कलस्सि 3:3 - धिमाल

³ हाइदोनु नेलाइको लाम्‍फाको कुकरमि ज्‍यान सिलिदोका हि रो एला नेलाइको नावा ज्‍यान बुङ परमेस्‍वरता ख्रिस्‍टदोफाङ म्‍होअ्‌न्‍हातेङ हि।

Dhimal NT

³ हाइपालिपानु नेलाइ ताइको पापमय स्वभाबता सिका हिसुना, कालाउ एला नेलाइ परमेस्वरता ख्रिस्ट दोफा ए जेङतेङ हिसुन्हा, कालाउ द्‍याङगेलाइ नेलाइको इदोइ नावा जिबनको बिसोइता माबुझिखे।

कलस्सि 3:3 Iomraidhean Croise

मत्‍ति 11:25

इङको पहर इसु दोअ्‌हि, “ओइ आबा, सादेल रो सुमिङको प्रभु, का नासेहेङ च्‍याबास पिखा, हाइपानु ना इदोइ काथा आकिलहिका रो आकिलहिकालाइसो म्‍होअ्‌तेङ ताअ्‌न्‍हा, कालाउ बुङ जामालाइहेङ इदोइ तिङपान्‍हा।

युहन्‍ना 14:19

एला आधे पहरन्‍हुअ्‌सो दुनिया कासेहेङ हेअ्‌लाउ मातिनावा, कुलाउ नेलाइ कासेहेङ तिङस्‍वाना। का सिन्‍हुका जेङका हिनाङ, नेलाइ बुङ सिन्‍हुतेङ हिस्‍वाना।

युहन्‍ना 3:16

“हाइदोनु परमेस्‍वर दुनियाहेङ इसिका इन्‍ताना पाहि, वा ताइको एखिनिङ चान पिहि, कोलाउ वासेहेङ खान्‍धुर पाका हासु बुङ मामुअ्‌ताको, कुलाउ इङको असिम ज्‍यान निनाको।

युहन्‍ना 4:14

कुलाउ जाइजाइ का पिका चि आमावा इङको हेअ्‌लाउ आम्‍लिमाकिअ्‌तावा। जेदोङ चि का इङकोहेङ प्‍याङका, इङको इङकोता असिम ज्‍यानको भाअ्‌सिङ मुरतेङहिका चिको मुल जेनावा।”

युहन्‍ना 5:21

हाइदोनु जेसापा आबा सिकालाइहेङ सिन्‍हुपाखे रो एम्‍बालाइहेङ ज्‍यान पिखे। एन्‍सा दोङ चान बुङ जाइहेङ लाल्‍सा पाखे, इङकोहेङ ज्‍यान पिखे।

युहन्‍ना 5:24

“जातिङको, का नेलाइहेङ दोअ्‌ताङका, जाइ काङको कथन हिङखे रो कासेहेङ दिङगिल्‍काहेङ खान्‍धुर पाखे, इङकोदोफा असिम ज्‍यान हि। इङको नियाता मालोखे, कुलाउ सिकासो इङको ज्‍यानता दुल्‍का हि।

युहन्‍ना 5:40

काङको बारेता दासि पिका इङकोङ धरमकिताब एइ, कुलाउ नेलाइ ज्‍यान निङलि काता लोलि इन्‍कार पासुखेना।

1 कोरिन्थि 15:45

एन्‍साङ धरमकिताबता इसिका लेखेन्‍हाका हि, “लाङ द्‍याङ आदमचाहिँ ज्‍यान निङका द्‍याङ जेङखे।” कालाउ न्‍हुअ् आदम ख्रिस्‍टचाहिँ ज्‍यान पिका हाङसा दोङ हि।

1 कोरिन्थि 2:14

जेदोङ द्‌याङदोफा पुनित हाङसा मान्‍थुखे, इङको परमेस्‍वरको हाङसाको धिरपाका काथा मार्‍हुखे रो इदोइ काथा इङकोको भाअ्‌सिङ बेकामको जेङखे। इङको इदोइ काथागेलाइ गेलि मादोखे, हाइदोनु एमि खामाल इदोइ काथागेलाइ पुनित हाङसाको साहेताहोइ खिनिङ गेलि दोखे।

