गलाति 6:12 - धिमाल

¹² द्‌याङगेलाइको आगाता रेम्‍का जेङलि भोकालाइ दोङ नेलाइहेङ खतना पालिगोयाङ दोअ्‌तेङ कर लागाइखे। इदोइ काथा एम्‍बालाइ कुरुसता पिका ख्रिस्‍टको भोकसो खिनिङ छुटकारा निङखे दोअ्‌का पारचार पालाउ सान्‍ताइका ल्‍वाङ बे दोअ्‌तेङ एम्‍बालाइ थिखे।

Dhimal NT

¹² यहुदिगेलाइ नेलाइहेङ सुइकार पाको दोअ्तेङ, इम्बालाइ नेलाइहेङ खाताना पालि कर लागाइखे। इम्बालाइ एसा दोअ्खे, कालाउकि हासु बुङ इम्बालाइहेङ मासाताइयाको, हाइपालिपानु येसु ख्रिस्ट जाइ क्रुसता सिहि वाको ह्रुता खाङधुरि पातेङ खिनिङ परमेस्वर केलाइहेङ बान्चिपालि द्वाङ दोअ्तेङ इम्बालाइ प्राचार पाखे।

गलाति 6:12 Iomraidhean Croise

मत्‍ति 23:27

“धिकार धरममास्‍टर रो फरिसिगेलाइ! नेलाइ चिम्‍काटा हिसुन्‍हा। हाइपानु नेलाइ चुना लागाइका तोमभाइकाङ हिसुन्‍हा। इङको तोम बाहारपाहासो खाङलाउ ते रेम्‍का तिङखे, कालाउ बुङ लिअ्‌तापाहा सितेङ आइका हारा रो अपुनित काथा खिनिङ हिका हिखे।

मत्‍ति 23:28

एसाङ पातेङ बाहारसो खाङलाउ नेलाइ द्‍याङको आगाता धरमभाइपाङ तिङसुखेना, कालाउ बुङ लिअ्‌ता चाहिँ नेलाइको मन कपट रो कुकरमहोइ पोङघाका हि।

मत्‍ति 23:5

एम्‍बालाइ ताइको गोताङ काम द्‍याङगेलाइहेङ तिम्‍पालि भाअ्‌सिङ पाखे। एम्‍बालाइ नियमको काथाहेङ बाराबाराका जन्‍तर बान्‍हाइतेङ लागाइखे रो धरम हिघा दोअ्‌तेङ तिङपालि ताइको धाबाता र्‍हिर्‍हिङका फुरकागेलाइ लागाइखे।

मत्‍ति 5:10

धरमकाम पानाङसिङ सान्‍ताइन्‍हाकालाइ सहसाम्‍पा निङकालाइ ज्‍यावा, हाइदोनु सादेलको सारभि एम्‍बालाइको ज्‍यावा।

मत्‍ति 6:16

“जेलाउ नेलाइ म्‍हितुपाङ हिसुखेना, कालाउ चिम्‍काटागेलाइ भाइपा झामाका र्‍हाइ मातिङपासु। हाइपानु द्‍याङगेलाइहेङ म्‍हितुपाङ हिका तिम्‍पालि एम्‍बालाइ ताइको र्‍हाइ झामा पातेङ हिखे। जातिङको, का नेलाइहेङ दोअ्‌खा, एम्‍बालाइ ताइको इनाम निङलि दोहोइ।

मत्‍ति 6:2

“इदोइखातिर जेलाउ नेलाइ मान्‍थुकालाइहेङ दान पिलाउ, तिनाको रो हिन्‍हाको दोअ्‌तेङ धुतुरु माम्‍होअ्‌सु। इसिका ते चिम्‍काटागेलाइ कि द्‍याङगेलाइसो बाखिन्‍का निङलि कचहरिसाअ् रो दामागेलाइता पाखे। जातिङको, का नेलाइहेङ दोअ्‌खा, एम्‍बालाइ ताइको इनाम निङलि दोहोइ।

मत्‍ति 6:5

“जेलाउ ना पुकार पाखेना कालाउ चिम्‍काटागेलाइभाइपा माजेङ, हाइपानु एम्‍बालाइ ते कचहरिसाअ्‌गेलाइता रो दामागेलाइको कोन्‍हाता द्‍याङगेलाइ तिनाको दोअ्‌तेङ जाअ्‌तेङ पुकार पालि मोन्‍दाताखे। जातिङको, का नेलाइहेङ दोअ्‌खा, एम्‍बालाइ ताइको इनाम निङलि दोहोइ।

लुका 16:15

कालाउ इसु एम्‍बालाइहेङ दोअ्‌हि, “नेलाइ द्‌याङगेलाइको नजरता धरम तिङलि ते भोसुखेना कुलाउ परमेस्‍वर नेलाइको कोन्‍धाङ गेखे। द्‌याङको झाउका फोमपाका इन्‍सिका काथागेलाइहेङ परमेस्‍वर आखेका दोअ्‌तेङ मोन्‍दा माताखे।

