साल्न्हाका चात्या 21:3 - धिमाल

³ केलाइ साइप्रस टपुको भेर्पाङ जेङतेङ इङकोकोङ माहेँपाहासो सिरिया माउजाभारि हानेन्‍हाहि। टुरोस पुरता आनेमाने खुअ्‌पालि चिजाहाज रोकेन्‍हालाउ केलाइ बुङ खुअ्‌न्‍हाहि।

Dhimal NT

³ जेलाउ केलाइ साइप्रस टापुको भेरपा थुकान्हाहि, कालाउ केलाइ इङको को केपाहा ओदोइ पार सिरिया प्रदेस भारि हानितेङ टुरोसता खुअ्नाहि। हाइपालिपानु जाहाजको आनेमानेगेलाइ इन्ता खुपालि गोइका हिघाहि।

साल्न्हाका चात्या 21:3 Iomraidhean Croise

मत्‍ति 11:21

“धिकार खोराजिन रो बेथसेदा पुरको द्‍याङगेलाइहेङ! हाइपानु नेलाइता पाका सरबङ हिका कामगेलाइ टुरोस रो सिदोन पुरता पानु एम्‍बालाइ लाम्‍फा दोङ बोराको धाबा लागाइतेङ रो बुअ्‌सुरि लाइतेङ कुकरम पालि लाअ्‌धावा।

मत्‍ति 4:24

एन्‍सा जेङलाउ वाको मिङ गालिल भेर्पा हिका सिरिया मुलुकको गोताङ थामेगेलाइता चारचाराइहि। कालाउ द्‍याङगेलाइ गोताङ खालको रोगाइका रो बेथासो सान्‍ताइका मासाअ्‌धेकालाइहेङ इसुकोता चुमाहि। एम्‍बालाइता मासान खोअ्‌का, झाकालोङका रो गाहिलि जेङका हिघाखे। वा एम्‍बालाइ झाराङहेङ एल्‍पाहि।

लुका 10:13

“खोराजिन रो बेथसेदाको द्‌याङगेलाइ, नेलाइहेङ धिकार! नेलाइको माझाता पाका भारभुसाइका कामगेलाइ टुरोस रो सिदोन पुरता पाका हिनुते इन्‍ताको द्‌याङगेलाइ हेन्‍जाङ लाम्‍फा दोङ बोराको धाबा लागाइतेङ बुअ्‌सुरि लाइधावा रो ताताइको कुकरम मानेतेङ परमेस्‍वरपाहा घुरिधावा।

लुका 2:2

एसापा दार्ता पालिगोयाङ दोअ्‌तेङ हुकुम लोका या लाम्‍फर्ति हिघाहि। एन्‍सालाउ कुरेनियस सिरिया माउजाको बारा हाकिम हिघाखे।

साल्न्हाका चात्या 11:19

स्‍तिफनसहेङ सेअ्‌कान्‍हुअ्‌सो प्रभु इसुता खान्‍धुर पाकालाइहेङ सान्‍ताइलि तेङनाङ हेअ्‌मि खाअ्‌हि रो हेअ्‌मि फोनिके माउजाता थुकाहि, हेअ्‌मि साइप्रस टपु रो हेअ्‌मि एन्‍टिओखिया पुरथिकापा बुङ थुकाहि। लाङफोरति एम्‍बालाइ रेम्‍काबानाल यहुदिगेलाइहेङ खिनिङ हिङपाहि।

साल्न्हाका चात्या 12:20

हेरोद टुरोस रो सिदोनको द्‍याङगेलाइदोफा हेन्‍जाङ चेरताम्‍पाका हिघाखे। एम्‍बालाइ ए हुल जेङतेङ वाकोता लोहि रो राजाको दरबार लिअ्‌ताको द्‍याङ बलस्‍तसदोफा खुसामद पातेङ मिलापको भाअ्‌सिङ बिम्‍ति पाहि। हाइपानु एम्‍बालाइको मुलुक चाका आम्‍का चिजको भाअ्‌सिङ राजाको मुलुकता भर परिलि गोइघाहि।

साल्न्हाका चात्या 13:4

कोलाउ पुनित हाङसासो दिङगिल्‍का बारनाबास रो साउल सिलुकिया हानेहि रो इन्‍तासो चि जाहाजता धोल्‍तेङ साइप्रसभारि हानेहि।

साल्न्हाका चात्या 15:23

एम्‍बालाइ दोसा ओबालाइ इदोइ चिथि पिगिल्‍हि: “एन्‍टिओखिया, सिरिया रो किलिकियाता हिका बोजात्‍या खान्‍धुरि दादाओनेगेलाइहेङ, साल्‍तेङ दिङगिल्‍कालाइ रो एल्‍डरगेलाइको सेउपागिल्‍का।

साल्न्हाका चात्या 15:39

इङको काथाता पावल रो बारनाबास मामिलिसुतेङ एम्‍बालाइ एमि भेनेङसो खेङन्‍हाहि। कोलाउ बारनाबासचाहिँ मर्कुसहेङ दोसाङ चुमपुतेङ साइप्रसभारि हानेहि।

साल्न्हाका चात्या 15:41

मन्‍डलिगेलाइहेङ बोल्‍यापातेङ वा सिरिया रो किलिकिया घुराइ गिल्‍हि।

साल्न्हाका चात्या 18:18

इङकोन्‍हुअ्‌सो पावल हेन्‍जाङ दिनाथिकापा कोरिन्‍थता हि। कालाउ खान्‍धुरि दादा ओनेगेलाइदोफा बिदा जेङतेङ वा चि जाहाजता सिरिया हानेहि। वाकोदोफा प्रिस्‍किला रो अकिलास बुङ हिघाखे। पावल भाकल पाका हिनाङसिङ वा किक्रियाता ताइको पुसिङ सिअ्‌पाहि।

साल्न्हाका चात्या 21:16

कैसरियाको प्रभुता खान्‍धुर पाका आधे दादाओनेगेलाइ बुङ केलाइदोफाङ लोहि। एम्‍बालाइ केलाइहेङ साइप्रस टपुसो लोतेङ हिका प्रभुको पुर्ना खान्‍धुरि मनासोनको साअ्‌ता बासा हिलि सिरपुहि।

साल्न्हाका चात्या 21:2

इन्‍ता केलाइ फोनिके माउजाथिकापा हानेका चिजाहाज निङन्‍हाहि रो इन्‍ताङ धोल्‍तेङ हानेन्‍हाहि।

साल्न्हाका चात्या 21:7

टुरोस पुरसो केलाइ टोलेमाइस पुरता थुकातेङ चिजाहाजसो खुअ्‌न्‍हाहि। केलाइ इन्‍ता हिका प्रभुको खान्‍धुर पाका दादाओनेगेलाइहेङ दुसुलि हानेन्‍हाहि रो एनि एम्‍बालाइदोफाङ हिन्‍हाहि।

साल्न्हाका चात्या 27:4

इन्‍तासो केलाइको चिजाहाज आरोङ दामा लाअ्‌हि। कालाउ चिजाहाजको आगापाहासो भेर्मा लोनाङसिङ केलाइ साइप्रस टपुको काम्‍बेसो भेर्मा छलिन्‍हातेङ हानेन्‍हेलिगोइहि।

साल्न्हाका चात्या 4:36

एखे साइप्रस पुरको लेबि खालको योसेफ मिङ हिका द्‍याङ हिघाखे। जाइको साल्‍तेङ दिङगिल्‍कालाइ बारनाबास दोअ्‌तेङ मिङ ताअ्‌का हिघाखे (जाइको माने हाउसालाको चान जेङखे)।