गलाति 6:10 - धिमाल

¹⁰ इदोइखातिर माउका निङतेङसाङ केलाइ झाराङको भालाइ पातेङ हानाइने। खास पातेङ एम्‍बालाइ जाइ ख्रिस्‍ट इसुहेङ खान्‍धुर पाका हि।

Dhimal NT

¹⁰ ओदोङ भाअ्सिङ माउका मिलिनासाङ केलाइ झाराङ द्‍याङगेलाइहेङ साघाइलि गोइखे, बिसेस पातेङ ख्रिस्टता खाङधुरि पाकालाइहेङ।

गलाति 6:10 Iomraidhean Croise

मत्‍ति 10:25

चात्‍या ताइको मास्‍टरभाइपा रो बान्‍धाइ ताइको गिर्‍हिभाइपा जेङलि निङकाता लेङचा। एला एम्‍बालाइ साअ्‌को गिर्‍हिहेङ दोङ मासानको राजा दियाबलस दोअ्‌काहिपानु, वाको खालगेलाइहेङ झन हेथे हेन्‍जा मारेम्‍का दोअ्‌तावा?

मत्‍ति 12:50

हाइदोनु जाइ सादेलता हितेङहिका काङको परमेस्‍वर आबाको काथा मानिखे, एम्‍बालाइ दोङ काङको दादा ओने रो काङको आमाइ एइ।”

मत्‍ति 25:40

“कालाउ राजा नेलाइहेङ दोअ्‌तावा, ‘जातिङको, का नेलाइहेङ दोअ्‌खा, नेलाइ इदोइ काङको ओनेगेलाइता झाराङखान्‍तेङ म्‍हुइका एमिहेङ जेदोङ झोको पासुन्‍हा, इङको नेलाइ कासेहेङ दोङ पासुन्‍हा।’

मत्‍ति 5:43

“नेलाइ इसिका दोअ्‌का हिङका हिसुन्‍हा, ‘भेर्पाकोहेङ माया पासु रो दुस्‍मनहेङ दिगमिग पासु।’

मर्कुस 3:4

वा एम्‍बालाइहेङ दोअ्‌हि, “माइसाका दिनाता रेम्‍का पालि ना मारेम्‍का पालि, बायु बान्‍चेपालि ना मुअ् पालि, हिदोइचाहिँ मुनासिप हि?” कालाउ बुङ एम्‍बालाइ सिकापा हि।

लुका 6:35

“एन्‍सा माको, दुस्‍मनगेलाइहेङ माया पासु, झाराङहेङ भालाइ पासु रो रिन र्‍हेकालाइहेङ र्‍हुका आस मापासिङ रिन पिसु। एन्‍सा पासुन्‍हा पानु नेलाइ बारा इनाम निङस्‍वाना। कालाउ नेलाइ बाराका परमेस्‍वरको चान जेङस्‍वाना। हाइदोनु परमेस्‍वर ते बाइगुनि रो स्‍वार्थिहेङ बुङ दायाखे।

युहन्‍ना 12:35

इसु एम्‍बालाइहेङ दोअ्‌हि, “आरोङ आतुइसा पहरथिकापा जोल्‍का नेलाइको माझाता ह्‍यावा। जोल्‍का नेलाइदोफा हिपाधाउ तेगेल्‍सु, कोलाउ कितिकितिका नेलाइहेङ माथुमाको। जाइ कितिकितिकाता हिगिल्‍खे पानु, इङको हिसो हानेदोङखा, इङको मागेखे।

युहन्‍ना 9:4

कासेहेङ दिङगिल्‍काको कामगेलाइ केलाइ दिना हिलाउ दोङ पालिगोयाङ। न्‍हिसिङ जेङकान्‍हुअ्‌सो हासुङ काम पालि माद्‍वावा।

साल्न्हाका चात्या 6:7

परमेस्‍वरको कथन बार्‍हेतेङ हानेहि रो चात्‍यागेलाइको अङक यरुसलेमता हेन्‍जाङ बार्‍हेहि। धामिगेलाइता हेन्‍जाङ इदोइ खान्‍धुरहेङ र्‍हुहि।

गलाति 1:23

एम्‍बालाइ इसिका खिनिङ हिङका हिघाखे, “लाम्‍फा केलाइहेङ सान्‍ताइका द्‍याङ जेदोङ खान्‍धुरहेङ मुअ्‌पालि भोका हिघाखे, एला इङको इङकोङ खान्‍धुर पारचार पादोङखे।”

