साल्न्हाका चात्या 8:7 - धिमाल

⁷ हाइपानु हेन्‍जाङ द्‍याङगेलाइसो मासान आत्‍मागेलाइ बारा गाला पातेङ र्‍हिकाइतेङ ओल्‍हेलि तेङहि। इन्‍ता हेन्‍जाङ कुज्‍या रो नेङगारागेलाइ बुङ एल्‍पाहि।

Dhimal NT

⁷ हाइपालिपानु जेलाउ फिलिप आग्या पिहि हेन्जा द्‍याङगेलाइसो भुत-आत्मागेलाइ बार्का गालाहोइ आहुतेङ ह्रिकाइतेङ ओल्लेतेङ हानेहि। कालाउ गाइल्हि खोकालाइ कालाउ लेङग्रा द्‍याङगेलाइ बुङ एल्हि।

साल्न्हाका चात्या 8:7 Iomraidhean Croise

मत्‍ति 10:1

इसु ताइको तेन्‍हे चात्‍यागेलाइहेङ काइतेङ मासानगेलाइ ओल्‍हेपाका, गोताङखाल्‍को मासाअ्‌धेका रो रोगाइकालाइ एल्‍पाका खाबारा पिहि।

मत्‍ति 11:5

कान्‍हागेलाइ तिनावा रो नेङगारागेलाइ त्‍यावा। रोग्‍याल्‍होकालाइ एलावा। न्‍हातोङ माहिङकालाइ हिङलि दोका जेङका हि। सिकालाइ सिन्‍हुतेङ ल्‍होका हि रो निरधनगेलाइहेङ रेम्‍काबानाल हिङपादोङखे।

मत्‍ति 4:24

एन्‍सा जेङलाउ वाको मिङ गालिल भेर्पा हिका सिरिया मुलुकको गोताङ थामेगेलाइता चारचाराइहि। कालाउ द्‍याङगेलाइ गोताङ खालको रोगाइका रो बेथासो सान्‍ताइका मासाअ्‌धेकालाइहेङ इसुकोता चुमाहि। एम्‍बालाइता मासान खोअ्‌का, झाकालोङका रो गाहिलि जेङका हिघाखे। वा एम्‍बालाइ झाराङहेङ एल्‍पाहि।

मर्कुस 9:26

कालाउ इङको मासान र्‍हिकाइतेङ वाजानहेङ झाका लोम्‍पातेङ ओल्‍हितेङ हानेहि। वाजान सिनाङ भाइपाङ जेङहि रो हेअ्‌मि इङको सिहोइ दोअ्‌तेङ दोअ्‌लि तेङहि।

लुका 10:17

जेलाउ इसुको दिङगिल्‍का सुम्‍कुरितेन्‍हेमि चात्‍यागेलाइ घुरितेङ लोहि कालाउ लेङचातेङ वासेहेङ दोअ्‌हि, “मास्‍टर, नाङको मिङको खाबराहोइ मासानगेलाइ बुङ केलाइको बसता लोहि।”

युहन्‍ना 14:12

“जातिङको, का नेलाइहेङ दोअ्‌खा, जाइ कासेहेङ खान्‍धुर पाखे, इङको काङको पाका काम बुङ पावा। इङकोखान्‍तेङ बाराका काम पावा, हाइदोनु का आबाकोता हानेदोङखा।

साल्न्हाका चात्या 5:16

यरुसलेम कोरबितिङको पुरगेलाइसो बुङ हेन्‍जा द्‍याङगेलाइ मासाअ्‌धेकालाइ रो मासान खोअ्‌काहोइ सान्‍ताइकालाइहेङ चुमातेङ लोघाखे रो इङको झाराङ एल्‍घाखे।

साल्न्हाका चात्या 8:6

फिलिपको दोअ्‌का कथन हिङतेङ रो वाको पाका कामगेलाइ तिङतेङ, द्‍याङगेलाइ वाको दोअ्‌का काथा रेम्‍फा हिङहि।