गलाति 5:11 - धिमाल

¹¹ दादाओने बाइओनेगेलाइ, का एला बुङ खाताना पालिगोयाङ दोअ्‌तेङ पारचार पादोङखा पानु, हाइपालि यहुदिगेलाइ कासिहेङ आरोङ सान्‍ताइका पादोङखे कुनु? का द्‌याङगेलाइहेङ खाताना पालि गोयाङ दोअ्‌तेङ पारचार पाघा पानु ख्रिस्‍ट कुरुसता सिका काथाहोइ हासुको बुङ मन मातु:कावा।

Dhimal NT

¹¹ खान्धुराइ ओनेगेलाइ, जेसापा का द्‍याङगेलाइको खाताना हिलि गोयाङ दोअ्तेङ प्राचार पाकानु, का समस्याता मापरिधाङका। कालाउ जेसापा का ख्रिस्टको क्रुसको बिसोइहेङ लाअ्तेङ द्‍याङगेलाइको खाताना हिलि गोयाङ दोअ्का बिसोइता प्राचार पाकानु, का यहुदिगेलाइहेङ चेर माताम्पापिधाङका।

गलाति 5:11 Iomraidhean Croise

साल्न्हाका चात्या 16:3

वासेहेङ पावल दोसाङ चुमपुलि मन पाहि। इङको थामेगेलाइता हिका यहुदिगेलाइको खातिरहोइ पातेङ पावल वासेहेङ चुमपुतेङ खतना पाहि। हाइपाङ वाको आबा ग्रिक हिघाखे दोअ्‌का ओबालाइ झाराङ गेका हिघाखे।

साल्न्हाका चात्या 21:21

एला ‘मोसाको नियम मानेलिमागोयाङ कालाउ जामालाइको खतना पालि मागोयाङ रो यहुदि चलनता चलिलिमागोयाङ’ दोअ्‌तेङ बोजात्‍याको मुलुकता हिका गोताङ यहुदिगेलाइहेङ ना धिरपादोङखेना दोअ्‌का काथा ओबालाइ हिङका हि।

साल्न्हाका चात्या 21:28

र्‍हिकाइतेङ दोअ्‍लि तेङहि, “लोसु, लोसु, इस्राएलि दादा ओनेगेलाइ, केलाइहेङ साघाइसु! एइ, इदोङ द्‍याङ जेसोकोसोङ हानितेङ केलाइ इस्राएलिगेलाइको खिलापता धुइका, नियम मामानेलि रो थानता पुजा बुङ मापालि दोअ्‌तेङ धिरपाका यिदोइ एइ। इदोइ खिनिङ माको, या बोजात्‍याको द्‍याङगेलाइहेङ थानता दुल्‍पातेङ इदोइ चोखो थामेहेङ बुङ आखेका बान्‍हाइपिका हि।”

1 कोरिन्थि 1:18

हाइदोनु मुअ्‌कालाइको भाअ्‍सिङ कुरुसको बानाल निरबुदि एइ। कालाउ केलाइ बान्‍चिकालाइको भाअ्‌सिङ परमेस्‍वरको सरबङ एइ।

1 कोरिन्थि 1:23

कालाउ केलाइचाहिँ कुरुसता टाङघाइन्‍हाका ख्रिस्‍टको बानाल पारचार पान्‍हाखे। यहुदिगेलाइ इदोइ बानाल र्‍हुलि मोन्‍दा माताहि रो बोजात्‍यागेलाइचाहिँ इदोइ बानाल काम मालाग्‍याङ दोअ्‌तेङ फोमपाहि।

1 कोरिन्थि 15:30

एदि सिकालाइ सिन्‍हुताङ दोअ्‌तेङ खान्‍धुर मापान्‍हाङ पानु हाइपालि केलाइ इसिका खातारा मोलेलि कुनु?

गलाति 2:3

कालाउ तितस बोजात्‍या हिघाखे रो वा का दोफाङ हिलाउ बुङ इन्‍ताको खान्‍धुरिगेलाइ इङकोहेङ खतना जेङलि गोयाङ दोअ्‌तेङ हासुङ कर मालागाइहि।

गलाति 3:1

ओइ माबुझिका गलातिगेलाइ, नेलाइहेङ हासु मुहुनि लागाइतेङ बसता चुमाहि? का नेलाइहेङ इसु ख्रिस्‍ट कुरुसता सिका काथा गोताङ रेम्‍फा दोअ्‌पिका हिघाखा।

गलाति 4:29

कालाउ जेसापा द्‍याङको लाल्‍सासो जोन्‍मिका इस्‍माइल परमेस्‍वरको हाङसाको सरबङसो जोन्‍मिका इसहाकहेङ तु: पिका हिघाहि। एन्‍साङ पातेङ नियम पिताइलि गोयाङ दोअ्‌कालाइ एला ख्रिस्‍टहेङ पिताइकालाइहेङ तु: पिदोङखे।

गलाति 6:12

द्‌याङगेलाइको आगाता रेम्‍का जेङलि भोकालाइ दोङ नेलाइहेङ खतना पालिगोयाङ दोअ्‌तेङ कर लागाइखे। इदोइ काथा एम्‍बालाइ कुरुसता पिका ख्रिस्‍टको भोकसो खिनिङ छुटकारा निङखे दोअ्‌का पारचार पालाउ सान्‍ताइका ल्‍वाङ बे दोअ्‌तेङ एम्‍बालाइ थिखे।

गलाति 6:17

एलासो ओसो हासुङ कासेहेङ तु: माप्‍याको। हाइदोनु काङको जिउता हिका पेचाराको दागागेलाइसो का इसुको बान्‍धाइ एइ दोअ्‌तेङ नाल्‍पाखे।