साल्न्हाका चात्या 26:7 - धिमाल

⁷ राजा अग्रिपास, इङकोङ बाचा निङका आसता केलाइ यहुदिगेलाइको तेन्‍हे खालगेलाइ बुङ नितिमान्‍हिसिङता एमन जेङतेङ परमेस्‍वरहेङ पुजितेङ भक्‍ति पाखे। का बुङ इङको आस पानाङसिङ यहुदिगेलाइ कासेहेङ फतुर लागाइदोङखे।

Dhimal NT

⁷ इदोइ प्रतिग्या निङलिको आसता केलाइको तेन्हे कुलगेलाइ लागातार न्हिसिन-नितिम परमेस्वरको आराधाना पाखे। ओइ राजा, का बुङ परमेस्वरको प्रतिग्या पाका काथा पुरा पाङ दोअ्का ओदोङ आस ताअ्नाङ उङको यहुदिगेलाइ कासेहेङ दुसिका हि।

साल्न्हाका चात्या 26:7 Iomraidhean Croise

मत्‍ति 19:28

कालाउ इसु एम्‍बालाइहेङ दोअ्‌हि, “जातिङको, का नेलाइहेङ दोअ्‌खा, नेलाइ जाइ कासेहेङ पिताइका हिसुन्‍हा, नावा दुनियाता जेलाउ का द्‍याङको चान ताइको प्रतापको गादिता योमाङका, कालाउ नेलाइ बुङ तेन्‍हे गादिता योमस्‍वाना रो इस्राएलको द्‍याङगेलाइको तेन्‍हे खालहेङ निसाप पास्‍वाना।

लुका 2:25

इङको पहर सिमियोन दोअ्‌का द्‌याङ यरुसलेमता हिघाखे। वा धरम द्‌याङ हिघाखे रो परमेस्‍वरको भक्ति पाघाखे। वा इस्राएलिगेलाइहेङ बान्‍चेपाका द्‌याङको आस पातेङ दामा खाङघाखे। पुनित हाङसा वाकोदोफा हिघाहि।

लुका 22:30

काङको सारभिता नेलाइ कादोफाङ योम्‍तेङ चास्‍वाना। कालाउ गादिता योम्‍तेङ इस्राएलको तेन्‍हे खालको न्‍याय पास्‍वाना।”

साल्न्हाका चात्या 20:31

एन्‍सा जेङलाउ चालाक जेङतेङ हिसु कालाउ का सुम बाअ्‌सारथिकापा नितिमन्‍हिसिङ मिति ह्‍याअ्‌पातेङ प्रभुको एमिएमिहेङ पिका चेतानि मानिल्‍सु।

साल्न्हाका चात्या 24:15

का एम्‍बालाइ भाइपाङ धरमाति रो कुकरमि गोताङ द्‍याङ सिकान्‍हुअ्‌सो आरोङ सिन्‍हुतावा दोअ्‌का आस ताअ्‌खा।

साल्न्हाका चात्या 26:2

“राजा अग्रिपास, यहुदिगेलाइ कासेहेङ फतुर लागाइका काथाको बारेता का नानि ताइको काथा नाङकोङ आगाता दोअ्‌लि निङकाता का ताइमिहेङ भाग्‍यमानि फोमपाखा।

साल्न्हाका चात्या 26:3

नासेहेङ यहुदिगेलाइको गोताङ रितिथिति, बादबिबाद पाका काथाको बारेता रेम्‍फा गेनाङसिङ का ताइमिहेङ झन भाग्‍यमानि फोमपाखा। एन्‍सा जेङलाउ काङको काथा रेम्‍फा हिम्‍पि दोअ्‌तेङ का बिनइ पाखा।

साल्न्हाका चात्या 28:20

इदोइ काथा नेलाइहेङ गिपालि रो नेलाइदोफा दुसुलि भाअ्‌सिङ का नेलाइहेङ इता काइका हिघाखा। हाइदोनु केलाइ इस्राएलिगेलाइको आस ताअ्‌का ख्रिस्‍टको भाअ्‌सिङ दोङ का एसापा झिन्‍झिरिहोइ धेउन्‍हाका हिघा।”

फिलिप्पि 3:11

कालाउ जेसालाउ बुङ का ख्रिस्‍ट भाइपाङ सिकासो आरोङ सिन्‍हुलि द्‍वाको दोअ्‌तेङ आस पाखा।

1 थेस्लोनिकि 3:10

नेलाइदोफा दुसुलि द्‍वाको दोअ्‌तेङ केलाइ नितिमन्‍हिसिङ परमेस्‍वरदोफा पुकार पातेङ हिन्‍हाहि। आरोङ बुङ नेलाइदोफा दुसुलि निङनु नेलाइको खान्‍धुरता जेदोङजेदोङ काथाको कमि हि, इङको पोङघालि दोधावा।

1तिमोथि 5:5

ताइको हासु मान्‍थुका रान्‍दि चाहिँ ताइको आस परमेस्‍वरता खिनिङ ताअ्‌का हिखे। कालाउ इङको नितिमन्‍हिसिङ लागेतेङ परमेस्‍वरता ताइको साहेताको भाअ्‌सिङ पुकार पातेङ हिखे।

याकुब 1:1

परमेस्‍वर रो प्रभु इसु ख्रिस्‍टको चाकर का याकुबसो इदोइ चिथि चारबितिङ राइन्‍हातेङ हिका इस्राएलको तेन्‍हे खालहेङ लेखेदोङखा। नेलाइ झाराङहेङ सेउपाखा।