साल्न्हाका चात्या 23:2 - धिमाल

² पावलको इदोइ काथा दोअ्‌का हिङतेङ झाराङखान्‍तेङ बारा धामि हननिया पावल भेर्पाङ जाअ्‌का द्‍याङगेलाइहेङ वाको नुइता चाउरेलि हुकुम पिहि।

Dhimal NT

² पावल इदोइ काथा दोअ्का हिङतेङ प्राधान पुजारि हननिया पावलको भेरपा जाअ्तेङ हिका द्‍याङगेलाइहेङ वाको नुइता चाउरेलि हुकुम पिहि।

साल्न्हाका चात्या 23:2 Iomraidhean Croise

मत्‍ति 26:67

कालाउ एम्‍बालाइ इसुको र्‍हाइता थोअ्‌तेङ वासेहेङ भुकिन्‍दिहि रो आधेमि चाउरेतेङ एसा दोअ्‌हि,

युहन्‍ना 18:22

इसु इदोइ काथा दोअ्‌लाउ भेर्पा जाअ्‌का पालेगेलाइता ए मि वासेहेङ चाउरेतेङ एसा दोअ्‌हि, “हाइ मुल धामिदोफा एसापा नुइ लागेखेना?”

युहन्‍ना 18:23

इसु इङकोहेङ दोअ्‌हि, “का माजेङका दोअ्‌काहिघा पानु इङकोको दासि पि, कुलाउ एदि का मुनासिप दोअ्‌का हिघा पानु कासेहेङ हाइपालि दान्‍हाइखेना?”

साल्न्हाका चात्या 24:1

ना दिनान्‍हुअ्‌सो बारा धामि हननिया रो मन्‍डलिको आगुवागेलाइ तर्तुल्‍लस दोअ्‌का वकिलहेङ दोसाङ चुमतेङ यरुसलेमसो कैसरियाता थुकालिलोहि। एम्‍बालाइ पावलको खिलापता बाराहाकिकोता उजुर पाहि।