कलस्सि 1:10 - धिमाल

¹⁰ एन्‍सा पासुन्‍हा पानु नेलाइ प्रभुहेङ मोन्‍दाताका काम पातेङ दिनाङ वासेहेङ लेङचा पालि दोस्‍वाना। कालाउ गोताङ काम रेम्‍का पातेङ नेलाइको आनिबानि रेम्‍का जेनावा रो नेलाइ परमेस्‍वरकोङ आकिलता बार्‍हेतेङ हानेस्‍वाना।

Dhimal NT

¹⁰ केलाइ प्रार्थाना पानाखे, कालाउकि नेलाइ प्रभुहेङ आदार पिका कालाउ हाउसाइपाका जिबन जियाइलि दोसु, कालाउ नेलाइ लागातार आसल कामगेलाइ पासु, आरुको भाअ्सिङ भलाइ पालि दोसु। कालाउकि नेलाइ परमेस्वरहेङ आझाइ रेम्फासो गिलि दोसु।

कलस्सि 1:10 Iomraidhean Croise

युहन्‍ना 15:16

कासेहेङ नेलाइ मासालसुन्‍हा, कालाउ का नेलाइहेङ साल्‍घा रो नेलाइहेङ भर्ना पाघा। नेलाइ हानेसु रो फल सेपासु कालाउ नेलाइको फल हितेङह्‍याको। एन्‍साङ नेलाइ आबादोफा काङको मिङता जेदोङ र्‍हेस्‍वाना, वा नेलाइहेङ इङको प्‍यावा।

युहन्‍ना 15:8

नेलाइ हेन्‍जा फल सेपातेङ काङको चात्‍या एइ दोअ्‌का साबित पासुन्‍हा पानु इदोङता काङको आबाको प्रताप ज्‍यावा।

युहन्‍ना 17:3

एला असिम ज्‍यान इदोइ एइ, एम्‍बालाइ ना एमिखिनिङ सत परमेस्‍वरहेङ नालाको रो नाङको दिङगिल्‍का इसु ख्रिस्‍टहेङ नालाको।

फिलिप्पि 1:11

कालाउ इसु ख्रिस्‍टको सरबङसो नेलाइ दिनाङ परमेस्‍वरहेङ मोन्‍दाताका काम पासु। इदोङ रेम्‍का काम तिङतेङ द्‌याङगेलाइ परमेस्‍वरहेङ मान पातेङ वासेहेङ बाखिनावा।

फिलिप्पि 1:27

मुल काथाचाहिँ इदोङ दोङ एइ, ख्रिस्‍टको रेम्‍काबानालहेङ सोबाइका नेलाइको आनिबानि ज्‍याको। कालाउ का नेलाइहेङ दुसुलाउ बुङ, मादुसुलाउ बुङ नेलाइ एलोङदोङ बिचारहोइ थिर जेङतेङ एलोङदोङ लाल्‍साहोइ हेन्‍जाङ द्‌याङगेलाइ रेम्‍काबानालहेङ खान्‍धुर पाको दोअ्‌तेङ भेम्‍ति ह्‍याअ्‌पातेङ काम पादोङसुखेना दोअ्‌का का हिङलि निनाको।

फिलिप्पि 4:18

का निङलिगोइका खान्‍तेङ हेन्‍जा निङका हिघा। नेलाइ इपाफ्रोडिटसको खुरता पिगिल्‍का भेटि निङतेङ का सन्‍तोक जेङका हिघा। परमेस्‍वरहेङ मोन्‍दाताका रो र्‍हुलिलाएक भेटि निङतेङ का लेङचाघा।

कलस्सि 2:19

एम्‍बालाइ ते ख्रिस्‍टदोफा हाइदोङ सामान्‍दा माताअ्‌खे। वाचाहिँ केलाइको पुरिङ हि, जाइ चाहिँ मन्‍डलि एइ। वा दोङ जिउहेङ बोल्‍याका बान्‍हाइखे रो जिउको आङगेलाइहेङ एदोफाङ जोरेतेङ ताअ्‌खे। कालाउ परमेस्‍वरको लाल्‍सा आन्‍सार केलाइको जिउ बार्‍हेतेङ हानेखे।

कलस्सि 2:6

इदोइखातिर नेलाइ ख्रिस्‍ट इसुहेङ प्रभु दोअ्‌तेङ मानेका हिसुन्‍हा ‍एन्‍साङ पातेङ नेलाइ वाता थिर जेङतेङ हिसु।

