कलस्सि 3:4 - धिमाल

⁴ नेलाइहेङ नावा ज्‍यान पिका ते ख्रिस्‍ट दोङ हि। वा इदोइ सुमिङता द्‌याङगेलाइकोता तिङन्‍हालाउ नेलाइ बुङ वा दोफाङ तिङन्‍हास्‍वाना रो वा दोफाङ मानता आसि र्‍हुस्‍वाना।

Dhimal NT

⁴ जेलाउ ख्रिस्ट, जाइ नेलाइहेङ जिबन प्याङ, जेलाउ वा आरोङ इदोइ सुमिङता ल्वाङ, कालाउ नेलाइ बुङ वाको दोफाङ महिमाता देखाल जेङस्वाना।

कलस्सि 3:4 Iomraidhean Croise

मत्‍ति 13:43

कालाउ धरम द्‍याङगेलाइ ताइको परमेस्‍वर आबाको सारभिता बेलाभाइपा जोल्‍तेङ ह्‍यावा। जाइको न्‍हातोङ हि, इङको हिनाको।

लुका 17:30

का द्‌याङको चान लोका दिना बुङ एन्‍साङ ज्‍यावा।

युहन्‍ना 11:25

इसु इङकोहेङ दोअ्‌हि, “सिकासो सिन्‍हुका रो ज्‍यान का दोङ एइ। कासेहेङ खान्‍धुर पाका सिलाउ बुङ सिन्‍हु तावा।

युहन्‍ना 14:3

कालाउ हानेतेङ नेलाइको भाअ्‌सिङ थामे त्‍यार पाकान्‍हुअ्‌सो का आरोङ ल्‍वाङका रो नेलाइहेङ काता चुमप्‍वाङका। कोलाउ जेता का हिघा, इन्‍ता नेलाइ बुङ हिस्‍वाना।

युहन्‍ना 14:6

इसु इङकोहेङ दोअ्‌हि, “दामा, सत रो जिबन का दोङ हिघा। कासो बिना हासु बुङ आबाकोता लोलि माद्‍वावा।

युहन्‍ना 17:24

“आबा, का लाल्‍सा पाखा, ना कासेहेङ पिकालाइ का जेता हिघा एम्‍बालाइ कादोफाङ ह्‍याको रो काङको प्रताप तिनाको। जेदोङ प्रताप दुनियाको सिरजाइ जेङका लाम्‍फासो दोङ कासेहेङ इन्‍ताना पाका हिनाङ ना कासेहेङ पिका हिघान्‍हा।

युहन्‍ना 20:31

कुलाउ इदोइ लेखेन्‍हाका हि, नेलाइ इसु परमेस्‍वरको चान, ख्रिस्‍ट हि दोअ्‌तेङ खान्‍धुर पासु। खान्‍धुरसो वाको मिङता नेलाइ असिम ज्‍यान निङसु।

साल्न्हाका चात्या 3:15

एसापा नेलाइ ज्‍यान पिकाहेङ सेअ्‌सुन्‍हा। जाइहेङ परमेस्‍वर सिकासो सिन्‍हुपाहि, केलाइ याको दासि हिन्‍हाहि।

1 कोरिन्थि 1:7

इदोइखातिर केलाइको प्रभु इसु ख्रिस्‍ट लोका दामा र्‍हुमलाउ नेलाइहेङ हिदिङ बरको हारजा माज्‍यावा।

1 कोरिन्थि 15:43

सिका जिउ लिअ्‌न्‍हालाउ मारेम्‍का रो सरबङ मान्‍थुका हिखे। कालाउ आरोङ सिका जिउ सिन्‍हुतेङ ल्‍होलाउ सोबाइका रो सरबङ हिका हिखे।

गलाति 2:20

का ख्रिस्‍टदोफाङ काङको ज्‍यानको पुरुना आनिबानि कुरुसताङ टाङगाइका हिघा। एलासो ओसो सिन्‍हुका का माको, कालाउ ख्रिस्‍ट काता सिन्‍हुतावा। जेदोङ ज्‍यान जिउता का एला सिन्‍हुताङका, इङको परमेस्‍वरको चानता खान्‍धुर पातेङ सिन्‍हुताङका। हाइपानु जाइ कासेहेङ माया पाहि रो काङको भाअ्‌सिङ ताइमिहेङ क्रुसता चार्‍हाइहि।

