याकुब 1:14 - धिमाल

¹⁴ कालाउ झाराङ द्‍याङगेलाइ ताइकोङ आखेका आनिबानिता मनलागाइतेङ जाचता वालाखे।

Dhimal NT

¹⁴ कालाउ द्‍याङ ताइकोङ खाराब इच्छासो आवाइ तुगुल्तेङ जाचता परिखे। या एनोङ गुपुस भाइका हि, जाइ लासा भारि तानिन्हाखे।

याकुब 1:14 Iomraidhean Croise

मत्‍ति 15:18

कालाउ बुङ द्‍याङको नुइसो बाहार ओल्‍हेका काथा वाको कोन्‍धाङसो ओल्‍हेखे रो इदोइ दोङ काथाहोइ द्‍याङहेङ अपुनित बान्‍हाइखे।

मत्‍ति 15:20

इदोइ काथागेलाइसो चाहिँ द्‍याङहेङ अपुनित पाखे। कालाउ बुङ खुर माझासिङ चालाउ वासेहेङ अपुनित मापाखे!”

मत्‍ति 4:1

इङकोन्‍हुअ्‌सो पुनित हाङसा मासानको राजा दियाबलससो इसुहेङ कुकरमता फासेपालिको भाअ्‌सिङ उदादाङका थामेता चुमपुन्‍हाहि।

मत्‍ति 5:28

कालाउ बुङ का नेलाइहेङ दोअ्‌खा, जाइ हिदिङ बेबालहेङ मारेम्‍का ठहरसो खाङखे, इङको लाम्‍फासोङ ताइको कोन्‍धाङता इङकोदोफा दुराचार पालिदोका हिखे।

याकुब 1:13

इसिका तु: पिर जेङलाउ हासुङ बुङ कासेहेङ परमेस्‍वर जाच पाहि मादोअ्‌ताको। हाइदोनु परमेस्‍वर आखेका काथाको जाचता मावालाखे रो बोमिहेङ बुङ जाचता मावालापाखे।

याकुब 1:15

इदोइखातिर ताइको मन आखेका काथाता लागाइतेङ कुकरम जोन्‍माइखे। कालाउ इङकोङ कुकरम बार्‍हेतेङ इङको सिका चुमाखे।