याकुब 3:16 - धिमाल

¹⁶ हाइपानु जेता ताइको खिनिङ भालाइ भोखे, इन्‍ता गोलमाल रो गोताङ खालको आखेका कामगेलाइ जेङखे।

Dhimal NT

¹⁶ हाइपालिपानु जेता आरिस कालाउ स्वार्थ हिखे, इन्ता चेरसुका-फेसुका कालाउ गोताङ खाल्को भ्रस्ट काम जेङका हिखे।

याकुब 3:16 Iomraidhean Croise

मर्कुस 3:25

हिदिङ साअ्‌ता ताताइमिता चेरसुनु इङको साअ् हिलि माद्‍वावा।

साल्न्हाका चात्या 19:29

इङको पुरता खाइलाबाइला जेङलि तेङहि। द्‍याङगेलाइ हुल धेउतेङ लोहि रो माकेडोनियासो लोका पावलको सानाइति गायस रो अरिस्‍तारखसहेङ रिम्‍तेङ घाकाथामेता चुमपुहि।

1 कोरिन्थि 14:33

हाइदोनु परमेस्‍वर आवाइपाका परमेस्‍वर माको, सुबिस्‍ताको परमेस्‍वर हि। परमेस्‍वरको द्‌याङगेलाइको गोताङ मन्‍डलिता हिका चलनआन्‍सार,

1 कोरिन्थि 3:3

एला बुङ नेलाइ ताइकोङ मनको लाल्‍सागेलाइ पोङघा पालि भाअ्‌सिङ खिनिङ लागितेङ हिसुन्‍हा। कालाउ नेलाइको माझाता एला बुङ दाहा रो चेरसुका हिदोङ हि। हाइ एन्‍सा जेङनु नेलाइ ताइको मनको लाल्‍सा आन्‍सार चलेका दुनियाको बो द्‍याङगेलाइ भाइपाङ माजेङसुन्‍हा कुनु?

गलाति 5:20

दिर पुजिलि, तुनामुना पालि, दुस्‍मनि पालि, झागारा पालि, इख पालि, चेर ताम्‍पालि, ताइको खिनिङ भालाइ भोलि, बेमेल चुमालि, पछेबिपछे पालि,

याकुब 3:14

कालाउ एदि नेलाइको कोन्‍धाङता आखेका काथा, बोमिहेङ मि तु:पाका रो ताइको खिनिङ भालाइ खाङका हि पानु ताइको आकिलता तुजुक पातेङ सतको खिलापता कुकरम मापासु।

१ युहन्‍ना 3:12

केलाइ कइनभाइपा माजेनाइने। वा दियाबलसको जाहान हिनाङ ताइको ओने हाबिलहेङ सेअ्‌हि। कइन हाइपालि ताइको ओनेहेङ सेअ्‌हि? हाइदोनु वाको ताइको कामगेलाइ दुरजन हिघाखे, कालाउ वाको ओनेको कामगेलाइचाहिँ धरमाति हिघाखे।