गलाति 1:16 - धिमाल

¹⁶ परमेस्‍वर दोङ कासो बो जात्‍याको माझाता रेम्‍काबानाल पारचार ज्‍याको दोअ्‌तेङ ताइको चानहेङ काता देखाल पाहि। इङको पहर का हिदिङ द्‍याङदोफा बुङ मतो र्‍हुलि मान्‍हेघा।

गलाति 1:16 Iomraidhean Croise

मत्‍ति 16:17

इसु वासेहेङ दोअ्‌हि, “योनाको चान सिमोन, ना सहसाम्‍पा निङका हिन्‍हा। हाइदोनु द्‍याङसो नासेहेङ इदोइ तिम्‍पाका माको, कालाउ बुङ सादेलता हिका काङको परमेस्‍वर आबा तिम्‍पाका हि।

मत्‍ति 26:41

जाचता मावानाङका दोअ्‌तेङ जाग्‍वान हिसु, पुकार पासु। हाङसा ते रेम्‍फापालि जातिङको त्‍यार हि, कालाउ बुङ जिउ चाहिँ निरधो हि।”

साल्न्हाका चात्या 22:21

कालाउ प्रभु दोअ्‌हि, ‘ना हाने, का नासेहेङ दुरेदुरेथिकापा बो जात्‍यागेलाइकोता दिङगिलदोङखा।’”

साल्न्हाका चात्या 5:42

कालाउ दिनादिनाङ एम्‍बालाइ थानता रो साअ्‌साअ्‌ता हानेतेङ इसु दोङ ख्रिस्‍ट एइ दोअ्‌तेङ रेम्‍काबानाल हिङपागिल्‍लि मालाअ्‌हि।

साल्न्हाका चात्या 9:15

कुलाउ प्रभु वासेहेङ दोअ्‌हि, “हाने, हाइपानु बोजात्‍यागेलाइ, राजागेलाइ रो इस्राएलको खालको आगाता काङको मिङ पारचार पालि वा साल्‍का एइ।

साल्न्हाका चात्या 9:20

कालाउ ओदोङघरि वा कचहरिसाअ्‌गेलाइता, “प्रभु इसु दोङ परमेस्‍वरको चान एइ” दोअ्‌तेङ पारचार पालि तेङहि।

1 कोरिन्थि 15:50

दादाओने बाइओनेगेलाइ, का नेलाइहेङ दोअ्‌लि भोकाचाहिँ हिति रो बिहाहोइ बनेका जिउ सिखे। कालाउ इदोइ जिउ नावा माजेङपाधाउ परमेस्‍वरको सारभिता हेअ्‌लाउ हिलि मानिङखे।

गलाति 2:1

तेद्‍या बाअ्‌सारन्‍हुअ्‌सो का रो बारनाबास यरुसलेम हानेन्‍हाहि। इन्‍ता हानेलाउ तितसहेङ बुङ दोसाङ चुमपुका हिघाखा।

1 थेस्लोनिकि 2:16

बोजात्‍यागेलाइको छुटकारा ज्‍याको दोअ्‌तेङ एम्‍बालाइदोफा धुइलि केलाइहेङ खिचोला पिहि। एसापा एम्‍बालाइ झन झन हेन्‍जाङ कुकरम पाकाताङ हानेहि। कालाउ आखिरता परमेस्‍वरको चेर एम्‍बालाइर्‍हुता परेका हि।

1तिमोथि 2:7

इदोइभाअ्‌सिङ का बोजात्‍याको द्‍याङगेलाइहेङ खान्‍धुर रो सत काथा धिरपालिको भाअ्‌सिङ परमेस्‍वर कासेहेङ पारचार पाका रो साल्‍तेङ दिङगिल्‍का जेङलि साल्‍का। का जातिङको दोअ्‌का, ढाटाइका माको।

2 तिमोथि 1:11

परमेस्‍वर कासेहेङ इदोङ रेम्‍काबानाल हिङपालि पारचारपाका, साल्‍तेङ दिङगिल्‍का रो मास्‍टर जेङलि खाटाइका।