कलस्सि 1:4 - धिमाल

⁴ हाइदोनु केलाइ ख्रिस्‍ट इसुता हिका नेलाइको खान्‍धुर रो परमेस्‍वरको गोताङ पुनित जनगेलाइहेङ नेलाइको पाका मायाको बारेता बुङ केलाइ हिङका हिन्‍हाहि।

Dhimal NT

⁴ हाइपालिपानु ख्रिस्ट येसुता नेलाइको खाङधुरि कालाउ परमेस्वरको जनगेलाइको भाअ्सिङ नेलाइको प्रेमको काथा केलाइ हिङका हिनाहि।

कलस्सि 1:4 Iomraidhean Croise

गलाति 3:26

एला नेलाइ झाराङ खान्‍धुरसो दोङ ख्रिस्‍ट इसुता परमेस्‍वरको जाहान जेङका हिसुन्‍हा।

गलाति 3:28

एला यहुदि रो बो जात्‍या, बान्‍धाइ रो फुका, वाबाल रो बेबाल, एसामान हिसुन्‍हा। हाइदोनु ख्रिस्‍ट इसुता नेलाइ एलोङ दोङ जेङका हिसुन्‍हा।

गलाति 5:6

हाइदोनु खाताना पालाउ बुङ मापालाउ बुङ ख्रिस्‍ट इसुता हाइदोङ फारा माजेङखे। कालाउ मुल काथा ते केलाइको खान्‍धुरको खातिर बोमिगेलाइहेङ माया पान्‍हाखे।

कलस्सि 1:9

इदोइ काथा हिङका दिनासोङ केलाइ नेलाइको भाअ्‌सिङ दिनाङ पुकार पान्‍हाखे। पुनित हाङसाको पिका आकिल रो समझसो परमेस्‍वरको लाल्‍सा गेसु दोअ्‌तेङ दोङ केलाइको पारथाना हि।

1 थेस्लोनिकि 1:3

केलाइको परमेस्‍वर आबाको आगाता नेलाइको खान्‍धुरसो पाका काम रो मायाहोइ पाका मिनेत कालाउ केलाइको प्रभु इसु ख्रिस्‍टता ताअ्‌का आसता तु: साहेका केलाइ दिनाङ फोमपातेङ हिन्‍हाखे।

1 थेस्लोनिकि 3:6

कालाउ एला तिमोथि एलाङखिनिङ नेलाइहेङ दुसुतेङ थुकालि लोकाहि। नेलाइता आरोङ बुङ माया रो खान्‍धुर हि दोअ्‌तेङ वा रेम्‍काबानाल चुमाहि। केलाइ भाइपाङ नेलाइ बुङ केलाइहेङ दुसुका बाराका लाल्‍सा ताअ्‌तेङ फोमपातेङ हिघासुन्‍हा।

2 थेस्लोनिकि 1:3

दादाओने बाइओनेनेलाइ, नेलाइको भाअ्‌सिङ परमेस्‍वरहेङ दिनाङ च्‍याबास चार्‍हाइन्‍हाखे। हाइपानु नेलाइको खान्‍धुर हेन्‍जाङ बार्‍हेदोङखे रो एमि भेनेङदोफा नेलाइ झाराङको माया बुङ बार्‍हेदोङखे।

१ युहन्‍ना 3:14

केलाइ गेन्‍हाखे, केलाइ ते सिकासो छुटकारा जेङतेङ ज्‍यानता सारेन्‍हाका हिन्‍हाहि। हाइदोनु केलाइ ताइको दादाओने बाइओनेगेलाइहेङ माया पान्‍हाखे। जाइ माया मापाखे, इङको सिकाता हितेङहिखे।

१ युहन्‍ना 3:23

कालाउ परमेस्‍वरको हुकुम इदोइ दोङ एइ। वा केलाइहेङ हुकुम पाका आन्‍सार केलाइ वाको चान इसु ख्रिस्‍टको मिङता खान्‍धुर पालिगोयाङ रो केलाइ एमि भेनेङहेङ माया पालिगोयाङ।

१ युहन्‍ना 4:16

एसापा केलाइ ताइमिङ बुङ परमेस्‍वर केलाइहेङ माया पाखे दोअ्‌का काथा गेन्‍हाखे रो इङको मायाता केलाइ खान्‍धुर पान्‍हाखे। परमेस्‍वर माया हि रो जाइ मायाता हिखे इङको परमेस्‍वरता हिखे रो परमेस्‍वर वाता हिखे।