गलाति 3:22 - धिमाल

²² कालाउ इसु ख्रिस्‍टता खान्‍धुर पाकालाइहेङ कबोल पाका सहसाम्‍पा खान्‍धुर पाकालाइ दोङ निनाको दोअ्‌तेङ गोताङ दुनिया कुकरमको आधिनता हि दोअ्‌तेङ धरमकिताब दोअ्‌खे।

Dhimal NT

²² कालाउ धर्मसास्तर तिङपाखे, कि केलाइ झाराङ पापि हिन्हाहि, कालाउकि परमेस्वर पि दोअ्का बाचा येसु ख्रिस्टता खाङधुरि पाकालाइ निनाको।

गलाति 3:22 Iomraidhean Croise

मर्कुस 16:16

खान्‍धुर पाका रो चिभुअ्‌लि र्‍हुका बानच्‍यावा, कालाउ बुङ खान्‍धुर मापाका दोसि ज्‍यावा।

युहन्‍ना 12:46

का दुनियाता जोल्‍का जेङतेङ लोका हिघा, कोलाउ कासेहेङ खान्‍धुर पाका कितिकितिकाता माह्‍याको।

युहन्‍ना 20:31

कुलाउ इदोइ लेखेन्‍हाका हि, नेलाइ इसु परमेस्‍वरको चान, ख्रिस्‍ट हि दोअ्‌तेङ खान्‍धुर पासु। खान्‍धुरसो वाको मिङता नेलाइ असिम ज्‍यान निङसु।

युहन्‍ना 3:36

जाइ चानहेङ खान्‍धुर पाखे, इङकोदोसा असिम ज्‍यान हि। जाइ चानको हुकुम मासाअ्‌खे, इङको ज्‍यान मातिनावा, कुलाउ परमेस्‍वरको चेर इङकोर्‍हुता हितेङह्‍यावा।

युहन्‍ना 5:24

“जातिङको, का नेलाइहेङ दोअ्‌ताङका, जाइ काङको कथन हिङखे रो कासेहेङ दिङगिल्‍काहेङ खान्‍धुर पाखे, इङकोदोफा असिम ज्‍यान हि। इङको नियाता मालोखे, कुलाउ सिकासो इङको ज्‍यानता दुल्‍का हि।

युहन्‍ना 6:40

हाइदोनु काङको आबाको लाल्‍सा इदोइ एइ, चानहेङ खाङका रो वासेहेङ खान्‍धुर पाका झाराङ असिम ज्‍यान निनाको। कालाउ का इङकोहेङ आखिरि दिनाता सिन्‍हु पाङका।”

साल्न्हाका चात्या 16:31

कालाउ एम्‍बालाइ दोअ्‌हि, “प्रभु इसु ख्रिस्‍टता खान्‍धुर पा कालाउ ना रो नाङको खालसुदाङ मुक्‍ति निनाना। एसापाङ ना रो नाङको जाहानगेलाइ बुङ मुक्‍ति निनावा।”

गलाति 3:14

इदोइखातिर आब्राहामहेङ पिका सहसाम्‍पा ख्रिस्‍ट इसुसो बो जात्‍याको द्‌याङगेलाइ निनाको रो परमेस्‍वर कबोल पाका पुनित हाङसा केलाइ खान्‍धुरसो निङलि द्‌वाको दोअ्‌तेङ ख्रिस्‍ट केलाइहेङ दाम तिरितेङ छुटकारा पिहि।

गलाति 3:17

काङको दोअ्‌लि भोका काथाको माने इदोइ एइ, परमेस्‍वर आब्राहामदोफा पाका कबोलता सहिछाप पालिदोका हि। कालाउ द्‌यासाइ एकुरिते बाअ्‌सारन्‍हुअ्‌सो लोका मोसाको नियमहेङ इङको कबोल खारिज पालि माद्‌वावा।

गलाति 3:23

कालाउ ख्रिस्‍टता खान्‍धुर पाका खान्‍तेङ लाम्‍फा केलाइ नियमको आधिनता हिघान्‍हाहि रो खान्‍धुर देखाल माजेङपाधाउ केलाइ थुन्‍हिन्‍हाका हिघान्‍हाहि।

गलाति 3:29

एदि नेलाइ ख्रिस्‍टको द्‌याङ हिसुन्‍हा पानु, नेलाइ आब्राहामको खाल एइ। कालाउ कबोलआन्‍सार हाकवाला बुङ एइ।

2 तिमोथि 1:1

परमेस्‍वरको लाल्‍साहोइ ख्रिस्‍ट इसुता हिका ज्‍यानको कबोलको बारेता हिङपालिको भाअ्‌सिङ का पावल ख्रिस्‍टको साल्‍तेङ दिङगिल्‍का जेङका।

२ पत्‍रुस 1:4

इदोङसो वा केलाइहेङ वाको दामि रो बाराका कबोलगेलाइ पिका हि, कोलाउ इदोइ दुनियाको मारेम्‍कालाल्‍सासो लोका आखेका काथासो खाअ्तेङ नेलाइ परमेस्‍वरको आनिबानिता भाग र्‍हुलि दोसु।

२ पत्‍रुस 3:13

कालाउ वाको कबोल आन्‍सार केलाइ नावा सादेल रो नावा सुमिङको दामा खाङन्‍हाखे, जाइता धरमाति बासा ह्‍यावा।

१ युहन्‍ना 2:25

वा केलाइहेङ कबोल पाका असिम ज्‍यान इदोङ दोङ एइ।