याकुब 1:10 - धिमाल

¹⁰ एन्‍साङ पातेङ धनि दादाओने बाइओनेगेलाइ, नेलाइ म्‍हुइलि गोइलाउ बुङ लेङचासु। हाइदोनु धनि द्‌याङगेलाइ ते झार ल्‍हेअ्‌भाइपाङ चुअ्‌तेङहानावा।

Dhimal NT

¹⁰ कालाउ धनि खान्धुराइगेलाइ खुसि हिलि गोइखे, हाइपालिपानु परमेस्वर इम्बालाइहेङ मोनोइ बानाइका हि। हाइपालिपानु द्‍याङ घासिको ल्हे भाइपा चुतेङ हानावा।

याकुब 1:10 Iomraidhean Croise

मत्‍ति 5:3

“परमेस्‍वरको आगाता ताइमिहेङ हाइदोङ माको दोअ्‌तेङ फोमपाकालाइ सहसाम्‍पा निङकालाइ ज्‍याङ, हाइदोनु सादेलको सारभि एम्‍बालाइको ज्‍यावा।

मत्‍ति 6:30

नानि भारका कालाउ जुम्‍नि दोङ चुअ्‌तेङ मेता थालन्‍हाका घासि रो ल्‍हेअ्‌हेङ परमेस्‍वर एसापा सोबाइपाखे पानु हाइ वा नेलाइहेङ झन मासोबाइपावा कुनु? खोइ कुनु नेलाइको खान्‍धुर?

1 कोरिन्थि 7:31

कालाउ केलाइ इदोइ दुनियाता जेदोङ पान्‍हाखे, इदोइ थोकगेलाइ केलाइको भाअ्‌सिङ हेन्‍जा मोलको माको दोअ्‌तेङ गेसु। हाइदोनु इदोइ दुनिया एला मारफाङ मुअ्‌तेङ हानावा।

फिलिप्पि 3:8

इङको खिनिङ माको, इसु ख्रिस्‍ट काङको प्रभुहेङ रेम्‍फा नाल्‍लि निङलि दोङ बाराका काथा फोमपाखा रो बो गोताङ काथा बिथाको मानेखा। कालाउ वासेहेङ निङलिको भाअ्‌सिङ दोङ का गोताङ काथा लाअ्‌का हिघा। इदोइ गोताङ काथा धुलामुला भाइपाङ फोमपाका हिघा।

1तिमोथि 6:17

एला इदोइ दुनियाता गिर्‍हि जेङकालाइहेङ तुजुक मापालि दोअ्। कालाउ एम्‍बालाइको ताकाकाउरि दिनाङको भाअ्‌सिङ हितेङ माह्‍यावा। कालाउ केलाइको सुखको भाअ्‌सिङ गोताङ थोक होपाङ पिका परमेस्‍वरताङ भर ताअ्‌सु दोअ्‌तेङ एम्‍बालाइहेङ हुकुम पि।

याकुब 4:14

जुम्‍नि हाइ ज्‍याङ दोअ्‌तेङ नेलाइ हाइदोङ मागेसुखेना। नेलाइको ज्‍यान हिसिका हि? नेलाइ ते कुकुह्‍वा भाइका हिसुन्‍हा रो जाइ इघुरिङको भाअ्‌सिङ देखाल पिखे कालाउ राम्‍खे।

1पतरुस 1:24

हाइदोनु धरमकिताबता इसिका लेखेन्‍हाका हि, “झाराङ द्‌याङगेलाइ घासिभाइकाङ हि रो एम्‍बालाइको इजत बुङ घासि ल्‍हेअ्‌भाइकाङ हि। घासि चुअ्‌खे रो ल्‍हेअ्‌ हुल्‍खे।

१ युहन्‍ना 2:17

दुनिया रो दुनियाको द्‌याङगेलाइको पाका मारेम्‍का लाल्‍सागेलाइ मुअ्‌तेङ हानावा। कालाउ परमेस्‍वरको लाल्‍सा पोङघा पाकालाइ दिनाङको भाअ्‌सिङ हितेङह्‍यावा।