याकुब 1:17 - धिमाल

¹⁷ जेथे बुङ रेम्‍का रो पुरा बर सादेलसो लोखे। इङकोङ बर फाइसालाम्‍का परमेस्‍वर आबा केलाइहेङ पिखे। वा हेअ्‌लाउ बुङ माफेरिन्‍हाखे रो वा नाते फेरिन्‍हाका स्‍याइर्‍हेभाइका दोङ हि।

Dhimal NT

¹⁷ हाइपालिपानु हिदोइ बुङ रेम्का कालाउ सिद्द बरदान परमेस्वरसोङ लोखे, इदोइ बरदान फाइसालामकाको आबासो लोखे। परमेस्वर जेलाउ बुङ ए सामान हिखे कालाउ वा स्याइरे भाइका आदलबदल माजेङखे।

याकुब 1:17 Iomraidhean Croise

मत्‍ति 7:11

एसापा नेलाइ आसाति हितेङ बुङ चानचामिन्‍दिगेलाइहेङ रेम्‍का सामान पिलि गेसुन्‍हा पानु, झन सादेलता हिका नेलाइको आबा वाकोदोफा र्‍हेकालाइहेङ हेथे हेन्‍जा रेम्‍का सामान प्‍यावा।

लुका 11:13

नेलाइ कुकरमि हिलाउ बुङ ताइको चान चामिन्‍दिहेङ रेम्‍का सामान पिलि गेसुन्‍हा पानु सादेलता हिका आबा र्‍हेकालाइहेङ झन हेन्‍जा पुनित हाङसा माप्‍यावा कुनु?”

युहन्‍ना 1:9

झाराङ द्‍याङगेलाइहेङ आकिल पिका जातिङको जोल्‍का दुनियाता लोदोङघाहि।

युहन्‍ना 3:27

युहन्‍ना दोअ्‌हि, “द्‍याङहेङ सादेलसो मापिपाधाउ इङको हिदिङ काथा निङलि माद्‍वावा।

युहन्‍ना 3:3

इसु इङकोहेङ दोअ्‌हि, “जातिङको का नासेहेङ दोअ्‌खा, हासुङ नावा पातेङ जोलोम माजेङनु वा परमेस्‍वरको सारभि तिङलि माद्‍वावा।”

युहन्‍ना 8:12

इसु आरोङ एम्‍बालाइहेङ दोअ्‌हि, “का दुनियाको जोल्‍का एइ। कासेहेङ पिताइका कितिकितिकाता माहिगिलावा, कुलाउ वा ज्‍यानको जोल्‍का निनावा।”

साल्न्हाका चात्या 11:18

इदोइ काथा हिङकान्‍हुअ्‌सो एम्‍बालाइ सिपापा हि रो एसा दोअ्‌तेङ परमेस्‍वरहेङ बाखिन्‍हि, “एला ते परमेस्‍वर बोजात्‍यागेलाइहेङ बुङ हेअ्‌लाइ मासिका ज्‍यानको भाअ्‌सिङ कुकरम मानेतेङ घुरिलि बखत पिका हि।”

साल्न्हाका चात्या 5:31

परमेस्‍वर इस्राएलगेलाइ कुकरम मानितेङ कुकरमसो माफ निनाको दोअ्‌तेङ वासेहेङ राजा रो मुक्‍तिपिका बान्‍हाइतेङ ताइको दाम्‍पाहा खुरहोइ झाउपाहि।

1 कोरिन्थि 4:7

हासु नेलाइहेङ बोखान्‍तेङ बाराका बान्‍हाइहि? हाइ नेलाइदोफा हिका गोताङ काथा परमेस्‍वर दोङ पिका माको कुनु? कालाउ नेलाइदोफा हिका गोताङ थोक परमेस्‍वरसो निङहि पानु इङकोचाहिँ बर दोङ माको भाइपा पातेङ हाइपालि तुजुक पासुखेना?

फिलिप्पि 1:29

हाइदोनु परमेस्‍वर नेलाइहेङ ख्रिस्‍टता खान्‍धुर पालिको भाअ्‌सिङ खिनिङ माको, कालाउ वाको भाअ्‌सिङ तु: पिर भोगितेङ वाकोङ चाकर पाका एल्‍का माउका बुङ पिका हि।

1तिमोथि 6:16

वा हेअ्‌लाउ मासिका रो हासुङ थुकालि मादोका फाइसालाम्‍काता ह्‍यावा। वासेहेङ हासुङ बुङ एलाथिकापा तिङका मान्‍थु रो तिङलि बुङ माद्‍वावा। दिनाङ दोङ हितेङ हिका सरबङ रो मान वाताङ ह्‍याको। आमेन।

याकुब 1:5

एदि नेलाइता हासुङहेङ आकिल गोइका हिनु परमेस्‍वरदोफा र्‍हेकाको रो वा इङकोहेङ लेङचातेङ प्‍यावा।

याकुब 3:15

इसिका आकिल परमेस्‍वरसो लोका माको, कालाउ इदोइ ते दुनियाको, हाङसाको रो दियाबलसको आकिल एइ।

याकुब 3:17

कालाउ जेदोङ आकिल सादेलसो लोखे, इङको पुनित, सुका पिका, नोइका रो मिलिका हिखे। इसिका आकिल दायाहोइ पोङघाका हिखे रो इङको रेम्‍का कामको फल सेपाखे। कालाउ इदोइ पछेपात रो छल मापाका जेङखे।

१ युहन्‍ना 1:5

एला केलाइ जेदोङ बानाल इसु ख्रिस्‍टसो हिङका हिन्‍हाहि इङको बानाल नेलाइहेङ पारचार पादोङन्‍हाखे: परमेस्‍वर जोल्‍का हि रो वाता हेथे बुङ कितिकितिका मान्‍थु।

१ युहन्‍ना 4:10

माया इदोङता हि, केलाइ परमेस्‍वरहेङ माया पाका माको, कालाउ वा केलाइहेङ माया पाहि रो केलाइको कुकरमको भोक जेङलिको भाअ्‌सिङ ताइको चान दिङगिल्‍हि।