गलाति 4:8 - धिमाल

⁸ नेलाइ परमेस्‍वरहेङ नाल्‍का खान्‍तेङ लाम्‍फा बिथाको दिरगेलाइको बान्‍धाइ हिघान्‍हाहि। कालाउ जातिङकोङ दोअ्‍लि गोइनु एम्‍बालाइ परमेस्‍वर दोङ माको।

Dhimal NT

⁸ लाम्फा जेलाउ नेलाइ परमेस्वरहेङ नाल्का मान्थु घासुखेना, कालाउ नेलाइ इङको इस्वरको बान्धाइति हिघासुखेना, जाइ बास्ताबता सत्ये परमेस्वर दोङ माको।

गलाति 4:8 Iomraidhean Croise

युहन्‍ना 1:10

वा दुनियाता हिघाहि, दुनिया वाकोसो सिरजाइन्‍हाहि, कोलाउबुङ दुनियाको द्‍याङगेलाइ वासेहेङ मानाल्‍हि।

साल्न्हाका चात्या 14:12

एम्‍बालाइ बारनाबासहेङ जिउस दिर रो पावलहेङ हर्मेस दिर दोअ्‌लि तेङहि, हाइपानु वाचाहिँ मुल धुइका हिघाखे।

साल्न्हाका चात्या 17:23

हाइपानु घुराइतेङ हानेकाताङपालाउ नेलाइको पुजिका थामेगेलाइ बुङ तिङघा। का एलोङ इसिका भोक पिका थामे बुङ दुसुघा जाइता ‘मानाल्‍का दिरको भाअ्‌सिङ’ दोअ्‌तेङ खोपाइन्‍हाका हिघाहि। इदोइभाअ्‍सिङ जाइहेङ नेलाइ मागेसिङ पुजिसुखेना वासेहेङ का नेलाइको माझाता हुकुम पादोङखा।

1 कोरिन्थि 1:21

दुनियाको द्‍याङगेलाइ ताइकोङ आकिलहोइ परमेस्‍वरहेङ नाल्‍लि माद्‌वाङ दोअ्‌का काथा परमेस्‍वर ताइको आकिलहोइ निधो पाहि। कालाउ इङकोको बादाला केलाइको पारचार पाका निरबुदि काथासो दोङ खान्‍धुर पाका द्‍याङगेलाइहेङ सिन्‍हुपालि विचार पाहि।

1 कोरिन्थि 12:2

नेलाइ दोङ गेसुखेना, प्रभुहेङ खान्‍धुर मापाकाखान्‍तेङ लाम्‍फा नेलाइ हिदिङ ना हिदिङ खाल्‍सो मामाधुइका दिरहेङ पुजितेङ बान्‍दालाइका हिघासुन्‍हा।

1 कोरिन्थि 8:4

इदोइखातिर दिरहेङ चार्‍हाइका चाकाचिज चालि एल ना माएल दोअ्‌तेङ का नेलाइहेङ दोअ्‌खा, केलाइ गेन्‍हाखे, इता ए खिनिङ परमेस्‍वर हि रो दुनियाता हिका दिरचाहिँ जातिङको परमेस्‍वर माको।

गलाति 4:3

एन्‍साङ पातेङ केलाइ बुङ ख्रिस्‍ट लोका खान्‍तेङ लाम्‍फा जामालाइ भाइकाङ हिघान्‍हाहि रो दुनियाको बिथाको बिद्‌याको आधिनता हिघान्‍हाहि।

1 थेस्लोनिकि 1:9

केलाइ नेलाइकोता लोलाउ नेलाइ हेसापा केलाइहेङ सेउपासुन्‍हा, कालाउ नेलाइको दिरदिराङहेङ पुजिलि लाअ्‌तेङ सिन्‍हुका रो जातिङको परमेस्‍वरको चाकर पालि घुरेसुन्‍हा, इदोइ ते इङको द्‍याङगेलाइ दोङ दोअ्‌खे।

1 थेस्लोनिकि 4:5

परमेस्‍वरहेङ मानाल्‍का द्‌याङगेलाइ पाका भाइपाङ नेलाइ बुङ दुराचार पाका कामता लाल्‍सा ताअ्‌तेङ माहिसु।

2 थेस्लोनिकि 1:8

कालाउ परमेस्‍वरहेङ मानाल्‍कालाइहेङ रो केलाइको प्रभु इसुको रेम्‍काबानाल मासाअ्‌कालाइहेङ वा दार प्‍यावा।

1पतरुस 4:3

लाम्‍फा नेलाइ बोजात्‍याको द्‍याङगेलाइ भाइपाङ मारेम्‍का चालामालाता चले घासुन्‍हा। कालाउ नेलाइ सारा हिघासुन्‍हा, जिउको लाल्‍साआन्‍सार चलेघासुन्‍हा, म्‍हातेङ हिगिल्‍घासुन्‍हा, मोजमाजा पाघासुन्‍हा, गोराको भतेर चालाइघासुन्‍हा रो आखेका दिरगेलाइहेङ पुजिसुघाना।

१ युहन्‍ना 3:1

हिङसु, केलाइहेङ परमेस्‍वर आबा हेथे हेन्‍जा माया पाका हि, वाको मायाहोइ केलाइ परमेस्‍वरको जाहान दोअ्‌न्‍हाका एइ कालाउ जतिङकोङ एइ बुङ। दुनियाको द्‌याङगेलाइ परमेस्‍वरहेङ मानालनाङसिङ एम्‍बालाइ केलाइहेङ बुङ मानाल्‍खे।