साल्न्हाका चात्या 26:10 - धिमाल

¹⁰ का यरुसलेमता एन्‍साङपातेङ खिलाप पाघा। का मुल धामिगेलाइसो खाबारा निङतेङ हेन्‍जाङ परमेस्‍वरको पुनित जनगेलाइहेङ थुनिपाघा। कालाउ एम्‍बालाइहेङ सेअ्‌का कामता सुदाङ साघाइका हिघाखा।

Dhimal NT

¹⁰ कालाउ का यरुसेलेम सहरता इन्सिकाङ पाघा, कालाउ मुलि पुजारिगेलाइसो खाबारा निङतेङ का हेन्जा खान्धुराइगेलाइहेङ झ्यालखानाता ह्वापाघा कालाउ इम्बालाइहेङ सेअ्लि तोम्लाउ इम्बालाइको बिरोधता का बुङ सहमत जेङघा।

साल्न्हाका चात्या 26:10 Iomraidhean Croise

साल्न्हाका चात्या 7:58

एम्‍बालाइ स्‍तिफनसहेङ पुर बाहार ओल्‍हेपातेङ चुमपुहि रो वार्‍हुता उन्‍ठुइ तोहि। दासिगेलाइ ताइको धाबागेलाइ साउल मिङ हिका एमि वाजानको खोकोइभेर्पा ताअ्‌हि।

साल्न्हाका चात्या 8:1

स्‍तिफनसहेङ उन्‍ठुइ तोतेङ सेअ्‌लाउ साउल बुङ मानेका हिघाखे। इङको दिनासो यरुसलेमता हिका मन्‍डलिहेङ सान्‍ताइलि तेङहि। साल्‍तेङ दिङगिल्‍कालाइ बिना एम्‍बालाइ झाराङ यहुदिया रो सामरियाको माउजाभारि राइन्‍हाहि।

साल्न्हाका चात्या 8:3

कुलाउ साउल चाहिँ मन्‍डलिहेङ नास पादोङघाखे। वा खान्‍धुरपाका वाबाल रो बेबालाइहेङ हेरतेङ चुमपुतेङ थुनाता ह्‍वाअ्‌पुघाखे।

साल्न्हाका चात्या 9:21

कोलाउ वाको काथा हिङकालाइ झाराङ भारभुसाइतेङ दोअ्‌लि तेङहि, “हाइ यरुसलेमता इसुको मिङ र्‍हुकालाइहेङ मुअ्‌पालि भोका रो इता बुङ एम्‍बालाइहेङ धेउतेङ मुल धामिगेलाइकोता चुमपुका ठहरहोइ लोका याआङ माको कुनु?”

साल्न्हाका चात्या 9:26

साउल यरुसलेमता लोकान्‍हुअ्‌सो वा इसुको चात्‍यागेलाइदोफा मिलिलि बल पाहि। कुलाउ एम्‍बालाइ साउलदोफा थिहि, हाइपानु वा जातिङको इसुको चात्‍या एइ दोअ्‌तेङ एम्‍बालाइ खान्‍धुर पालि मादोहि।

साल्न्हाका चात्या 9:32

पत्‍रुस इसोउसो गोताङ थामेता घुराइतेङ लुड्डाता हिका परमेस्‍वरको पुनित जनगेलाइकोता बुङ थुकालिलोहि।

साल्न्हाका चात्या 9:41

पत्‍रुस वासेहेङ ताइको खुरहोइ चातेङ जुरुक्‍पा ल्‍होपाहि, कालाउ वा परमेस्‍वरको पुनित जनगेलाइ रो रान्‍दिगेलाइहेङ काइतेङ सितेङ बुङ सिन्‍हुका तबिताहेङ जिमा पिहि।

1 कोरिन्थि 15:9

साल्‍तेङ दिङगिल्‍कालाइता झाराङखान्‍तेङ म्‍हुइका का दोङ एइ। का साल्‍तेङ दिङगिल्‍का दोअ्‌न्‍हालि लाएकको मान्‍थुघा। हाइदोनु का परमेस्‍वरको मन्‍डलिहेङ हेन्‍जाङ खेदो पाघा।

गलाति 1:13

का यहुदि धरमता हिलाउ हिसिका द्‌याङ हिघाखा दोअ्‌तेङ नेलाइदोङ गेसुखेना। इङकोपहर हेसापा का परमेस्‍वरको मन्‍डलिको द्‌याङगेलाइहेङ सान्‍ताइघा रो इङकोहेङ मुअ्‌पालि भोघा।