लुका 20:47

एम्‍बालाइ रान्‍दिको साअ्‌द्वार घिम्‍पिखे कालाउ तिम्‍पालि भाअ्‌सिङ एम्‍बालाइ हेन्‍जा बेलोम्‍पा पुकार पाखे। इन्‍सिका द्‍याङगेलाइ झाराङ खान्‍तेङ बाराका दार निनावा।”

युहन्‍ना 7:18

जाइ ताइकोङ पाहासो धुइखे, वा ताइकोङ मान भोखे, कालाउ बुङ जाइ ताइमिहेङ दिङगिल्‍काको मान भोखे, इङको सत एइ रो वाता जाल मान्‍थुखे।

साल्न्हाका चात्या 15:1

एला आधेमि द्‍याङगेलाइ यहुदियासो एन्‍टिओखियाता लोतेङ दादाओनेगेलाइहेङ इसिका बिद्‍या पिलि तेङहि, “मोसाको नियमआन्‍सार खाताना मापानु नेलाइ मुक्‍ति निङलि मादोस्‍वाना।”

साल्न्हाका चात्या 15:5

कोलाउ खान्‍धुर पाका हेअ्‍मि फरिसिगेलाइ जाअ्‌तेङ दोअ्‌हि, “बोजात्‍यागेलाइको खाताना जेङलि रो एम्‍बालाइहेङ मोसाको पिका नियम मानेलि हुकुम पिलि जरुरि हि।”

गलाति 2:14

कालाउ जेलाउ रेम्‍काबानालको सत काथाता एम्‍बालाइ माचलेका तिङघा, कोलाउ एम्‍बालाइ झाराङको आगाता का पत्‍रुसहेङ दोअ्‌घा, “ना यहुदि जेङतेङ बुङ यहुदिभाइपा माजेङसिङ बोजात्‍यागेलाइभाइपाङ चलिखेना पानु, बोजात्‍यागेलाइहेङ यहुदिभाइपाङ चलेलि हेसापा कर लागाइखेना?”

गलाति 2:3

कालाउ तितस बोजात्‍या हिघाखे रो वा का दोफाङ हिलाउ बुङ इन्‍ताको खान्‍धुरिगेलाइ इङकोहेङ खतना जेङलि गोयाङ दोअ्‌तेङ हासुङ कर मालागाइहि।

गलाति 5:11

दादाओने बाइओनेगेलाइ, का एला बुङ खाताना पालिगोयाङ दोअ्‌तेङ पारचार पादोङखा पानु, हाइपालि यहुदिगेलाइ कासिहेङ आरोङ सान्‍ताइका पादोङखे कुनु? का द्‌याङगेलाइहेङ खाताना पालि गोयाङ दोअ्‌तेङ पारचार पाघा पानु ख्रिस्‍ट कुरुसता सिका काथाहोइ हासुको बुङ मन मातु:कावा।

गलाति 6:13

जाइ खाताना पालि गोयाङ दोअ्‌खे, एम्‍बालाइ ताइमिङ नियम मासाअ्‌खे रो नेलाइहेङ चाहिँ खाताना पापालि भोखे। कालाउ एम्‍बालाइ ताइको लाल्‍सा पोङघा पापालि दो:नु एम्‍बालाइ ताइमिता तुजुक पाखे।

फिलिप्पि 1:15

आधेमि द्‌याङगेलाइ आरिस पातेङ का बोमिको खान्‍तेङ हेन्‍जा पाघा दोअ्‌तेङ तिङपालिको भाअ्‌सिङ ख्रिस्‍टको रेम्‍काबानाल पारचार पाखे। कालाउ आधेमि द्‌याङगेलाइचाहिँ एल्‍काङ बिचार ताअ्‌तेङ ख्रिस्‍टको रेम्‍काबानाल पारचार पाखे।

फिलिप्पि 2:4

नेलाइ झाराङ ताइको खिनिङ भालाइ पालि माभोसु। कालाउ बोमिको बुङ भालाइ पालि भोसु।

फिलिप्पि 3:18

हेन्‍जाङ द्‌याङगेलाइ ताइको आनिबानिहोइ दोङ एम्‍बालाइ ख्रिस्‍टको कुरुसता पाका कामको खिलाप पाखे। का इसिका द्‌याङगेलाइको बारेता घुरिघुरि नेलाइहेङ दोअ्‌तेङ लोका हिघा। कालाउ एला बुङ खारतेङ नेलाइहेङ दोअ्‌दोङखा।

कलस्सि 2:23

इसिका नियमगेलाइते सोबाइका रो आकिलहिका तिङखे, कालाउ बुङ इदोइ द्‌याङको बान्‍हाइका धरमाति नियमगेलाइ खिनिङ एइ। याहोइ द्‌याङगेलाइहेङ नोइका जेङका आल पाखे रो जिउहेङ तु: पिखे। कालाउ धरमाति द्‌याङगेलाइहेङ दुरजन कामगेलाइ पालि हेअ्‌लाउ मानाहि मापाखे।