कलस्सि 2:8 - धिमाल

⁸ नेलाइ मिन्‍हापातेङ हिसु, कालाउ हासु बुङ असत रो बिथाको काथा पातेङ नेलाइहेङ आस्‍तिता मादेपाको। इसिका काथागेलाइ ख्रिस्‍टसो माको द्‌याङगेलाइको रितिथिति रो दुनियाको बिद्‌यासो लोखे।

Dhimal NT

⁸ नेलाइ चङको जेङतेङ हिसु, माकुनुते द्‍याङगेलाइको ब्यर्थको ग्यान कालाउ बिबेकहोइ नेलाइहेङ माधाताइयाको, इन्सिका बिचारगेलाइ द्‍याङको मुन्धुम कालाउ सुमिङको सिद्धान्‍तगेलाइसो लोखे कालाउ ख्रिस्टसो माको।

कलस्सि 2:8 Iomraidhean Croise

मत्‍ति 10:17

कालाउ बुङ द्‍याङगेलाइसो होसपातेङ हिसु, हाइदोनु एम्‍बालाइ नेलाइहेङ कचहरिसाअ्‌ता चुमप्‍वावा रो एम्‍बालाइको कचहरिसाअ्‌गेलाइता चुम्‍पुतेङ नेलाइहेङ छरि म्‍हेअ्‍तावा।

मत्‍ति 16:6

इसु एम्‍बालाइहेङ दोअ्‌हि, “होस पासु, फरिसि रो सदुकिगेलाइको साउरिसो जोगितेङ हिसु!”

मत्‍ति 7:15

“का परमेस्‍वरसो धुइका दोअ्‌तेङ ढाटाइका आगाधुइका दोफा होसपातेङ हिसु। इसिका द्‍याङगेलाइ नेलाइकोता भेराको धाबाता लोखे, जाइ लिअ्‌तापाहा चाहिँ थिलिगोइका स्‍याइलेगेलाइ भाइका हिखे।

साल्न्हाका चात्या 17:18

इपिक्‍युरि रो स्‍तोइकि दरसिगेलाइता बुङ हेअ्‌मि पावलदोफा बहस पाहि। ओबालाइ हेअ्‌मि दोअ्‌हि, “या बेजेबेजेका हाइ दोअ्‌खे?” बोगेलाइ दोअ्‌हि, “बो हिदिङ भेनेङमुलुकको नावा देबि दिरगेलाइको पारचार पाकाभाइका तिङखे।” हाइपानु पावल इसुको बारेता रो वाको सिकासो सिन्‍हुका काथाको पारचार पाघाखे।

साल्न्हाका चात्या 17:32

सिकासो द्‍याङ सिन्‍हुखे दोअ्‌का हिङतेङ आधेमि पावलहेङ लेङपिहि। कालाउ आधेमि दोअ्‌हि, “याको बारेता आरोङ भेनेङखेप बुङ केलाइ हिङलि भोन्‍हाखे।”

1 कोरिन्थि 10:12

इदोइखातिर हासुङ खान्‍धुरता बोल्‍याका हिघा दोअ्‌तेङ दोअ्‌खे पानु इङको कुकरमता वालाकासो हुस पातेङ ह्‍याको, माकोनुते इङको लोनावा।

1 कोरिन्थि 8:9

कालाउ हुसपातेङ हिसु, नेलाइको चाका आम्‍का फुक्‍काहोइ खान्‍धुरता निरधो हिकालाइहेङ कुकरमता माचुमप्‍वाको।

गलाति 1:14

इङको पहर का दोसाङको सानाइतिगेलाइहेङ काल्‍हाङतेङ का यहुदि धरमता आगा लाङका हिघाखा। कालाउ काङको आबा खालको रितता का हेन्‍जाङ जोसिका हिघाखा।

गलाति 4:3

एन्‍साङ पातेङ केलाइ बुङ ख्रिस्‍ट लोका खान्‍तेङ लाम्‍फा जामालाइ भाइकाङ हिघान्‍हाहि रो दुनियाको बिथाको बिद्‌याको आधिनता हिघान्‍हाहि।

गलाति 4:9

कालाउ एला ते नेलाइ परमेस्‍वरहेङ नाल्‍का हिसुन्‍हा रो परमेस्‍वर नेलाइहेङ नाल्‍का हि। कालाउ नेलाइ हेसापा लाम्‍फाको दुनियाको बिथाको बिद्‌या भारि घुरितेङ हानेलि भोसुखेना? नेलाइ आरोङ हाइपालि एम्‍बालाइको बान्‍धाइ जेङलि भोसुखेना?

