साल्न्हाका चात्या 22:4 - धिमाल

⁴ का प्रभुको मुक्‍तिको दामाता लागिका द्‍याङगेलाइहेङ सिलितोम्‍पाङ सान्‍ताइका हिघाखा। का वाबालाइ रो बेबालाइहेङ रिम्‍पातेङ थुनिलि लागाइका हिघाखा।

Dhimal NT

⁴ प्रभुको दामा पिताइका द्‍याङगेलाइहेङ का सिलि तोम्पाङ साताइघा। कालाउ का वाबाल कालाउ बेबालाइहेङ रिम्घा कालाउ झ्यालखानाता ह्वाघा।

साल्न्हाका चात्या 22:4 Iomraidhean Croise

साल्न्हाका चात्या 16:17

इङको पावल रो केलाइहेङ पिताइलि तेङहि रो एसा दोअ्‌तेङ र्‍हिकाइहि, “इदोइ द्‍याङगेलाइ झाराङखान्‍तेङ बाराका परमेस्‍वरको सेबकगेलाइ एइ। एबालाइ नेलाइहेङ मुक्‍तिको दामाको पारचार पाखे।”

साल्न्हाका चात्या 18:26

वा कचहरिसाअ्‌ता माथिसिङ धुइलि तेङहि। कुलाउ अपोल्‍लोसको धुइका काथा हिङतेङ प्रिस्‍किला रो अकिलास वासेहेङ ताइको साअ्‌ता चुमपुहि। कालाउ ओबालाइ परमेस्‍वरको दामाको माने वासेहेङ रेम्‍फा गेपाहि।

साल्न्हाका चात्या 19:23

इङको पहरता प्रभुको मुक्‍तिको दामाको पारचार जेङका हिनाङसिङ एफिसिसता बाराका खाइलाबाइला जेङहि।

साल्न्हाका चात्या 19:9

कुलाउ हेअ्‌मि मन थाङपातेङ प्रभुता खान्‍धुर मापाहि। उल्‍टाङ एम्‍बालाइ प्रभुको पिका मुक्‍तिको दामाहेङ झाराङको आगाता हेला पाहि। कोलाउ पावल कचहरिसाअ् लाअ्‌तेङ खान्‍धुरगेलाइहेङ दोसाङ चुम्‍पुतेङ टुरान्‍नसको स्‍कुलता बहस पालि तेङहि।

साल्न्हाका चात्या 24:14

कालाउ बुङ इदोइ काथाचाहिँ का दोअ्‌खा, जेदोङ प्रभुको मुक्‍ति निङका दामाहेङ एम्‍बालाइ ढाटाइका दोअ्‌खे, इङकोङ दामाहेङ पिताइतेङ का केलाइको पुर्खाको परमेस्‍वरहेङ पुजिखा। कालाउ आगाधुइकालाइको लेखेका धरम किताब रो मोसाको पिका गोताङ नियमता का खान्‍धुर पाखा।

साल्न्हाका चात्या 7:58

एम्‍बालाइ स्‍तिफनसहेङ पुर बाहार ओल्‍हेपातेङ चुमपुहि रो वार्‍हुता उन्‍ठुइ तोहि। दासिगेलाइ ताइको धाबागेलाइ साउल मिङ हिका एमि वाजानको खोकोइभेर्पा ताअ्‌हि।

साल्न्हाका चात्या 9:21

कोलाउ वाको काथा हिङकालाइ झाराङ भारभुसाइतेङ दोअ्‌लि तेङहि, “हाइ यरुसलेमता इसुको मिङ र्‍हुकालाइहेङ मुअ्‌पालि भोका रो इता बुङ एम्‍बालाइहेङ धेउतेङ मुल धामिगेलाइकोता चुमपुका ठहरहोइ लोका याआङ माको कुनु?”

1 कोरिन्थि 15:9

साल्‍तेङ दिङगिल्‍कालाइता झाराङखान्‍तेङ म्‍हुइका का दोङ एइ। का साल्‍तेङ दिङगिल्‍का दोअ्‌न्‍हालि लाएकको मान्‍थुघा। हाइदोनु का परमेस्‍वरको मन्‍डलिहेङ हेन्‍जाङ खेदो पाघा।

गलाति 1:13

का यहुदि धरमता हिलाउ हिसिका द्‌याङ हिघाखा दोअ्‌तेङ नेलाइदोङ गेसुखेना। इङकोपहर हेसापा का परमेस्‍वरको मन्‍डलिको द्‌याङगेलाइहेङ सान्‍ताइघा रो इङकोहेङ मुअ्‌पालि भोघा।

फिलिप्पि 3:6

का यहुदि धरमहेङ मानेघाखा रो ख्रिस्‍टको मन्‍डलिहेङ सान्‍ताइघाखा। का जेदोङ नियम मानिका हिघाखा इङकोसो हासुङ ताइको दुस माअ्‌पालि मादोधावा।

२ पत्‍रुस 2:2

हेन्‍जाङ द्‌याङगेलाइ एम्‍बालाइको लेदेरपाका मारेम्‍का दामा पितायावा। कालाउ एम्‍बालाइको कामहोइ पातेङ सतको दामाको बुङ बादनामि ज्‍यावा।