फिलिप्पि 3:21

वादोफा गोताङ थोकगेलाइ र्‍हुता राज पाका सरबङ हि। इङकोङ सरबङहोइ दोङ वा केलाइको इदोइ सिका जिउहेङ वाको भाइपाङ प्रतापि जिउ बान्‍हायावा।

1 थेस्लोनिकि 4:17

कालाउ केलाइ सिन्‍हुतेङहिका रो लाअ्‌धिन्‍हाकालाइ प्रभुहेङ आदेलता दुसुलि एम्‍बालाइ दोफादोफाङ बादेलता तोल्‍हेन्‍हातेङ चुम्‍पुन्‍हास्‍वाना रो एसापा केलाइ दिनाङ प्रभुदोफाङ ह्‍याङ।

1तिमोथि 6:14

ना केलाइको प्रभु इसु ख्रिस्‍ट मालोपाधाउ ना परमेस्‍वरसो निङका हुकुम रेम्‍फा साअ् रो हासुङ कसुर लागाइलि मानिनाको।

2 तिमोथि 1:1

परमेस्‍वरको लाल्‍साहोइ ख्रिस्‍ट इसुता हिका ज्‍यानको कबोलको बारेता हिङपालिको भाअ्‌सिङ का पावल ख्रिस्‍टको साल्‍तेङ दिङगिल्‍का जेङका।

2 तिमोथि 4:8

एला ते परमेस्‍वरको आगा उचित ठार्‍हाइन्‍हाका ताज खिनिङ निङलि दाइका हि। उचित निया पाका प्रभु दोङ कासेहेङ वा लोका दिना इङको सिरपेच बिङपाप्‍यावा। कासेहेङ खिनिङ माको, वाको दामा खाङका झोको झाराङहेङ दोङ इङको बिङपाप्‍यावा।

तितस 2:13

एसापा केलाइ सहसाम्‍पाको आस निङका दिना र्‍हुम्‍तेङ हिन्‍हाहि। इङको दिना केलाइको बाराका परमेस्‍वर रो छुटकारा पिका इसु ख्रिस्‍टको बाराका प्रताप तिङन्‍हावा।

1पतरुस 1:13

इदोइखातिर काम पालिको भाअ्सिङ नेलाइको ताइको मन त्‍यार पासु। ताइमिङहेङ आधिनता ताअ्‌सु रो इसु ख्रिस्‍ट लोलाउ नेलाइको निङलि तोम्‍का सहसाम्‍पाता दोङ आस पासु।

1पतरुस 5:4

जेलाउ मुल घोका ख्रिस्‍ट देखाल जेङन्‍हावा, कोलाउ नेलाइ दिनाङ चिल्‍कातेङ हिका प्रताप रो मानको ताज निङस्‍वाना।

१ युहन्‍ना 2:28

काङको दायाका जामालाइ, वाता हितेङहिसु, कोलाउ वा देखाल पिलाउ केलाइ हिमत निनाङ रो वा लोका इङको दिना वाको आगाता केलाइ लेदेरलि मागोयाको।

१ युहन्‍ना 3:2

दायाकालाइ, एलाचाहिँ केलाइ परमेस्‍वरको जाहान एइ रो न्‍हुअ्‌सो केलाइ हाइ जेनाङ, इङको केलाइहेङ गेपाका मान्‍थु। कालाउ ख्रिस्‍ट लोकान्‍हुअ्‌सो केलाइ बुङ वाभाइपाङ जेनाङ। हाइदोनु ख्रिस्‍ट जिसिका हि केलाइ वासेहेङ इन्‍सिकाङ तिनाङ दोअ्‌तेङ केलाइ गेन्‍हाखे।

१ युहन्‍ना 5:12

जाइदोफा चान हि, इङकोदोफा असिम ज्‍यान हि। कालाउ जाइदोफा परमेस्‍वरको चान मान्‍थु, इङकोदोफा असिम ज्‍यान हिलिङमादोखे।