गलाति 1:1 - धिमाल

¹ का पावल साल्‍तेङ दिङगिल्‍कासो इदोइ चिथि लेखेदोङखा। का हिदिङ बुङ द्‍याङगेलाइसो माको कालाउ इसु ख्रिस्‍ट रो वासेहेङ सिकासो सिन्‍हुपाका परमेस्‍वर आबासो दोङ साल्‍का एइ।

Dhimal NT

¹ का पावल छाल्न्हाका चात्या या पात्तारा नेलाइहेङ लेखेदोङखा, का हिदोइ बुङ द्‍याङगेलाइको समुह माकुनु द्‍याङगेलाइसो छाल्न्हाका चात्या जेङलि चुनिका माको, भरु येसु ख्रिस्ट कालाउ आबा परमेस्वर जाइ दोङ येसुहेङ सिकासो सिन्हु पाहि।

गलाति 1:1 Iomraidhean Croise

युहन्‍ना 10:30

आबा रो का एलोङदोङ एइ।”

युहन्‍ना 20:21

कालाउ इसु आरोङ एम्‍बालाइहेङ दोअ्‌हि, “नेलाइहेङ सुबिस्‍ता ज्‍याको! जेसापा आबा कासेहेङ दिङगिल्‍हि, एन्‍साङ का बुङ नेलाइहेङ दिङगिलाङका।”

युहन्‍ना 5:19

इसु एम्‍बालाइहेङ दोअ्‌हि, “जातिङको का नेलाइहेङ दोअ्‌ताङका, चान ताइमिङ हाइ दोङ पालि माद्‌वावा, कुलाउ आबा जेदोङपाका तिङखे इङकोङ खिनिङ पाखे, हाइपानु आबा जेदोङ पाखे, चान एन्‍साङ पाखे।

साल्न्हाका चात्या 22:10

का दोअ्‌घा, ‘प्रभु, एला का हाइ पाङका?’ प्रभु कासेहेङ दोअ्‌हि, ‘ल्‍होतेङ दमस्‍कस पुरता हाने, परमेस्‍वर नासेहेङ आर्‍हाइका कामगेलाइको बारेता नासेहेङ इन्‍ता दोङ दोअ्‌प्‍यावा।’

साल्न्हाका चात्या 3:15

एसापा नेलाइ ज्‍यान पिकाहेङ सेअ्‌सुन्‍हा। जाइहेङ परमेस्‍वर सिकासो सिन्‍हुपाहि, केलाइ याको दासि हिन्‍हाहि।

साल्न्हाका चात्या 9:6

कुलाउ ल्‍होतेङ पुरता हाने, ना जे पालिगोइका इङको नासेहेङ दोअ्‌प्‍यावा।”

1 कोरिन्थि 1:1

परमेस्‍वरको ताइकोङ लाल्‍सासो ख्रिस्‍ट इसुको साल्‍तेङ दिङगिल्‍का जेङलि काइन्‍हाका का पावल रो केलाइको ओने सोस्‍थेनेससो,

गलाति 1:15

कालाउ परमेस्‍वर ताइ लेङहोइ का जोन्‍मिकाखान्‍तेङ लाम्‍फा दोङ ताइको निगाहासो कासेहेङ खेङहि रो वाको ताइकोङ काम पालि काइहि।

गलाति 1:17

का खान्‍तेङ लाम्‍फाको साल्‍तेङ दिङगिल्‍कालाइदोफा बुङ साल्‍हा र्‍हुलि यरुसलेम माहानेघा। भुरुङ ओदोङघरि अरब मुलुकता हानेघा रो इङको न्‍हुअ्‌सो दमस्‍कस पुरता घुरितेङ लोघा।

2 तिमोथि 1:1

परमेस्‍वरको लाल्‍साहोइ ख्रिस्‍ट इसुता हिका ज्‍यानको कबोलको बारेता हिङपालिको भाअ्‌सिङ का पावल ख्रिस्‍टको साल्‍तेङ दिङगिल्‍का जेङका।

तितस 1:3

कालाउ उचित पहरता दोङ वा इदोइ रेम्‍काबानाल देखाल पाहि। इदोङ रेम्‍काबानाल हिङपाका जिमा केलाइहेङ छुटकारा पिका परमेस्‍वरको हुकुम आन्‍सार कासेहेङ पिहि।

1पतरुस 1:21

ख्रिस्‍टसो नेलाइ परमेस्‍वरता खान्‍धुर पासुन्‍हा, जाइ वासेहेङ सिकासो सिन्‍हुपाहि रो वासेहेङ प्रताप पिहि, इदोइभाअ्‌सिङ नेलाइ खान्‍धुर रो आस परमेस्‍वरता ताअ्‌सुखेना।