कलस्सि 3:5 - धिमाल

⁵ इदोइखातिर नेलाइको कुकरमि बिचारसो ओल्‍हेका दुरजन काथागेलाइ पालि लाअ्‌सु। इदोइचाहिँ: दुराचार पालि, अपुनित काथाता लागिलि, लेदरपाका लाल्‍सा पालि, मारेम्‍का बिचार पालि रो दिअ्‌लि। कालाउ दिअ्‌लि ते गोइका चिजहेङ पुजिका भाइकाङ जेङखे।

Dhimal NT

⁵ ओदोङ भाअ्सिङ नेलाइ ताइको पुर्ना पापमय स्वभाबहेङ लाअ्सु जिसिकाङ: इदोइ गोताङ खाल्को कासिबिरि, आसुद्दता, कामुकता, आखेका इच्छा, दिलि, जेदोङ मुर्ति पुजा भाइका दोङ हि।

कलस्सि 3:5 Iomraidhean Croise

मत्‍ति 15:19

हाइपानु कोन्‍धाङसो दोङ आसाति ठहर, सेअ्‌लि, दुस्‍चर, दुराचार, खुलि, असत दासि रो बादनामि बाहार ओल्‍हेखे।

1 कोरिन्थि 5:1

नेलाइको माझाता हेन्‍जाङ दुराचार हि दोअ्‌का काथा का हिङका हिघा। इसिका दुराचार ते खान्‍धुर मापाका द्‌याङगेलाइता बुङ मान्‍थुखे। नेलाइता हासुङ ताइकोङ माउसि आमाइहेङ दोङ ताअ्‌का हि आङ!

1 कोरिन्थि 6:11

नेलाइता हेअ्‌मि ए पहर इसिकाङ हिघासुन्‍हा। कालाउ परमेस्‍वर नेलाइको कुकरम झापिका हि रो पुनित पाका हि। एला प्रभु इसु ख्रिस्‍टको मिङता वाको हाङसासो नेलाइ परमेस्‍वरको आगाता धरमाति जेङका हिसुन्‍हा।

1 कोरिन्थि 6:13

नेलाइ दोअ्‌स्‍वाना, “चाकाचिज हेमुङको भाअ्‌सिङ रो हेमुङ चाकाचिजको भाअ्‌सिङ एइ।” इदोइ काथा सत एइ, कालाउ परमेस्‍वर इदोइ न्‍हेमिहेङ मुअ्‌पावा। परमेस्‍वर द्‌याङको जिउ दुराचारको भाअ्‌सिङ बान्‍हाइका माको, कालाउ प्रभुको चाकर पालिको भाअ्‌सिङ बान्‍हाइका। कालाउ केलाइको जिउहेङ प्रभु वास्‍ता पावा।

1 कोरिन्थि 6:18

नेलाइ दुराचारसो दुरे हिसु। बो हिदिङ कुकरम जेदोङ द्‌याङ पाखे, इङको ताइको जिउको खिलापता कुकरम मापाखे। कालाउ दुराचार पाका द्‌याङ ताइकोङ जिउको खिलापता कुकरम पाखे।

गलाति 5:24

कालाउ ख्रिस्‍ट इसुहेङ खान्‍धुर पाकालाइ ताइको कुकरमि आनिबानिदोफाङ दुरजन लाल्‍सागेलाइ बुङ कुरुसता टाङगाइतेङ सेअ्‌का हि।

कलस्सि 2:11

खाताना पालाउ जिउसो बिह्‍या खेङन्‍हाका भाइपाङ ख्रिस्‍टको खतनासो नेलाइको कुकरम पाका मनहेङ खेङपिका हि। इदोइ ते द्‍याङको खुरसो जेङका माको, कालाउ ख्रिस्‍टसो जेङका एइ।

1 थेस्लोनिकि 4:3

नेलाइ पुनित जेङसु दोअ्‌तेङ परमेस्‍वरको लाल्‍सा इदोइ हि, एन्‍साङ नेलाइ दुराचारसो खेङन्‍हातेङ हिसु।

1 थेस्लोनिकि 4:5

परमेस्‍वरहेङ मानाल्‍का द्‌याङगेलाइ पाका भाइपाङ नेलाइ बुङ दुराचार पाका कामता लाल्‍सा ताअ्‌तेङ माहिसु।

1तिमोथि 6:10

हाइदोनु गोताङ खालको आखेकाको मुल दोङ ताकाकाउरिको माया। हेथे द्‍याङ ते ताकाकाउरि कामाइका दिअ्‌काता लागेतेङ खान्‍धुर पालि लाअ्‌पिका हि। कालाउ हेन्‍जाङ तु:होइ एम्‍बालाइको कोन्‍धाङ दोङ तु:का हि।

याकुब 4:1

नेलाइको माझाता काचिङगल रो धुम हितासो लोखे? हाइ इदोइ गोताङ काथागेलाइ नेलाइको मन लिअ्‌ता चेरसुका मारेम्‍का बिचारसो माओल्‍हेखे कुनु? जेदोङचाहिँ नेलाइको मनलिअ्‌ता जेलाउ बुङ हिखे।

1पतरुस 2:11

काङको दादाओने बाइओनेगेलाइ इदोइ दुनियाता नेलाइ परदेसि रो बोमुलुकिभाइकाङ हिसुन्‍हा। का नेलाइहेङ बिनइ पाखा, जिउको लाल्‍साहेङ पोङघा पालिको भाअ्‌सिङ मालागेसु। इसिका लाल्‍सागेलाइ हाङसाको खिलापता दिनाङ फेअ्‌सुतेङ हिखे।