गलाति 6:7 - धिमाल

⁷ ताइमिङ ताइमिङहेङ छल मापासु, परमेस्‍वरहेङ हासुङ बुङ धाताइलि माद्‌वावा। हाइदोनु द्‌याङ जेदोङ थिङखे इङकोङ उब्‍जा चेकावा।

Dhimal NT

⁷ ताइमिहेङ धोका मापि, हासु बुङ परमेस्वरहेङ ठोगिलि माद्वाङ। हाइपालिपानु द्‍याङ जेदोङ थिङखे इङकोङ चेखे।

गलाति 6:7 Iomraidhean Croise

लुका 16:25

कालाउ आब्राहाम वासेहेङ दोअ्‌हि, ‘चान, हाइ नासेहेङ फोम मान्‍थु? फोमपातेङ खाङ त! ना सुमिङता हिलाउ नाङको ज्‍यानता रेम्‍कारेम्‍का आनेमाने निङन्‍हा। कालाउ लाजरस मारेम्‍फाङ तु: निन्‍चाका हिघाहि। कालाउ वा इता सुख रो सुबिस्‍ता निङकाहि कालाउ ना एला तु: भोगिदोङखेना।

लुका 21:8

इसु दोअ्‌हि, “होसपातेङ हिसु, नेलाइहेङ हासुबुङ ढाटाइलि माद्‌वाको। हाइदोनु हेन्‍जाङ द्‍याङगेलाइ काङको मिङ ओर्‍हाइतेङ ‘ख्रिस्‍ट का दोङ’ दोअ्‌तेङ ल्‍वावा। कालाउ ‘पहर भेरपाङ हि’ दोअ्‌तावा। कालाउ एम्‍बालाइहेङ मापिताइसु।

1 कोरिन्थि 15:33

नेलाइ इसिका काथा माआवासु, हाइदोनु आखेका सानाइतिगेलाइको सङगतहोइ एल्‍का द्‌याङ बुङ बिगिरावा।

1 कोरिन्थि 3:18

हासुङ ताइमिङहेङ छल मापाको। नेलाइता हासुङ इदोइ दुनियाको आकिलहिका द्‌याङ हिघा दोअ्‌तेङ फोमपाखे पानु, इङको जातिङको आकिलहिका जेङलिको भाअ्‌सिङ निरबुदि जेङलि गोयाङ।

1 कोरिन्थि 6:9

आसाति द्‌याङगेलाइ परमेस्‍वरको सारभिता दुल्‍का खाबरा मानिङखे दोअ्‌का हाइ नेलाइ मागेसुखेना? इदोइखातिर ताइमिङहेङ छल मापासु। इसिका छारा काम पाकालाइ, दिर पुजिकालाइ, दुराचार पाकालाइ, हिजारागेलाइ, वाबाल मागान्‍धाइकालाइ,

गलाति 6:3

एदि हिदिङ द्‌याङ ताइमि बाराका मान्‍थुलाउ बुङ ताइमि बाराका हिघा दोअ्‌तेङ फोमपाखे पानु इङको ताइमिङहेङ दोङ छल पाखे।

2 थेस्लोनिकि 2:3

कालाउ हासुङ नेलाइहेङ हिदिङ खाल्‍सो छलपालि मानिनाको। हाइदोनु परमेस्‍वरको खिलापता बाराका हुलदाङगा माजेम्‍पाधाउ रो मुअ्‌लिगोइका नियम मासाअ्‌का द्‍याङ मालोपाधाउ प्रभुको इङको दिना माल्‍वावा।

याकुब 1:22

परमेस्‍वरको कथन साअ्‌का जेङसु रो हिङका खिनिङ जेङतेङ ताइमिङहेङ छल मापासु।

याकुब 1:26

एदि हासुङ ताइमि धरमाति हिघा दोअ्‌खे, कालाउ बुङ ताइको देतोङहेङ आधिनता माताअ्‌खे पानु वा ताइमिहेङ छल पाखे कालाउ वाको धरम करम बिथाको जेङखे।

१ युहन्‍ना 1:8

एदि केलाइता कुकरम मान्‍थु दोअ्‌तेङ केलाइ दोअ्‌न्‍हाखे पानु केलाइ ताइमिङहेङ छल पान्‍हाखे रो केलाइता सत मान्‍थुखे।

१ युहन्‍ना 3:7

काङको दायाका जामालाइ, हिदिङ बुङ द्‍याङ नेलाइहेङ छलेलि मानिनाको। धरमाति काम पाका द्‌याङ दोङ ख्रिस्‍टभाइपाङ धरमाति ज्‍यावा।