कलस्सि 3:20

जामालाइ, नेलाइ ताइको आबा आमाइको दोअ्‌का काथागेलाइ मानेसु। हाइदोनु एसा पालाउ परमेस्‍वर लेङचावा।

कलस्सि 4:5

इसुता खान्‍धुर मापाकालाइदोफा बेभार पालाउ आकिल थेम्‍पातेङ पासु। कालाउ नेलाइको निङका गोताङ माउकाहेङ एन्‍साङ माथाल्‍सु।

1 थेस्लोनिकि 2:12

केलाइ नेलाइहेङ आर्ति पिन्‍हाहि, बल पिन्‍हाहि रो बिम्‍ति पान्‍हाहि। एन्‍साङ नेलाइको ज्‍यान परमेस्‍वरहेङ मोन्‍दाताका ज्‍याको। हाइपानु वा नेलाइहेङ परमेस्‍वरको सारभि रो प्रतापता काइका हि।

1 थेस्लोनिकि 4:1

आखिरता दादाओने बाइओनेगेलाइ, नेलाइ केलाइसो परमेस्‍वरहेङ मोन्‍दाताका आनिबानि धिर्का हिसुन्‍हा। जातिङकोङ नेलाइको आनिबानि परमेस्‍वरहेङ मोन्‍दाताकावा। इङको आनिबानिता झनझन रेम्‍का जेङतेङ हानेसु दोअ्‌तेङ प्रभु इसुको मिङता बिम्‍ति पान्‍हाखे।

2 तिमोथि 2:4

पल्‍टनता भार्ना जेङका सिपाल्‍हाइ ताइको हाकिमहेङ लेङचा पालि बो कामता माआवाइ पाखे।

तितस 3:1

हुकुमचालाइकालाइ रो हाकिमगेलाइको आधिनता ह्‍याको दोअ्‌तेङ द्‍याङगेलाइहेङ साम्‍झाइ। एम्‍बालाइ गोताङ खालहोइ भालाइपालि त्‍यार ह्‍याको।

तितस 3:14

केलाइको द्‍याङगेलाइ बिथाता ज्‍यान थाल्‍लिमागोयाङ। एम्‍बालाइ रेम्‍का काम पातेङ हारजा परेका पहरता द्‍याङगेलाइहेङ साहेता पालि द्‍वाको।

२ पत्‍रुस 1:8

नेलाइहेङ गोइका काथागेलाइ इदोङ एइ। कालाउ इदोइ काथागेलाइ नेलाइको ज्‍यानता बार्‍हेतेङ हानेहि पानु नेलाइ प्रभु इसु ख्रिस्‍टहेङ नाल्‍नाङसिङ एल्‍का कामसो नेलाइको ज्‍यानता लाभ ज्‍यावा।

२ पत्‍रुस 3:18

कालाउ केलाइको प्रभु रो छुटकारापिका इसु ख्रिस्‍टको निगाहा रो आकिलता बार्‍हेतेङ हानेसु। वासेहेङ एला रो दिनादिनाङ प्रताप ज्‍याको। आमेन।

१ युहन्‍ना 3:22

कालाउ केलाइ जेदोङ र्‍हेन्‍हाखे इङको वासो निङन्‍हाखे। हाइदोनु केलाइ वाको हुकुम साअ्‌न्‍हाखे रो वासेहेङ मोन्‍दा ताका कामगेलाइ पान्‍हाखे।

१ युहन्‍ना 5:20

केलाइ गेन्‍हाखे, परमेस्‍वरको चान इसु ख्रिस्‍ट लोका हि, जाइ सत हि। वासेहेङ नाल्‍लि द्‍वाको दोअ्‌तेङ परमेस्‍वर केलाइहेङ आकिल पिका हि। केलाइ सत परमेस्‍वरता हिन्‍हाहि, हाइदोनु केलाइ वाको चान इसु ख्रिस्‍टता बुङ हिन्‍हाहि। इसु ख्रिस्‍ट दोङ जातिङको परमेस्‍वर रो असिम ज्‍यान हि।

३ युहन्‍ना 1:6

इदोइ दादाओने बाइओनेगेलाइ नाङको मायाको बारेता मन्‍डलिहेङ दोअ्‌हि। दायातेङ एम्‍बालाइहेङ हिगिल्‍काता साघाइ। एम्‍बालाइहेङ रेम्‍फा साघाइन्‍हा पानु परमेस्‍वर लेङचावा।