फिलिप्पि 4:10

का प्रभुहेङ हेन्‍जाङ बाखिन्‍खा। हाइपानु नेलाइ आरोङ कासेहेङ फोम पालि थालेसुन्‍हा। जातिङकोङ नेलाइ कासेहेङ फोम पासुखेना, कालाउ इङकोहेङ तिङपाका माउका निङका मान्‍थुसुघाना।

कलस्सि 4:5

इसुता खान्‍धुर मापाकालाइदोफा बेभार पालाउ आकिल थेम्‍पातेङ पासु। कालाउ नेलाइको निङका गोताङ माउकाहेङ एन्‍साङ माथाल्‍सु।

1 थेस्लोनिकि 5:15

फोम पासु, हासुङ आखेकाको बादालाता आखेका मापाको, कालाउ एमि भेनेङ रो झाराङदोफा दिनाङ भालाइ पालि बल पासु।

1 थेस्लोनिकि 5:21

कालाउ गोताङ काथाको जाच पासु। जेदोङ काथा रेम्‍का हि इङकोताङ अचल हिसु।

तितस 2:14

इसु ख्रिस्‍ट केलाइहेङ गोताङ खालको कुकरमसो छुटकारा पिलिको भाअ्‌सिङ दोङ ताइको सास पिहि। वा केलाइहेङ पुनित पालि ताइको बान्‍हाइहि रो रेम्‍का काम पालिको भाअ्‌सिङ बोल्‍याका बान्‍हाइलि एसा पाहि।

तितस 3:8

इदोइ जातिङको काथा एइ। परमेस्‍वरता खान्‍धुर पाका झोको रेम्‍का काम पालि मन लागायाको दोअ्‌तेङ ना बल पाका का भोखा। इदोइ रेम्‍का काम पालि दोङ झाराङ द्‌याङगेलाइहेङ लाभ पिका काथा एइ।

1पतरुस 2:5

नेलाइ बुङ इसु ख्रिस्‍ट भाइपाङ सिन्‍हुका उन्‍थुइ जेङतेङ लोसु रो हाङसाको थान धाम्‍लिको भाअ्‌सिङ ताइमिङहेङ सोमपिसु। इन्‍ता नेलाइ इसु ख्रिस्‍टको सामान्‍दाहोइ पातेङ परमेस्‍वरहेङ मोन्‍दाताका हाङसाको भोक चार्‍हाइका पुनित धामिको काम पास्‍वाना।

1पतरुस 4:17

हाइदोनु निया जेङका पहर जेङहोइ रो परमेस्‍वर लाम्‍फा ताइकोङ द्‌याङगेलाइको निया पावा। एदि निया केलाइसो दोङ थालनि जेङखे पानु परमेस्‍वरको रेम्‍काबानालहेङ खान्‍धुर मापाकालाइको झन हिसिका दासा ज्‍याङ वाला?

१ युहन्‍ना 5:1

इसु दोङ छुटकारा पिका ख्रिस्‍ट हि दोअ्‌तेङ खान्‍धुर पाका झाराङ परमेस्‍वरको जाहान एइ। कालाउ जाइ परमेस्‍वर आबाहेङ माया पाखे इङको चानहेङ बुङ माया पाखे।

३ युहन्‍ना 1:10

जेलाउ का नेलाइकोता ल्‍वाङका कोलाउ नेलाइ झाराङहेङ डियोत्‍रिफस केलाइको खिलापता हाइ पाहि, हिसिका मारेम्‍का काथा पाहि, इङको गोताङ नेलाइहेङ हिङपाङका। इङको खिनिङ माको, इङको बोमुलुकि दादाओने बाइओनेगेलाइहेङ खिलाप पाखे रो एम्‍बालाइहेङ बान्‍सा माबुझाइखे। कालाउ एम्‍बालाइहेङ बान्‍साबुझाइलि खाङलाउ मन्‍डलिसोङ बाहार ओल्‍हे पागिल्‍खे।

३ युहन्‍ना 1:11

मोन्‍दाताका सानाइति, आखेकाहेङ मापिताइ, कालाउ भालाइहेङ पिताइ। जाइ भालाइ पाखे, इङको परमेस्‍वरको एइ। जाइ आखेका पाखे, इङको परमेस्‍वरहेङ नालकाङ मान्‍थुखे।

३ युहन्‍ना 1:3

ख्रिस्‍‍टहेङ खान्‍धुर पाकालाइ हेअ्‌मि काङकोता लोतेङ कासेहेङ दोअ्‌हि। ना परमेस्‍वरको सत दामाता हिगिल्‍खेना कालाउ जातिङकोङ ना इङको आन्‍सार दोङ पाखेना दोअ्‌का हिङतेङ का हेन्‍जाङ लेङचाघा।