कलस्सि 1:12 - धिमाल

¹² कालाउ परमेस्‍वर आबा फाइसालाम्‍काको सारभिता वाको पुनित जनगेलाइको निङका काथा नेलाइ बुङ निङलि दोका बान्‍हाइकाता वासेहेङ दिनाङ च्‍याबास चार्‍हाइसु।

Dhimal NT

¹² नाअ् आबा परमेस्वरहेङ धन्यबाद पि, जाइ नासेहेङ परमेस्वरको जनगेलाइहेङ निङका काथा नेलाइहेङ बुङ निङलि योग्य बानाइका हि, जाइ चाहि परमेस्वर स्वर्गता तियार पाका हि।

कलस्सि 1:12 Iomraidhean Croise

मत्‍ति 25:34

“कालाउ राजा ताइको दाम्‍पाहाकोगेलाहेङ दोअ्‌तावा, ‘लोसु, काङको परमेस्‍वर आबासो सहसाम्‍पा निङकालाइ एइ! दुनियाको सिरजाइसो नेलाइको भाअ्‌सिङ त्‍यार पाका सारभिहेङ खाबरा पासु।

युहन्‍ना 14:6

इसु इङकोहेङ दोअ्‌हि, “दामा, सत रो जिबन का दोङ हिघा। कासो बिना हासु बुङ आबाकोता लोलि माद्‍वावा।

युहन्‍ना 20:17

इसु इङकोहेङ दोअ्‌हि, “कासेहेङ मासाइ, हाइदोनु का एलाथिकापा आबाकोता हानेका मान्‍थुघा। कुलाउ काङको ओनेगेलाइकोता हानेतेङ एम्‍बालाइहेङ दोअ्‌पि, ‘काङको आबा रो नेलाइको आबा, काङको परमेस्‍वर रो नेलाइको परमेस्‍वरकोता हानेदोङखा।’”

युहन्‍ना 4:23

कुलाउ पहर लोदोङखे रो इङको पहर एलाङ एइ। जेलाउ जातिङको उपासकगेलाइ आबाहेङ हाङसा रो सतता उपासाना पावा। हाइपानु उपासाना पाका इसिकाङ उपासकगेलाइहेङ दोङ आबा भोखे।

साल्न्हाका चात्या 20:32

“एला का नेलाइहेङ परमेस्‍वरको खुर्ता जिम्‍मा पिदोङखा रो वाकोङ दायासो पोङघाका बानालको भरता लाअ्‌प्‍याङका, जाइसो वा नेलाइहेङ खान्‍धुरता बोल्‍याका बान्‍हाइलि द्‍वावा रो ताइको द्‍याङगेलाइहेङ आसिसको हकदार बान्‍हायावा।

साल्न्हाका चात्या 26:18

ना एम्‍बालाइको मिँ हेपितेङ एम्‍बालाइहेङ कितिकितिकासो फाइसालामकाता, दियाबलसको सरबङसो परमेस्‍वरभारि घुरिपालि गोयाना। एम्‍बालाइ कार्‍हुता खान्‍धुर पाखे कालाउ एम्‍बालाइको कुकरम मेटिन्‍हावा रो एम्‍बालाइ परमेस्‍वरको साल्‍तेङ दिङगिल्‍का जनगेलाइको निङका एबाखारा निनावा।’

1 कोरिन्थि 8:6

कालाउ केलाइको भाअ्‌सिङचाहिँ एलोङ खिनिङ परमेस्‍वर आबा हि। वा दोङ गोताङ थोक सिरजाइहि रो वाकोङ चाकर पालिको भाअ्‌सिङ केलाइ सिन्‍हुन्‍हाखे। कालाउ केलाइको भाअ्‌सिङ ए खिनिङ प्रभु, इसु ख्रिस्‍ट हि। वासो दोङ गोताङ थोक सिरजाइन्‍हाहि रो वासो दोङ केलाइ परमेस्‍वरको चाकर पान्‍हाखे।

1 कोरिन्थि 9:23

रेम्‍काबानालसो सहसाम्‍पा निङलि द्‌वाको दोअ्‌तेङ दोङ रेम्‍काबानालको भाअ्‌सिङ का इदोइ गोताङ थोक पादोङखा।

कलस्सि 2:2

नेलाइ आर निङसु रो मायाता दोफाङ धेउन्‍हासु दोअ्‌तेङ का एसा पाका एइ। एन्‍सा जेङलाउ नेलाइ हाङसाता हेन्‍जाङ बोल्‍याका जेङतेङ परमेस्‍वरको गोताङ लिअ्‌ताको काथा बुझिलि दोस्‍वाना। कालाउ इङको लिअ्‌ताको काथा चाहिँ ख्रिस्‍ट हि।

कलस्सि 3:15

कालाउ ख्रिस्‍टको सुबिस्‍ता नेलाइको कोन्‍धाङता सारभि पाको। परमेस्‍वर नेलाइहेङ एलोङदोङ जिउता बेराजापा हिसु दोअ्‌तेङ काइका एइ। इदोङ काथाको भाअ्‌सिङ दोङ नेलाइ वासेहेङ च्‍याबास चार्‍हाइसु।

कलस्सि 3:17

नेलाइ जेदोङ दोअ्‌लाउ बुङ, जेदोङ पालाउ बुङ, गोताङ काथा प्रभु इसुकोङ मिङता पासु। कालाउ वासो दोङ परमेस्‍वर आबाहेङ च्‍याबास चार्‍हाइसु।

तितस 2:14

इसु ख्रिस्‍ट केलाइहेङ गोताङ खालको कुकरमसो छुटकारा पिलिको भाअ्‌सिङ दोङ ताइको सास पिहि। वा केलाइहेङ पुनित पालि ताइको बान्‍हाइहि रो रेम्‍का काम पालिको भाअ्‌सिङ बोल्‍याका बान्‍हाइलि एसा पाहि।

याकुब 3:9

इदोङ देतोङसोङ केलाइ प्रभु रो परमेस्‍वर आबाहेङ बाखिनन्‍हाखे। यासोङ परमेस्‍वरको आकारता सिरजाइका द्‍याङगेलाइहेङ साराप पिन्‍हाखे।

1पतरुस 5:1

एला का नेलाइकोता हिका मन्‍डलिको आगुवागेलाइहेङ एलोङ काथा दोअ्‌ताङका। ख्रिस्‍टको भोगेका तु: का ताइमि दोङ तिङका हिघा। कालाउ देखाल जेङलि तोम्‍का प्रतापता का बुङ भाग र्‍हुकाङका। का बुङ मन्‍डलिको आगुवा हिनाङसिङ नेलाइहेङ दोअ्‌दोङखा,

१ युहन्‍ना 1:3

केलाइ जाइ तिङका रो हिङका हिन्‍हाहि, इङको केलाइ नेलाइहेङ पारचार पान्‍हाखे, कोलाउ केलाइदोफा नेलाइको मिलाप ज्‍याको। केलाइको मिलापचाहिँ परमेस्‍वर आबा रो वाको चान इसु ख्रिस्‍टदोफा हि।