गलाति 5:15

कालाउ नेलाइ ताताइमिता चेरसुतेङ एमि भेनेङहेङ चेर ताम्‍पापिसुखेना पानु हुस पासु, माकोनुते नेलाइ ताताइमिता मुअ्‌तेङ हानेस्‍वाना।

फिलिप्पि 3:2

दुरजन काम पाकालाइसो हुसपातेङ हिसु। एम्‍बालाइ खियागेलाइ भाइकाङ हिखे रो बोमिको जिउ चिखाराम्‍लि भोखे।

कलस्सि 2:18

सादेलचरगेलाइहेङ पुजिलि गोइका दोअ्‌तेङ ताइमिहेङ बाराका फोमपाकालाइ हि। कालाउ “केलाइ इसिकाङ काथागेलाइ नजर निङका हिन्‍हाहि” दोअ्‌तेङ गफि जेङतेङ नोइका भाइपाङ तिङपाकालाइ दोङ एसा दोअ्‌खे। इसिका द्‌याङगेलाइ बिथाता तुजुक पाखे। एम्‍बालाइ नेलाइहेङ इसिका छलपाका काथाता आवाइपातेङ नेलाइ निङलिगोइका इनाम मागुमाइपासु।

कलस्सि 2:20

नेलाइ ख्रिस्‍ट इसुता खान्‍धुरि पातेङ वादोफाङ सितेङ इदोइ दुनियाको कुकरमि द्‍याङगेलाइ भाइका जेङतेङ हाइपालि बान्‍चितेङ हिसुखेना? कालाउ इदोइ दुनियाको नियमगेलाइको आगाता हाइपालि म्‍हुइलि भोसुखेना?

कलस्सि 2:22

इदोइ काथागेलाइ ते चालाइकाता चालाइकाताङ राम्‍तेङ हानेखे। कालाउ इसिका काथागेलाइ ते द्‍याङगेलाइको बान्‍हाइका बिद्‌या रो नियम खिनिङ एइ।

कलस्सि 2:23

इसिका नियमगेलाइते सोबाइका रो आकिलहिका तिङखे, कालाउ बुङ इदोइ द्‌याङको बान्‍हाइका धरमाति नियमगेलाइ खिनिङ एइ। याहोइ द्‌याङगेलाइहेङ नोइका जेङका आल पाखे रो जिउहेङ तु: पिखे। कालाउ धरमाति द्‌याङगेलाइहेङ दुरजन कामगेलाइ पालि हेअ्‌लाउ मानाहि मापाखे।

1तिमोथि 6:20

मोन्‍दाताका तिमोथि, नाङको जिमाता पिका काथाहेङ रेम्‍फा खाङकाखुङका पा। हेथे द्‌याङगेलाइ दुनियाको निरबुदि काथा रो आकिल दोअ्‌तेङ साअ्‌का असत काथागेलाइसो फारापा हि।

2 तिमोथि 3:13

आसाति रो ठगेकागेलाइ चाहिँ बोमिहेङ ठग्‍याङका दोअ्‌लाउ ताइमिङ ठगेन्‍हातेङ एम्‍बालाइ झनझन बिगिरतेङ हानावा।

1पतरुस 1:18

नेलाइ दोङ गेसुखेना, नेलाइको आबाखालगेलाइको बिथाको चालचलनसो परमेस्‍वर नेलाइहेङ मुअ्‌तेङ हानेका सोना रो रुपाको भाइपा मोल तिरितेङ लाअ्‌पाका माको,

२ पत्‍रुस 3:17

मोन्‍दाताकालाइ, लाम्‍फासोङ इदोइ काथा गेतेङ हुसपातेङ हिसु। आसाति द्‍याङगेलाइको माजेङका काथाता आवाइतेङ ताइको धिरता माराम्‍पासु।

२ युहन्‍ना 1:8

इदोइ भाअ्‍सिङ हुसपातेङ हिसु, जेदोङ काथाको भाअ्‌सिङ केलाइ काम पाका हिन्‍हाहि। नेलाइ इङको इनाम राम्‍पाका माको, कालाउ पुरा इनाम निङका जेङसु।