‌खे पानु वा ताइमिहेङ छल पाखे कालाउ वाको धरम करम बिथाको जेङखे।

याकुब 1:4

कालाउ नेलाइ गोताङ थोक सहेलि धिरलिगोइस्‍वाना, एन्‍साङ नेलाइ हिदिङ काथाको बुङ हारजा माजेङसिङ नेलाइ गोताङ थोकता बोल्‍याका जेङस्‍वाना।

याकुब 2:10

हाइपानु जाइ गोताङ नियम साअ्‌तेङ बुङ एलोङ काथाता चुकिखे पानु, इङको नियमको गोताङ काथाता दुस ठर्‍हाइन्‍हाखे।

1पतरुस 3:10

धरमकिताब एसा दोअ्‌खे, “जाइ ताइको ज्‍यानहेङ दायाखे, रेम्‍का दिनागेलाइ तिङलि लाल्‍सा पाखे पानु, इङको ताइको देतोङहेङ मारेम्‍कासो रो ताइको दिरबेहेङ छल काथा धुइकासो फारापा ताअ्‌ताको।

1पतरुस 5:10

हेन्‍जाङ निगाहा हिका परमेस्‍वर ख्रिस्‍टता ताइको असिम प्रतापको भाअ्‌सिङ नेलाइहेङ काइका हि। नेलाइ आतुइसा पहर तु: भोगेकान्‍हुअ्‌सो वा दोङ नेलाइहेङ आरोङ नावा बान्‍हाइतेङ अचल बान्‍हाइयावा रो सरबङहिका बान्‍हाइयावा।