गलाति 3:10 - धिमाल

¹⁰ जाइ नियम मानितेङ धरमाति जेङलि भोखे एम्‍बालाइ झाराङ साराप निङचावा। हाइपानु धरमकिताबता इसिका लेखेन्‍हाका हि, “नियमता लेखेन्‍हाका गोताङ काथागेलाइता माहिकालाइ रो इङकोहेङ मामानेकालाइ झाराङ साराप निङचावा।”

Dhimal NT

¹⁰ कालाउ मोसाको व्यवस्थाता लेखेका हि, कि जाइ मोसाको व्यवस्थाको गोताङ नियमगेलाइ पालि माकेम्खे, परमेस्वरको साराप वाको ह्रुता हुनाङ। ओदोङ भाअ्सिङ व्यवस्था मानितेङ परमेस्वरको आगाता धर्मि जेङलि कोसिस पाका झाराङ ह्रुता स्राप परिका हि। हाइपालिपानु हासु बुङ इङको कानुनगेलाइ जेलाउ बुङ पुरा रितिहोइ केम्लि मादोखे।

गलाति 3:10 Iomraidhean Croise

मत्‍ति 25:41

“इङकोन्‍हुअ्‌सो वा केपाहाको द्‍याङगेलाइहेङ दोअ्‍तावा, ‘साराप निङचाका द्‍याङगेलाइ, कासो दुरे जेङसु। दियाबलस रो इङकोको काम पाकालाइको भाअ्‌सिङ त्‍यार पाका हेअ्‌लाउ मासिका मेता हानेसु।

गलाति 2:16

कालाउ केलाइ गेन्‍हाखे, हिदिङ बुङ द्‍याङ नियम मानितेङ परमेस्‍वरको आगाता हेअ्‌लाउ धरमाति जेङलि मादोखे। कालाउ इसु ख्रिस्‍टहेङ खान्‍धुर पातेङ खिनिङ वा धरमाति जेङलि दोखे। एन्‍साङ पातेङ केलाइ बुङ नियम मानितेङ माको, कालाउ धरमाति जेङलि द्‌वाको दोअ्‌तेङ ख्रिस्‍ट इसुहेङ खान्‍धुर पाका हिन्‍हाहि।