गलाति 2:20

का ख्रिस्‍टदोफाङ काङको ज्‍यानको पुरुना आनिबानि कुरुसताङ टाङगाइका हिघा। एलासो ओसो सिन्‍हुका का माको, कालाउ ख्रिस्‍ट काता सिन्‍हुतावा। जेदोङ ज्‍यान जिउता का एला सिन्‍हुताङका, इङको परमेस्‍वरको चानता खान्‍धुर पातेङ सिन्‍हुताङका। हाइपानु जाइ कासेहेङ माया पाहि रो काङको भाअ्‌सिङ ताइमिहेङ क्रुसता चार्‍हाइहि।

फिलिप्पि 4:7

एसा पासुन्‍हा पानु परमेस्‍वरको बेराजा नेलाइको कोन्‍धाङ रो मनहेङ ख्रिस्‍ट इसुता जोगाइतेङ ताअ्‌तावा। नेलाइहेङ परमेस्‍वरको पिका इदोङ बेराजा हासुङ बुझिलि माद्‌वावा।

कलस्सि 1:5

जेदोङचाहिँ नेलाइको भाअ्‌सिङ सादेलता ताअ्‌न्‍हाका इनामको आसको खातिर नेलाइ इसिका खान्‍धुर रो माया पाका हिसुन्‍हा। इदोइ आसको बारेता नेलाइ लामफासोङ सतको बचन रेम्‍काबानालता हिङका हिसुन्‍हा।

कलस्सि 2:20

नेलाइ ख्रिस्‍ट इसुता खान्‍धुरि पातेङ वादोफाङ सितेङ इदोइ दुनियाको कुकरमि द्‍याङगेलाइ भाइका जेङतेङ हाइपालि बान्‍चितेङ हिसुखेना? कालाउ इदोइ दुनियाको नियमगेलाइको आगाता हाइपालि म्‍हुइलि भोसुखेना?

कलस्सि 2:3

वाता दोङ परमेस्‍वरको हेन्‍जाङ मोलहिका गोताङ आकिल रो बुदिगेलाइ म्‍होअ्‌न्‍हा हि।

कलस्सि 3:4

नेलाइहेङ नावा ज्‍यान पिका ते ख्रिस्‍ट दोङ हि। वा इदोइ सुमिङता द्‌याङगेलाइकोता तिङन्‍हालाउ नेलाइ बुङ वा दोफाङ तिङन्‍हास्‍वाना रो वा दोफाङ मानता आसि र्‍हुस्‍वाना।

1पतरुस 3:4

कालाउ नेलाइको रेम्‍काचाहिँ मन लिअ्‌ताङ ह्‍याको, जेदोङ हेअ्‌लाउ बुङ माचुअ्‌का, नोइका रो सिपापा हाङसाको रेम्‍का एइ। कालाउ इङको चाहिँ परमेस्‍वरको आगाता हेन्‍जाङ मोलको हि।

1पतरुस 4:2

एलासो इदोइ ज्‍यान हिपाधाउ द्‍याङको भाइपा मारेम्‍का लाल्‍साआन्‍सार माको, कालाउ परमेस्‍वरको लाल्‍साआन्‍सार ताइको ज्‍यान दोपासु।

१ युहन्‍ना 3:2

दायाकालाइ, एलाचाहिँ केलाइ परमेस्‍वरको जाहान एइ रो न्‍हुअ्‌सो केलाइ हाइ जेनाङ, इङको केलाइहेङ गेपाका मान्‍थु। कालाउ ख्रिस्‍ट लोकान्‍हुअ्‌सो केलाइ बुङ वाभाइपाङ जेनाङ। हाइदोनु ख्रिस्‍ट जिसिका हि केलाइ वासेहेङ इन्‍सिकाङ तिनाङ दोअ्‌तेङ केलाइ गेन्‍हाखे।