कलस्सि 2:4 - धिमाल

⁴ इदोइखातिर का नेलाइहेङ दोअ्‌खा, लाल्‍चा तिम्‍पातेङ पाका काथासो नेलाइहेङ हासु बुङ माआवाइपाको।

Dhimal NT

⁴ का नेलाइहेङ इदोइ काथागेलाइ दोअ्दोङखा, कालाउकि हासु बुङ नेलाइहेङ धाताइका काथागेलाइ दोअ्तेङ धोका माप्याको।

कलस्सि 2:4 Iomraidhean Croise

मत्‍ति 24:24

हाइपानु ‘कादोङ ख्रिस्‍ट’ हिघा दोअ्‌तेङ रो ‘कादोङ आगाधुइका’ हिघा दोअ्‌तेङ ढाटाइकालाइ ओल्‍हेतेङ लावा। जेङलि दोनु साल्‍तेङ दिङगिल्‍कालाइहेङ बुङ भाडकाइलि बाबारका भारभुसाइका काम रो सरबङको कामगेलाइ तिङपावा।

मत्‍ति 24:4

कालाउ इसु एम्‍बालाइहेङ दोअ्‌हि, “होसपातेङ हिसु, हासु बुङ नेलाइहेङ माआवाइपाको

मर्कुस 13:22

हाइदोनु ढाटाइका ख्रिस्‍ट रो ढाटाइका आगाधुइका जाअ्‌तावा, कालाउ दोनु साल्‍तेङ दिङगिल्‍कालाइहेङ मायाजालता पालि एम्‍बालाइ चिनो रो भारभुसाइका कामगेलाइ पावा।

साल्न्हाका चात्या 20:30

नेलाइकोङ माझासो बुङ ढाटाइका बिद्‌या पिका द्‍याङगेलाइ ओल्ह्‍यावा। एम्‍बालाइ प्रभुको चात्‍यागेलाइहेङ ताइकोङ मारेम्‍का दामाता चुमपुलि भोकावा।

1 कोरिन्थि 2:4

का नेलाइदोफा धुइलाउ रो परमेस्‍वरको रेम्‍काबानाल पारचार पालाउ हेन्‍जा गेका जेङतेङ बाबारका काथागेलाइ मापाघा। कालाउ परमेस्‍वरको हाङसा रो सरबङको पाक्‍का दासि पितेङ का पारचार पाघा।

गलाति 2:4

कालाउबुङ हेथे धाताइका खान्‍धुरिगेलाइ एइ दोअ्‌कालाइ तितसहेङ खाताना पापालि भोघाखे। एम्‍बालाइ मागेपासिङ केलाइ लिअ्‌ता दुल्‍तेङ ख्रिस्‍ट इसुता केलाइको निङका छुटकाराको चेवा पाहि। कालाउ केलाइहेङ नियम साअ्‌पालि लागाइलि भोहि।

कलस्सि 2:18

सादेलचरगेलाइहेङ पुजिलि गोइका दोअ्‌तेङ ताइमिहेङ बाराका फोमपाकालाइ हि। कालाउ “केलाइ इसिकाङ काथागेलाइ नजर निङका हिन्‍हाहि” दोअ्‌तेङ गफि जेङतेङ नोइका भाइपाङ तिङपाकालाइ दोङ एसा दोअ्‌खे। इसिका द्‌याङगेलाइ बिथाता तुजुक पाखे। एम्‍बालाइ नेलाइहेङ इसिका छलपाका काथाता आवाइपातेङ नेलाइ निङलिगोइका इनाम मागुमाइपासु।

कलस्सि 2:8

नेलाइ मिन्‍हापातेङ हिसु, कालाउ हासु बुङ असत रो बिथाको काथा पातेङ नेलाइहेङ आस्‍तिता मादेपाको। इसिका काथागेलाइ ख्रिस्‍टसो माको द्‌याङगेलाइको रितिथिति रो दुनियाको बिद्‌यासो लोखे।

2 तिमोथि 2:16

दुनियाको निरबुदि काथागेलाइसो पान्‍साइन्‍हातेङ हि। इदोइ ते द्‍याङगेलाइहेङ परमेस्‍वरसो झनझन दुरे थुकापाखे।

2 तिमोथि 3:13

आसाति रो ठगेकागेलाइ चाहिँ बोमिहेङ ठग्‍याङका दोअ्‌लाउ ताइमिङ ठगेन्‍हातेङ एम्‍बालाइ झनझन बिगिरतेङ हानावा।

१ युहन्‍ना 2:18

काङको दायाका जामालाइ, न्‍हुअ् पहर इदोङ एइ। ख्रिस्‍ट दुस्‍मन लोदोङखे दोअ्‌का नेलाइ हिङका हिसुन्‍हा। एला हेन्‍जाङ ख्रिस्‍ट बाइरि लोका हि। इदोइभाअ्‌सिङ केलाइ गेन्‍हाखे, इदोइ न्‍हुअ् पहर एइ।

१ युहन्‍ना 2:26

नेलाइहेङ छल पाकालाइको बारेता का इदोइ काथागेलाइ लेखेदोङखा।

१ युहन्‍ना 4:1

मोन्‍दाताकालाइ, ताइमिदोफा पुनित हाङसा हि दोअ्‌तेङ धुइकालाइहेङ खान्‍धुर मापासु, कालाउ नेलाइदोफा परमेस्‍वरको हाङसा एइ ना माको जाचेतेङ खाङसु। हाइदोनु हेन्‍जाङ असत आगाधुइकालाइ बुङ जेसोकोसोङ हानेका हि।

२ युहन्‍ना 1:7

हाइपानु आवाइ पाकालाइ हेन्‍जाङ दोङ इदोइ दुनियाता लोका हि। एम्‍बालाइ इसु ख्रिस्‍ट जिउता लोका एइ दोअ्‌तेङ मन्‍जुर मापाखे। इसिका खामाल दोङ आवाइपाका रो ख्रिस्‍ट दुस्‍मन हि।