याकुब 3:15 - धिमाल

¹⁵ इसिका आकिल परमेस्‍वरसो लोका माको, कालाउ इदोइ ते दुनियाको, हाङसाको रो दियाबलसको आकिल एइ।

Dhimal NT

¹⁵ या बुद्दि परमेस्वरसो लोका बुद्दि माको, कालाउ याते सुमिङ, द्‍याङको बिचारसो कालाउ साइतानसो दोङ लोका हि।

याकुब 3:15 Iomraidhean Croise

याकुब 3:17

कालाउ जेदोङ आकिल सादेलसो लोखे, इङको पुनित, सुका पिका, नोइका रो मिलिका हिखे। इसिका आकिल दायाहोइ पोङघाका हिखे रो इङको रेम्‍का कामको फल सेपाखे। कालाउ इदोइ पछेपात रो छल मापाका जेङखे।

याकुब 1:17

जेथे बुङ रेम्‍का रो पुरा बर सादेलसो लोखे। इङकोङ बर फाइसालाम्‍का परमेस्‍वर आबा केलाइहेङ पिखे। वा हेअ्‌लाउ बुङ माफेरिन्‍हाखे रो वा नाते फेरिन्‍हाका स्‍याइर्‍हेभाइका दोङ हि।

1 कोरिन्थि 3:19

हाइदोनु दुनियाको आकिल परमेस्‍वरको आगाता निरबुदि काथा एइ। धरमकिताबता इसिका लेखेन्‍हाका हि: “परमेस्‍वर इङको आकिलहिका द्‌याङगेलाइहेङ एम्‍बालाइको चालाकिता दोङ रिमावा।”

फिलिप्पि 3:19

आखिरता परमेस्‍वर एम्‍बालाइहेङ मुअ्‌पावा। हाइदोनु एम्‍बालाइ ख्रिस्‍टको इछा माको कालाउ ताइको जिउको इछागेलाइको चाकर पाखे। एम्‍बालाइ लेदेरलि गोइका काथागेलाइता तुजुक पाखे। एम्‍बालाइ परमेस्‍वरको काथाता माको कालाउ बुङ दुनियाको काथाता लागेका हिखे।

1 कोरिन्थि 2:14

जेदोङ द्‌याङदोफा पुनित हाङसा मान्‍थुखे, इङको परमेस्‍वरको हाङसाको धिरपाका काथा मार्‍हुखे रो इदोइ काथा इङकोको भाअ्‌सिङ बेकामको जेङखे। इङको इदोइ काथागेलाइ गेलि मादोखे, हाइदोनु एमि खामाल इदोइ काथागेलाइ पुनित हाङसाको साहेताहोइ खिनिङ गेलि दोखे।

याकुब 1:5

एदि नेलाइता हासुङहेङ आकिल गोइका हिनु परमेस्‍वरदोफा र्‍हेकाको रो वा इङकोहेङ लेङचातेङ प्‍यावा।

1तिमोथि 4:1

पुनित हाङसा रेम्‍फा गिपातेङ दोअ्‌खे, न्‍हुअ्‌सो लोका पहरता हेथे द्‍याङगेलाइ खान्‍धुर दोङ पालि लाअ्‌तावा। एम्‍बालाइ असत हाङसागेलाइको रो मासानको दोअ्‌का काथा साअ्‌तावा।

1 कोरिन्थि 3:3

एला बुङ नेलाइ ताइकोङ मनको लाल्‍सागेलाइ पोङघा पालि भाअ्‌सिङ खिनिङ लागितेङ हिसुन्‍हा। कालाउ नेलाइको माझाता एला बुङ दाहा रो चेरसुका हिदोङ हि। हाइ एन्‍सा जेङनु नेलाइ ताइको मनको लाल्‍सा आन्‍सार चलेका दुनियाको बो द्‍याङगेलाइ भाइपाङ माजेङसुन्‍हा कुनु?

युहन्‍ना 3:17

हाइपानु परमेस्‍वर दुनियाहेङ फतुर पिलि दोअ्‌तेङ चानहेङ दुनियाता दिङगिल्‍का माको, कालाउ दुनिया वासो सिन्‍हुताको दोअ्‌तेङ दिङगिल्‍हि।

2 थेस्लोनिकि 2:9

इङको नियम मासाअ्‌का दियाबलसको सरबङदोफा ल्‍वावा रो इङको गोताङ खाल्‍को असत चिनो रो भारभुसाइका कामगेलाइ पावा।

1 कोरिन्थि 1:27

कालाउ परमेस्‍वर आकिलहिकाहेङ लेदेरपालि दुनियाको निरबुदिगेलाइहेङ साल्‍हि। कालाउ सरबङहिकालाइहेङ लेदेरपालि दुनियाको निमसरोगेलाइहेङ साल्‍हि।

साल्न्हाका चात्या 13:10

रो दोअ्‌हि, “ना दियाबलसको चान, गोताङ धरमको दुस्‍मन, आसाति चालसो पोङघाका! हाइ ना प्रभुको सोझा दामा केउपालि मालाअ्‌ताना?

युहन्‍ना 8:44

नेलाइ ताइको आबा दियाबलसको एइ रो नेलाइको आबाको लाल्‍सा पोङघा पालि नेलाइको मनसुबा हि। इङको ते लाम्‍फासो दोङ ज्‍यानमारा हिघाहि रो सतेदोफा इङकोहेङ हाइदोङ वास्‍ता मान्‍थु। हाइदोनु इङकोता सत मान्‍थु। जेलाउ इङको असत धुइखे, इङको ताइकोङ आनिबानिमाफिक धुइखे, हाइदोनु इङको असत एइ रो असतको आबा एइ।

लुका 16:8

“इदोइ काथा गितेङ इङको मालिक बाइमान खाजान्‍चिको चालाकिहेङ तिङतेङ बाखिन्‍हि। हाइदोनु परमेस्‍वरता खान्‍धुर मापाकालाइ ताइको द्‍याङगेलाइ दोफा बेभार पालाउ परमेस्‍वरता खान्‍धुर पाकालाइ खान्‍तेङ हेन्‍जाङ चालाक जेङखे।