गलाति 6:3 - धिमाल

³ एदि हिदिङ द्‌याङ ताइमि बाराका मान्‍थुलाउ बुङ ताइमि बाराका हिघा दोअ्‌तेङ फोमपाखे पानु इङको ताइमिङहेङ दोङ छल पाखे।

Dhimal NT

³ जेसापा हासु बुङ ताइमिङहेङ का हाइ दोङ हिघा दोअ्का सम्झिखे कालाउ बास्ताबता हाइ बुङ मान्थुखे पानु, वा ताइमिहेङ धोका पिखे।

गलाति 6:3 Iomraidhean Croise

लुका 18:11

इङको फरिसि आसा उसो जाअ्‌तेङ एसापा पुकार पालि तेङहि, ‘परमेस्‍वर आबा, का नासेहेङ च्‍याबास पिखा; हाइपानु का बो द्‌याङगेलाइ भाइपा दिअ्‌का रो बाइमान मान्‍थुघा। का दुराचार बुङ पानाङ मान्‍थुघा। कालाउ का इङको लेबि द्‌याङ भाइका बुङ मान्‍थुघा।

साल्न्हाका चात्या 5:36

हाइपानु नानिखान्‍तेङ लाम्‍फा बुङ एमि थुदास दोअ्‌का कादोङ दोअ्‌तेङ जाअ्‌हि रो द्‍यासाइ द्‍याङगेलाइ वासेहेङ पिताइहि। इङको सेअ्‌न्‍हाहि, इङकोहेङ पिताइकालाइ झाराङ राइन्‍हाहि रो गोताङ बित्‍था जेङहि।

1 कोरिन्थि 13:2

कादोफा आगाधुइ धुइका बर हि, परमेस्‍वरको म्‍होअ्‌न्‍हाका काथागेलाइ गेका आकिल बुङ हि रो आरदाङहेङ लाअ्‌पालि दोका खान्‍धुरको सरबङ बुङ हि, कालाउ का बोमिहेङ माया मापाखा पानु का हाइ दोङ बुङ माको।

1 कोरिन्थि 3:18

हासुङ ताइमिङहेङ छल मापाको। नेलाइता हासुङ इदोइ दुनियाको आकिलहिका द्‌याङ हिघा दोअ्‌तेङ फोमपाखे पानु, इङको जातिङको आकिलहिका जेङलिको भाअ्‌सिङ निरबुदि जेङलि गोयाङ।

1 कोरिन्थि 8:2

एदि हासुङ ताइमिहेङ का जातिङको गेका हिघा दोअ्‌खे पानु, वा गिलिगोइका काथा हाइदोङ गेकाङ मान्‍थुखे।

गलाति 2:6

कालाउ यरुसलेमता हिका इङको आगुवा दोअ्‌तेङ नाल्‍कालाइ काङको पारचार पाका रेम्‍काबानालता हाइदोङ नावा साल्‍हा मापिहि। इदोइखातिर एम्‍बालाइ जेथे बारालाउ बुङ कासेहेङ हाइदोङ माज्‍याङ। हाइदोनु परमेस्‍वर हासुहेङ बुङ पछेपात मापाखे।

गलाति 2:9

इदोइ काङको भाअ्‌सिङ परमेस्‍वरको बाराका निगाहा एइ। इदोइ काथाहेङ याकुब, पत्‍रुस रो युहन्‍ना भाइका मन्‍डलिको मुल आगुवागेलाइ दोअ्‌तेङ नालन्‍हाकालाइ बुङ साअ्‌का हि। इदोइखातिर एम्‍बालाइ बारनाबास रो कासेहेङ खुर मिलिपातेङ ताइको मिलापता चुमाहि। केलाइचाहिँ बो जात्‍याको माझाता रो एम्‍बालाइचाहिँ यहुदिगेलाइको माझाता काम पालि राजि जेङन्‍हाहि।

2 तिमोथि 3:13

आसाति रो ठगेकागेलाइ चाहिँ बोमिहेङ ठग्‍याङका दोअ्‌लाउ ताइमिङ ठगेन्‍हातेङ एम्‍बालाइ झनझन बिगिरतेङ हानावा।

याकुब 1:22

परमेस्‍वरको कथन साअ्‌का जेङसु रो हिङका खिनिङ जेङतेङ ताइमिङहेङ छल मापासु।

याकुब 1:26

एदि हासुङ ताइमि धरमाति हिघा दोअ्‌खे, कालाउ बुङ ताइको देतोङहेङ आधिनता माताअ्‌खे पानु वा ताइमिहेङ छल पाखे कालाउ वाको धरम करम बिथाको जेङखे।

१ युहन्‍ना 1:8

एदि केलाइता कुकरम मान्‍थु दोअ्‌तेङ केलाइ दोअ्‌न्‍हाखे पानु केलाइ ताइमिङहेङ छल पान्‍हाखे रो केलाइता सत मान्‍थुखे।