साल्न्हाका चात्या 3:12 - धिमाल

¹² इदोइ तिङतेङ पत्‍रुस द्‍याङगेलाइहेङ दोअ्‌हि, “इस्राएलको द्‍याङगेलाइ, इदोइ काथाता नेलाइ हाइपालि भारभुसाइ सुखेना? केलाइको ताइको सरबङ रो भक्‍तिसो यासेहेङ तेलि दोका बान्‍हाइन्‍हाहि दोअ्‌तेङ नेलाइ फोमपासुखेना?

Dhimal NT

¹² इङको तिङतेङ पतरुस द्‍याङगेलाइहेङ दोअ्हि, ओइ इस्राएलको द्‍याङगेलाइ इदोइ काथाता हाइ पालि नेलाइ आचाम्मा जेङसुखेना हाइ केलाइ वासेहेङ ताइको सरबुङ कालाउ भक्तिसो दोङ तेअ्लि दोपाका दोअ्का सम्झिसुखेना?

साल्न्हाका चात्या 3:12 Iomraidhean Croise

युहन्‍ना 7:18

जाइ ताइकोङ पाहासो धुइखे, वा ताइकोङ मान भोखे, कालाउ बुङ जाइ ताइमिहेङ दिङगिल्‍काको मान भोखे, इङको सत एइ रो वाता जाल मान्‍थुखे।

साल्न्हाका चात्या 13:26

“ओइ आब्राहामको खालको सान्‍तान रो नेलाइता परमेस्‍वरदोफा थिका ओइ ओनेगेलाइ, केलाइकोता दोङ इदोइ मुक्‍तिको बानाल पिगिल्‍का हि।

साल्न्हाका चात्या 2:22

“इस्राएलिको द्‍याङगेलाइ, इदोइ काथा हिङसु, नासरतको इसु इसिका द्‍याङ हिघाहि, जाइहेङ परमेस्‍वर सरबङहिका कामगेलाइ, भारभुसाइका कामगेलाइ रो चिनोगेलाइसो नेलाइको आगाता साबित पाहि।

साल्न्हाका चात्या 3:11

इङको द्‍याङ पत्‍रुस रो युहन्‍नाको न्‍हुअ्‌न्‍हुअ् हानेका तिङतेङ झाराङ द्‍याङगेलाइ भारभुसाइतेङ सोलोमन मिङहिका धाअ्‌ता दोसाङ एम्‍बालाइकोता धाअ्‌तेङ लोहि।

साल्न्हाका चात्या 3:13

एन्‍सा माको, केलाइको पितापुर्खा आब्राहाम, इसहाक रो याकुबको परमेस्‍वर दोङ ताइको सेबक इसुहेङ प्रतापि बान्‍हाइहि। जाइहेङ नेलाइ रिम्‍तेङ पिलातसको खुर्ता पिसुन्‍हा। कालाउ पिलातस वासेहेङ लाअ्‌पिलि भोलाउ बुङ नेलाइ वाकोङ आगाता माकिअ्‌सुन्‍हा।