गलाति 4:15 - धिमाल

¹⁵ इङको पहर नेलाइ हेथे लेङचाका हिघासुन्‍हा। एला इङको लेङ हिसो राम्‍हि कुनु? का एला बुङ फोमपाचाखा, गोताङ खाल्‍को साघाउनि कासेहेङ पासुन्‍हा। एन्‍सालाउ नेलाइ कासेहेङ नेलाइको मिँ पिलि गोइलाउ बुङ पिलि त्‍यार जेङसुधाना।

Dhimal NT

¹⁵ ओदोङ बेला नेलाइ मेनाङ लेङचातेङ हिघासुखेना! एला नेलाइको लेङचाका हिसो हि? का या पाक्का दोअ्लि द्वाङका, कि नेलाइ काङको भाअ्सिङ ताइको मिसियाँ ओल्ला पातेङ कासेहेङ पिलि गोइलाउ बुङ नेलाइ तियार हिघासुखेना।

गलाति 4:15 Iomraidhean Croise

लुका 8:13

उन्‍ठुइहिका भोनोइता हुल्‍का चालाइ दोअ्‌का एम्‍बालाइ परमेस्‍वरको कथन हिङतेङ लेङचातेङ र्‍हुखे। कालाउ इङको कथन मनता ताअ्‌लि मादोखे। एन्‍सा जेङलाउ एम्‍बालाइको खान्‍धुर एघुरिङको भाअ्‌सिङ खिनिङ जेङखे कालाउ मुस्‍किल रो तुता खान्‍धुर राम्‍खे।

गलाति 3:14

इदोइखातिर आब्राहामहेङ पिका सहसाम्‍पा ख्रिस्‍ट इसुसो बो जात्‍याको द्‌याङगेलाइ निनाको रो परमेस्‍वर कबोल पाका पुनित हाङसा केलाइ खान्‍धुरसो निङलि द्‌वाको दोअ्‌तेङ ख्रिस्‍ट केलाइहेङ दाम तिरितेङ छुटकारा पिहि।

गलाति 4:14

इङको पहर काङको मासाअ्‌धेकासो नेलाइहेङ मासुकाका जेङलाउ बुङ कासेहेङ दिगमिग पातेङ इन्‍कार मापासुन्‍हा। कालाउ सादेलचर रो इसु ख्रिस्‍टहेङ भाइपा कासेहेङ बुङ स्‍वागत पासुन्‍हा।

गलाति 4:16

एला का जातिङको काथा धुइतेङ हाइ नेलाइको दुस्‍मन जेङघा कुनु?

गलाति 4:19

काङको म्‍हुइका जामालाइ, जामाल जोन्‍माइलाउ आमाइहेङ जेसापा तु: जेङखे, कासिहेङ बुङ इन्‍सिकाङ पिर चेताइ जेङदोङखे। नेलाइता ख्रिस्‍टको आनिबानि माजेङपाधाउ बेथा लागेका बेबाल भाइपाङ कासेहेङ तु: लागेतेङ हि।

गलाति 5:22

कालाउ पुनित हाङसाको आधिनता हिगिल्‍कालाइको ज्‍यानता इदोइ काथागेलाइ हिखे : माया पालि, लेङचालि, बेराजा पालि, साहेलि दो:लि, दाया पालि रो भालाइ पालि, भर परेका जेङलि,

गलाति 6:4

नेलाइ झाराङ ताइमिङको पाका काम बोमिको पाका कामदोफा मादाज्‍याको। कालाउ ताइको काम ताइमिङ जाच्‍याको रो रेम्‍का हि पानु इङको तुजुक पाको।

कलस्सि 4:13

वा नेलाइको भाअ्‌सिङ, लाउडिकिया रो हिरापोलिस पुरता हिका द्‍याङगेलाइको भाअ्‌सिङ हेन्‍जाङ भेम्‍ति ह्‍याअ्‌पाका हि। इङको काथा ताइकोङ मिहोइ तिङका हिनाङ का इदोइ दोअ्‍लि द्‌वाङका।

1 थेस्लोनिकि 2:8

जातिङको केलाइ नेलाइहेङ हेन्‍जा दाया पानाङसिङ परमेस्‍वरको रेम्‍काबानाल खिनिङ माको, कालाउ केलाइको ज्‍यान सुदाङ नेलाइहेङ पिलि त्‍यार जेङका हिघान्‍हाहि। हाइपानु नेलाइ केलाइको भाअ्‌सिङ हेन्‍जा मोन्‍दा ताका हिघासुन्‍हा।

1 थेस्लोनिकि 5:13

एम्‍बालाइको पाका कामको भाअ्‌सिङ मायाहोइ एम्‍बालाइहेङ हेन्‍जाङ मान पासु रो नेलाइ बुङ ताताइमिता मिलितेङ हिसु।