गलाति 4:5 - धिमाल

⁵ परमेस्‍वर नियमको आधिनसो केलाइहेङ दाम तिरितेङ छुटकाराको भाअ्‌सिङ रो वाको जाहानको खाबारा निङलि द्‌वाको दोअ्‌तेङ ख्रिस्‍टहेङ केलाइकोता दिङगिल्‍हि।

Dhimal NT

⁵ कालाउकि मोसाको व्यवस्थाको आधिनता हिकालाइहेङ लाअ्पालि द्वाको, कालाउ केलाइ वाको सान्तान जेङलि द्वाको।

गलाति 4:5 Iomraidhean Croise

मत्‍ति 20:28

जेसापा का द्‍याङको चान सेवा निङलि माको, कालाउ बुङ बोमिको सेवा पालि रो हेन्‍जाङहेङ लाअ्‌पाकाको मोल चुकाइतेङ ताइको बायु पिलि लोघा।”

लुका 1:68

“इस्राएलिगेलाइको परमप्रभु, परमेस्‍वरको बाखिन्‍का ज्‍याको, हाइदोनु वा लोकाहि रो ताइको द्‌याङगेलाइहेङ बान्‍चिपाका हि!

युहन्‍ना 1:12

कुलाउ जेथे वासेहेङ र्‍हुहि रो वाको मिङता खान्‍धुर पाहि, वा एम्‍बालाइहेङ परमेस्‍वरको चानचामिन्‍दि जेङका खाबारा पिहि।

साल्न्हाका चात्या 20:28

“एला नेलाइ ताइमिङ ताइको रेखदेख पासु रो पुनित हाङसा नेलाइहेङ जिम्‍मा पिका जेरगेलाइको बुङ रेखदेख पासु। परमेस्‍वरको मन्‍डलिको रेम्‍का घोका जेङसु हाइदोनु प्रभु इसु इङको द्‍याङगेलाइहेङ ताइकोङ हिति होपातेङ चोलका हि।

गलाति 3:13

नियम केलाइता साराप चुमाहि कालाउ ख्रिस्‍ट इङको साराप ताइमिङ र्‍हुतेङ केलाइहेङ छुटकारा पिहि। हाइदोनु धरमकिताबता इसिका लेखेन्‍हाका हि “जाइ सिङता तोइन्‍हाखे इङको साराप निङचाका हिखे।”

गलाति 3:26

एला नेलाइ झाराङ खान्‍धुरसो दोङ ख्रिस्‍ट इसुता परमेस्‍वरको जाहान जेङका हिसुन्‍हा।

गलाति 4:21

नेलाइता हेअ्‌मि नियमको आधिनता हिलि भोसुखेना। ते दोसु परमेस्‍वर मोसासो पिका नियमता हाइ लेखेन्‍हाका हि, नेलाइ मागेसुखेना?

गलाति 4:7

इदोइखातिर एलासो ओसो नेलाइ बान्‍धाइ माको, कालाउ नेलाइ झाराङ परमेस्‍वरको चान हिसुन्‍हा। कालाउ नेलाइ परमेस्‍वरको चान हिसुन्‍हा पानु, नेलाइ हाकवाला बुङ एइ।

तितस 2:14

इसु ख्रिस्‍ट केलाइहेङ गोताङ खालको कुकरमसो छुटकारा पिलिको भाअ्‌सिङ दोङ ताइको सास पिहि। वा केलाइहेङ पुनित पालि ताइको बान्‍हाइहि रो रेम्‍का काम पालिको भाअ्‌सिङ बोल्‍याका बान्‍हाइलि एसा पाहि।

1पतरुस 3:18

हाइदोनु केलाइहेङ परमेस्‍वरकोता थुकापालिको भाअ्‌सिङ ख्रिस्‍ट धरमाति हिलाउबुङ अधरमातिगेलाइको कुकरमको भाअ्‌सिङ ए खे सिहि। वा जिउता सिहि कालाउ बुङ परमेस्‍वर वासेहेङ हाङसाको सरबङसो सिन्‍हुपाहि।