कलस्सि 1:6 - धिमाल

⁶ कालाउ गोताङ दुनियाता इङको रेम्‍का बानाल लोका हि रो इङको रेम्‍काबानालता खान्‍धुर पातेङ द्‌याङगेलाइको आनिबानि रेम्‍का जेङदोङखे। कालाउ परमेस्‍वरको निगाहासो इङको सत काथा हिङका रो बुझिका दिनासो रेम्‍काबानाल नेलाइको ज्‍यानता रेम्‍का काम जेङदोङखे।

Dhimal NT

⁶ इङको सुसमाचार नेलाइकोता लोका हि कालाउ गोताङ सुमिङता फाइलाइका हि कालाउ हेन्जा द्‍याङगेलाइ खान्धुराइ जेङका हि, कालाउ इम्बालाइको जिबन बद्लिका हि। जेसाङ इदोइहोइ नेलाइको जिबन बदलिहि, जेलाउ नेलाइ लाङ पोल्ति नेलाइ सन्‍देस हिङका हिघासुन्हा। कालाउ इदोइ सत्ये बुझेका हिसुन्हा, कि परमेस्वर ताइको आनुग्रह पाहासो ख्रिस्टता खाङधुरि पाकालाइको पाप स्यामा पापिखे।

कलस्सि 1:6 Iomraidhean Croise

मत्‍ति 24:14

कालाउ सादेलको सारभिको इदोइ रेम्‍काबानाल दुनियाको गोताङ जात्‍यागेलाइता दासिको भाअ्‌सिङ हिम्‍पावा। इङकोन्‍हुअ्‌सो दोकादिना ल्‍वावा।

मत्‍ति 28:19

इदोइखातिर नेलाइ हानितेङ गोताङ मुलुकको द्‍याङगेलाइहेङ चात्‍या बान्‍हाइसु। आबा, चान रो पुनित हाङसाको मिङता एम्‍बालाइहेङ चिभुअ्‌लि पिसु।

मर्कुस 16:15

कालाउ इसु एम्‍बालाइहेङ दोअ्‌हि, “गोताङ दुनियाता हानितेङ गोताङ सिरजाइहेङ रेम्‍काबानाल हिम्‍पासु।

मर्कुस 4:8

कालाउ बुङआधे चालाइ रेम्‍का भोनोता बिअ्‌न्‍हाहि रो योतेङ, बारातेङहानितेङ एकुरिते गुना, सुमकुरि गुना रो नाकुरि गुना आनाज सेपाहि।”

युहन्‍ना 15:16

कासेहेङ नेलाइ मासालसुन्‍हा, कालाउ का नेलाइहेङ साल्‍घा रो नेलाइहेङ भर्ना पाघा। नेलाइ हानेसु रो फल सेपासु कालाउ नेलाइको फल हितेङह्‍याको। एन्‍साङ नेलाइ आबादोफा काङको मिङता जेदोङ र्‍हेस्‍वाना, वा नेलाइहेङ इङको प्‍यावा।

युहन्‍ना 17:19

एम्‍बालाइको भाअ्‌सिङ का ताइमिहेङ पुनित पाखा, कोलाउ नेलाइ बुङ सतता पुनित जेङसु।

युहन्‍ना 4:23

कुलाउ पहर लोदोङखे रो इङको पहर एलाङ एइ। जेलाउ जातिङको उपासकगेलाइ आबाहेङ हाङसा रो सतता उपासाना पावा। हाइपानु उपासाना पाका इसिकाङ उपासकगेलाइहेङ दोङ आबा भोखे।

साल्न्हाका चात्या 11:18

इदोइ काथा हिङकान्‍हुअ्‌सो एम्‍बालाइ सिपापा हि रो एसा दोअ्‌तेङ परमेस्‍वरहेङ बाखिन्‍हि, “एला ते परमेस्‍वर बोजात्‍यागेलाइहेङ बुङ हेअ्‌लाइ मासिका ज्‍यानको भाअ्‌सिङ कुकरम मानेतेङ घुरिलि बखत पिका हि।”

साल्न्हाका चात्या 12:24

कुलाउ प्रभुको कथन बार्‍हितेङ रो फिजाइन्‍हातेङ हानेहि।

साल्न्हाका चात्या 16:14

कालाउ थिआटिरा पुरता हिका, जाङका बेङगाना रङको पाइकार पाका लिडिया मिङ हिका एमि परमेस्‍वरहेङ पुजिका बेबाल केलाइको कथन हिङहि। पावलको धुइका काथा रेम्‍फा हिनाको दोअ्‍तेङ प्रभु वाको कोन्‍धाङ हेपिहि।

