साल्न्हाका चात्या 26:6 - धिमाल

⁶ परमेस्‍वर केलाइको पुर्खागेलाइहेङ पाका बाचाता का आस ताअ्‌नाङसिङ नानि का एसापा नेलाइको आगाता जाअ्‌का हिघा।

Dhimal NT

⁶ कालाउ परमेस्वर केलाइको पुर्खागेलाइहेङ पाका प्रतिग्याता भोरोसा ताअ्नाङ नानि का इदोइ मुद्दाता जाअ्का हिघा।

साल्न्हाका चात्या 26:6 Iomraidhean Croise

साल्न्हाका चात्या 23:6

बाराकचहरिता सदुकि रो फरिसि मन्‍डलिको द्‍याङगेलाइ योम्‍का हि दोअ्‌का काथा गेतेङ पावल बाराका गाला पातेङ दोअ्‌हि, “दादाओनेगेलाइ, का फरिसिको चान फरिसि दोङ हिघा। सिका द्‍याङ आरोङ सिन्‍हुताङ दोअ्‌का आस ताअ्‌नाङसिङ इता काङको मुद्‌दा चलिदोङखे।”

साल्न्हाका चात्या 24:15

का एम्‍बालाइ भाइपाङ धरमाति रो कुकरमि गोताङ द्‍याङ सिकान्‍हुअ्‌सो आरोङ सिन्‍हुतावा दोअ्‌का आस ताअ्‌खा।

साल्न्हाका चात्या 24:21

खालि एलोङ काथाता खिनिङ एम्‍बालाइ कासेहेङ दुस लागाइलि द्‍वावा। इङको हाइ दोअ्‌नु, ‘सिका द्‍याङ आरोङ सिन्‍हुतावा दोअ्‌का काथाता का खान्‍धुर पानाङसिङ नानि काङको मुद्दा चलिदोङखे’ दोअ्‌तेङ का बाराका गाला पातेङ र्‍हिकाइका हिघाखा।”

साल्न्हाका चात्या 26:8

परमेस्‍वर सिकालाइहेङ सिन्‍हुपाखे दोअ्‌का काथाता नेलाइ हाइपालि खान्‍धुर पालि मादोसुखेना?

साल्न्हाका चात्या 28:20

इदोइ काथा नेलाइहेङ गिपालि रो नेलाइदोफा दुसुलि भाअ्‌सिङ का नेलाइहेङ इता काइका हिघाखा। हाइदोनु केलाइ इस्राएलिगेलाइको आस ताअ्‌का ख्रिस्‍टको भाअ्‌सिङ दोङ का एसापा झिन्‍झिरिहोइ धेउन्‍हाका हिघा।”

साल्न्हाका चात्या 3:24

“समुएल रो वाकोन्‍हुसोको झाराङ आगाधुइकालाइ बुङ आन्‍जि नानि जेङका इदोङ काथागेलाइको बारेता दोअ्‌का हिघाखे।

गलाति 4:4

कालाउ परमेस्‍वरको दोअ्‌काङ पहरता ताइको चानहेङ केलाइको माझाता दिङगिल्‍हि। वा एअ्‌मि बेजानको कोखसो जोन्‍मेलाउ नियमको आधिनता जोन्‍मेहि।

तितस 2:13

एसापा केलाइ सहसाम्‍पाको आस निङका दिना र्‍हुम्‍तेङ हिन्‍हाहि। इङको दिना केलाइको बाराका परमेस्‍वर रो छुटकारा पिका इसु ख्रिस्‍टको बाराका प्रताप तिङन्‍हावा।