याकुब 1:22 - धिमाल

²² परमेस्‍वरको कथन साअ्‌का जेङसु रो हिङका खिनिङ जेङतेङ ताइमिङहेङ छल मापासु।

Dhimal NT

²² कालाउ परमेस्वरको बचन केम्का जेङसु, कालाउ हिङतेङ खिनिङ ताइमिहेङ धोका मापिसु।

याकुब 1:22 Iomraidhean Croise

मत्‍ति 12:50

हाइदोनु जाइ सादेलता हितेङहिका काङको परमेस्‍वर आबाको काथा मानिखे, एम्‍बालाइ दोङ काङको दादा ओने रो काङको आमाइ एइ।”

मत्‍ति 28:20

का नेलाइहेङ हुकुम पिका गोताङ काथा मानेलि एम्‍बालाइहेङ धिरपासु। खाङसु, का सुमिङको न्‍हुअ्‌थिकापा दिनाङ नेलाइ दोसाङ ह्‍याङका।”

लुका 11:28

इदोइ हिङतेङ इसु दोअ्‌हि, “इन्‍सिका माको भुरुङ परमेस्‍वरको बिद्‌या हिङतेङ मानेकालाइ हेथे आसिस निङका जेनावा।”

युहन्‍ना 13:17

एदि नेलाइ इदोइ काथा गेसुन्‍हा रो इङको पासुन्‍हा पानु, नेलाइ सहसाम्‍पा जेङस्‍वाना।

1 कोरिन्थि 15:33

नेलाइ इसिका काथा माआवासु, हाइदोनु आखेका सानाइतिगेलाइको सङगतहोइ एल्‍का द्‌याङ बुङ बिगिरावा।

1 कोरिन्थि 3:18

हासुङ ताइमिङहेङ छल मापाको। नेलाइता हासुङ इदोइ दुनियाको आकिलहिका द्‌याङ हिघा दोअ्‌तेङ फोमपाखे पानु, इङको जातिङको आकिलहिका जेङलिको भाअ्‌सिङ निरबुदि जेङलि गोयाङ।

1 कोरिन्थि 6:9

आसाति द्‌याङगेलाइ परमेस्‍वरको सारभिता दुल्‍का खाबरा मानिङखे दोअ्‌का हाइ नेलाइ मागेसुखेना? इदोइखातिर ताइमिङहेङ छल मापासु। इसिका छारा काम पाकालाइ, दिर पुजिकालाइ, दुराचार पाकालाइ, हिजारागेलाइ, वाबाल मागान्‍धाइकालाइ,

गलाति 6:3

एदि हिदिङ द्‌याङ ताइमि बाराका मान्‍थुलाउ बुङ ताइमि बाराका हिघा दोअ्‌तेङ फोमपाखे पानु इङको ताइमिङहेङ दोङ छल पाखे।

गलाति 6:7

ताइमिङ ताइमिङहेङ छल मापासु, परमेस्‍वरहेङ हासुङ बुङ धाताइलि माद्‌वावा। हाइदोनु द्‌याङ जेदोङ थिङखे इङकोङ उब्‍जा चेकावा।

फिलिप्पि 4:8

एला दादाओने बाइओनेगेलाइ, जेदोङ काथा सत रो मानको हि, जेदोङ काथा नियाको रो पुनित हि, जेदोङ काथा माया लाएक रो निगाहाको हि, जेदोङ काथा रेम्‍का रो बाखिन्‍लि गोइका हि, इङकोङ काथाता मन लागाइसु।

कलस्सि 3:17

नेलाइ जेदोङ दोअ्‌लाउ बुङ, जेदोङ पालाउ बुङ, गोताङ काथा प्रभु इसुकोङ मिङता पासु। कालाउ वासो दोङ परमेस्‍वर आबाहेङ च्‍याबास चार्‍हाइसु।

2 तिमोथि 3:13

आसाति रो ठगेकागेलाइ चाहिँ बोमिहेङ ठग्‍याङका दोअ्‌लाउ ताइमिङ ठगेन्‍हातेङ एम्‍बालाइ झनझन बिगिरतेङ हानावा।

तितस 3:3

हाइदोनु केलाइ ताइमिङ बुङ ए पहर निरबुदि, हुकुममासाअ्‌का रो बिगारता वालाका हिघान्‍हाहि। केलाइ मारेम्‍का लाल्‍सासो रो गोताङ खालको भोगबिलासको बान्‍धाइगेलाइ हिघान्‍हाहि। केलाइ ताइको ज्‍यान आसाति रो डाहाता दोपाघान्‍हाखे। केलाइ आनादरि हिघान्‍हाहि रो एभेनेङहेङ आनादर पाघान्‍हाखे।

याकुब 1:26

एदि हासुङ ताइमि धरमाति हिघा दोअ्‌खे, कालाउ बुङ ताइको देतोङहेङ आधिनता माताअ्‌खे पानु वा ताइमिहेङ छल पाखे कालाउ वाको धरम करम बिथाको जेङखे।

याकुब 4:11

दादाओने बाइओनेगेलाइ, हासुङको खिलापता मारेम्‍का काथा माधुइसु। जाइ ताइको खान्‍धुरि दादाओने बाइओनेको खिलापता आखेका काथा धुइतेङ एम्‍बालाइहेङ दुसिखे पानु, इङको नियमको खिलापता धुइखे रो नियमहेङ दुसिखे। कालाउ एदि नेलाइ नियमहेङ दुसिसुखेना पानु ते नियममाफिक माचलेसुखेना, कालाउ नियमको नियापाका कि जेङसुन्‍हा।

याकुब 4:17

इदोइखातिर जाइ भालाइ पालि गेतेङ बुङ एन्‍सा मापानु इङको कुकरम पाखे।

२ पत्‍रुस 2:13

एम्‍बालाइ जेसापा बोमिहेङ तु: पिखे एम्‍बालाइ बुङ एन्‍साङ तु: निङचालि गोयावा। हाइपानु एम्‍बालाइ नितिमाङ ताइ जिउको लाल्‍सागेलाइ पोङघापालि भोखे। एम्‍बालाइदोफा चालिआम्‍लि योम्‍लि दोङ नेलाइको भाअ्‌सिङ लेदेरपाका रो बादनामको काथा एइ। एम्‍बालाइ दिनाङ छलछाम पालि मोन्‍दाताखे।

१ युहन्‍ना 1:8

एदि केलाइता कुकरम मान्‍थु दोअ्‌तेङ केलाइ दोअ्‌न्‍हाखे पानु केलाइ ताइमिङहेङ छल पान्‍हाखे रो केलाइता सत मान्‍थुखे।

१ युहन्‍ना 2:3

एदि केलाइ वाको हुकुमगेलाइ साअ्‌न्‍हाखे पानु पाकाङ केलाइ वासेहेङ नालन्‍हाखे दोअ्‌तेङ गेन्‍हाखे।

१ युहन्‍ना 3:7

काङको दायाका जामालाइ, हिदिङ बुङ द्‍याङ नेलाइहेङ छलेलि मानिनाको। धरमाति काम पाका द्‌याङ दोङ ख्रिस्‍टभाइपाङ धरमाति ज्‍यावा।

३ युहन्‍ना 1:11

मोन्‍दाताका सानाइति, आखेकाहेङ मापिताइ, कालाउ भालाइहेङ पिताइ। जाइ भालाइ पाखे, इङको परमेस्‍वरको एइ। जाइ आखेका पाखे, इङको परमेस्‍वरहेङ नालकाङ मान्‍थुखे।