साल्न्हाका चात्या 26:18

ना एम्‍बालाइको मिँ हेपितेङ एम्‍बालाइहेङ कितिकितिकासो फाइसालामकाता, दियाबलसको सरबङसो परमेस्‍वरभारि घुरिपालि गोयाना। एम्‍बालाइ कार्‍हुता खान्‍धुर पाखे कालाउ एम्‍बालाइको कुकरम मेटिन्‍हावा रो एम्‍बालाइ परमेस्‍वरको साल्‍तेङ दिङगिल्‍का जनगेलाइको निङका एबाखारा निनावा।’

फिलिप्पि 1:11

कालाउ इसु ख्रिस्‍टको सरबङसो नेलाइ दिनाङ परमेस्‍वरहेङ मोन्‍दाताका काम पासु। इदोङ रेम्‍का काम तिङतेङ द्‌याङगेलाइ परमेस्‍वरहेङ मान पातेङ वासेहेङ बाखिनावा।

फिलिप्पि 4:17

का नेलाइसो भेटि निङलिको भाअ्‌सिङ एसा दोअ्‌का माको, कालाउ नेलाइ कासेहेङ साघाइनाङ परमेस्‍वर नेलाइहेङ सहसाम्‍पा प्‍याको दोअ्‌तेङ का लाल्‍सा पाखा।

कलस्सि 1:10

एन्‍सा पासुन्‍हा पानु नेलाइ प्रभुहेङ मोन्‍दाताका काम पातेङ दिनाङ वासेहेङ लेङचा पालि दोस्‍वाना। कालाउ गोताङ काम रेम्‍का पातेङ नेलाइको आनिबानि रेम्‍का जेनावा रो नेलाइ परमेस्‍वरकोङ आकिलता बार्‍हेतेङ हानेस्‍वाना।

कलस्सि 1:23

जातिङको नेलाइ थिर रो खान्‍धुरता बोल्‍याका जेङतेङ हिसु। नेलाइको हिङका रेम्‍काबानालता परमेस्‍वरको कबोल पाका आस पालि मामालाअ्‌सु। इदोङ रेम्‍काबानाल दुनियाको झाराङ द्‌याङगेलाइहेङ हिङपान्‍हाका हि। कालाउ का पावल इदोङ रेम्‍काबानाल हिङपालिको भाअ्‌सिङ चाकर जेङका हिघा।

1 थेस्लोनिकि 1:5

हाइदोनु केलाइ नेलाइहेङ हिङपाका रेम्‍काबानाल बिथाको काथा खिनिङ मान्‍थुघाहि। कालाउ पुनित हाङसा रो सरबङहोइ हिङपाका जातिङको कथन हिघाहि। नेलाइको माझाता हिलाउ नेलाइकोङ भाअ्‌सिङ केलाइ हिसिका खाल्‍को द्‍याङ हिघान्‍हाहि दोअ्‌तेङ इङको नेलाइ दोङ गेसुखेना।

1 थेस्लोनिकि 2:13

केलाइ परमेस्‍वरहेङ दिनाङ च्‍याबास चार्‍हाइन्‍हाखे। हाइदोनु नेलाइ केलाइसो हिङका परमेस्‍वरको कथन द्‍याङगेलाइको काथा भाइपा माको, कालाउ परमेस्‍वरको कथन दोङ दोअ्‌तेङ र्‍हुसुन्‍हा। जातिङको दोङ इदोइ परमेस्‍वरको कथन रो इदोइ कथन दोङ खान्‍धुर पाकालाइता काम पातेङ हि।

2 थेस्लोनिकि 2:13

प्रभुको माया पाका दादाओने बाइओनेगेलाइ, नेलाइको भाअ्‌सिङ केलाइ परमेस्‍वरता दिनाङ च्‍याबास चार्‍हाइलिङ गोयाङ, हाइपानु लाम्‍फासो दोङ पुनित हाङसाको पुनित पाका कामसो रो सत बानालको खान्‍धुरसो छुटकाराको भाअ्‌सिङ परमेस्‍वर नेलाइहेङ साल्‍हि।

1पतरुस 5:12

काङको खान्‍धुरि ओने सिलासको मदतसो इदोइ पोतोका चिथि नेलाइहेङ लेखेका हिघा। का इदोइ चिथिता परमेस्‍वरको जातिङको निगाहाको दासि पिलि रो नेलाइको हाउसाला बार्‍हेपापिलि भाअ्‌सिङ लेखेका एइ। कालाउ नेलाइ इदोइ निगाहाता बोल्‍याका जेङलि दोसु।