गलाति 1:21 - धिमाल

²¹ इङकोन्‍हुअ्‌सो का सिरिया रो किलिकियाको थामेगेलाइता हानेघा।

Dhimal NT

²¹ का यरुसेलेम सहर लाअ्लि दोअ्तेङ सिरिया प्रदेस कालाउ किलिकिया प्रदेस भारि हानिघा।

गलाति 1:21 Iomraidhean Croise

मत्‍ति 4:24

एन्‍सा जेङलाउ वाको मिङ गालिल भेर्पा हिका सिरिया मुलुकको गोताङ थामेगेलाइता चारचाराइहि। कालाउ द्‍याङगेलाइ गोताङ खालको रोगाइका रो बेथासो सान्‍ताइका मासाअ्‌धेकालाइहेङ इसुकोता चुमाहि। एम्‍बालाइता मासान खोअ्‌का, झाकालोङका रो गाहिलि जेङका हिघाखे। वा एम्‍बालाइ झाराङहेङ एल्‍पाहि।

साल्न्हाका चात्या 13:1

एन्‍टिओखियाको मन्‍डलिता आगाधुइकालाइ रो धिरपाकालाइता बारनाबास, दाका दोअ्‌का सिमियोन, कुरेनिको लुकियस, प्रान्‍तिय राजा हेरोददोफा हुरकिका मनेन रो साउल हिघाखे।

साल्न्हाका चात्या 15:23

एम्‍बालाइ दोसा ओबालाइ इदोइ चिथि पिगिल्‍हि: “एन्‍टिओखिया, सिरिया रो किलिकियाता हिका बोजात्‍या खान्‍धुरि दादाओनेगेलाइहेङ, साल्‍तेङ दिङगिल्‍कालाइ रो एल्‍डरगेलाइको सेउपागिल्‍का।

साल्न्हाका चात्या 15:41

मन्‍डलिगेलाइहेङ बोल्‍यापातेङ वा सिरिया रो किलिकिया घुराइ गिल्‍हि।

साल्न्हाका चात्या 18:18

इङकोन्‍हुअ्‌सो पावल हेन्‍जाङ दिनाथिकापा कोरिन्‍थता हि। कालाउ खान्‍धुरि दादा ओनेगेलाइदोफा बिदा जेङतेङ वा चि जाहाजता सिरिया हानेहि। वाकोदोफा प्रिस्‍किला रो अकिलास बुङ हिघाखे। पावल भाकल पाका हिनाङसिङ वा किक्रियाता ताइको पुसिङ सिअ्‌पाहि।

साल्न्हाका चात्या 21:3

केलाइ साइप्रस टपुको भेर्पाङ जेङतेङ इङकोकोङ माहेँपाहासो सिरिया माउजाभारि हानेन्‍हाहि। टुरोस पुरता आनेमाने खुअ्‌पालि चिजाहाज रोकेन्‍हालाउ केलाइ बुङ खुअ्‌न्‍हाहि।

साल्न्हाका चात्या 21:39

पावल दोअ्‌हि, “माको, का ते किलिकिया माउजाको टार्सस पुरता जोलमजेङका यहुदि हिघा। का इङकोङ मिङ चलिका पुरको एमि नागरिक हिघा। दाया पातेङ कासेहेङ इदोइ द्‍याङगेलाइको आगाता एलोङ काथा धुइलि पि।”

साल्न्हाका चात्या 22:3

“का किलिकियाको टार्सस पुरता जेङका यहुदि हिघा। कुलाउ का इदोङ यरुसलेम पुरता बारातेङ मास्‍टर गमलिएलको कोल्‍हेता बाराघा। केलाइको पिता पुर्खासो दोङ मानेतेङ लोका धरमकिताबको बिद्‌या का रेम्‍फा धिरका हिघा। नानि नेलाइ परमेस्‍वरहेङ जेथे हाउसाइका तिम्‍पासुन्‍हा, का बुङ इङकोझोकोङ हाउसाइका हिघाखा।

साल्न्हाका चात्या 23:34

इङको चिथि पर्‍हेलिदोतेङ बाराहाकिम पावलहेङ हिअ्‌हि, “ना हिदोइ माउजाको हिन्‍हा?” पावल दोअ्‌हि, “का किलिकियाको हिघा।”

साल्न्हाका चात्या 6:9

कुलाउ हेथे द्‍याङगेलाइ चाहिँ वाको बिरोध पालि तेङहि। एम्‍बालाइ कचहरिसाअ्‌को फुका हुलको द्‍याङगेलाइ कालाउ कुरेनि, अलेक्‍जेन्‍ड्रिया, किलिकिया रो एसियाको द्‍याङगेलाइ हिघाखे। एम्‍बालाइ झाराङ मिलितेङ स्‍तिफनसदोफा भनाभन पालि तेङहि।

साल्न्हाका चात्या 9:30

इदोइ गेतेङ प्रभुता खान्‍धुर पाका ओनेगेलाइ साउलहेङ कैसरियाता चुमपुहि रो इन्‍तासो वासेहेङ टार्ससता दिङगिल्‍पिहि।