साल्न्हाका चात्या 2:4 - धिमाल

⁴ कालाउ एम्‍बालाइ झाराङ पुनित हाङसाहोइ पोङघाहि रो पुनित हाङसाकोङ साघाउनिसो भेनेङ राउगेलाइता धुइलि तेङहि।

Dhimal NT

⁴ कालाउ इम्बालाइ झाराङ पबित्तरो आत्माहोइ पोङघाहि, कालाउ पबित्तरो आत्मा इम्बालाइहेङ पिका बरदान आन्सार इम्बालाइ भनेङ-भेनेङ भासागेलाइता नुइ धुइलि तेङहि।

साल्न्हाका चात्या 2:4 Iomraidhean Croise

मत्‍ति 10:19

कालाउ बुङ जेलाउ एम्‍बालाइ नेलाइहेङ रिमपाप्‍यावा, कालाउ हेसापा रो हाइ धुयाङका दोअ्‌तेङ पिर मापासु। नेलाइ हाइ धुइलिगोयाङ, इङकोङ पहर नेलाइहेङ दोअ्‌प्‍यावा।

मर्कुस 16:17

खान्‍धुर पाकालाइदोफा इदोइ चिनोगेलाइ ह्‍यावा: काङको मिङता एम्‍बालाइ मासानगेलाइ ओल्‍हेपावा। एम्‍बालाइ नावा राउगेलाइता धुयावा।

लुका 1:15

हाइदोनु वा परमप्रभुको आगाता बारा द्‍याङ जेनावा। वा अङगुरको निघार रो बो हिदिङ बुङ निघार हेअ्‌लाउ माआमावा। वा ताइको आमाइको कोखेसो दोङ पुनित हाङसासो पोङघान्‍हावा।

लुका 1:41

जेलाउ एलिसिबा मरियमको सेउपाका हिङहि कोलाउ वाको कोखेता हिका जामाल तोङहि रो एलिसिबा पुनित हाङसासो पोङघान्‍हाहि।

लुका 1:67

जामालको आबा जकरिया पुनित हाङसासो पोङघातेङ धुइलि तेङहि,

लुका 12:12

उदोङघरि पुनित हाङसा नेलाइहेङ दोअ्‌लि गोइका काथा धिरपावा।”

लुका 21:15

हाइदोनु का नेलाइहेङ हाइ दोअ्‌लि गोइका इङको काथा रो आकिल प्‍याङका एन्‍साजेङलाउ नेलाइको हिदि बुङ बिरोधिगेलाइ नेलाइहेङ जितिलि माद्‌वावा रो नेलाइको कथन बुङ मापोन्‍हावा।

लुका 4:1

इसु पुनित हाङसासो पोङघान्‍हातेङ यर्दन झोरासो घुरिहि। पुनित हाङसा वासेहेङ उदादाङका थामेभारि चुमपुहि।

युहन्‍ना 14:26

कुलाउ साल्‍हापिका, माकोनु पुनित हाङसा, जाइहेङ आबा काङको मिङता दिङगिलावा। वा नेलाइहेङ गोताङ काथा धिरपावा। का नेलाइहेङ दोअ्‌का गोताङ काथा नेलाइहेङ फोम पापावा।

युहन्‍ना 20:22

कालाउ इदोइ दोअ्‌तेङ वा एम्‍बालाइर्‍हुता ताइको हुसि म्‍होअ्‌तेङ दोअ्‌हि, “पुनित हाङसा र्‍हुसु।

साल्न्हाका चात्या 1:5

युहन्‍ना ते चिको चिभुअ्‌लि पिघाखे, कालाउ एलाको आसा दिनान्‍हुअ्‌सो नेलाइ पुनित हाङसाको चिभुअ्‌लि निङस्‍वाना।”

साल्न्हाका चात्या 1:8

कुलाउ पुनित हाङसा नेलाइर्‍हुता लोकान्‍हुअ्‌सो नेलाइ सरबङ निङस्‍वाना। इङकोन्‍हुअ्‌सो नेलाइ यरुसलेमता, गोताङ यहुदिया रो सामरिया माउजाता कालाउ सुमिङको कोन्‍हाथिकापा काङको दासि जेङस्‍वाना।”

साल्न्हाका चात्या 10:46

हाइपानु बो राउता धुइतेङ एम्‍बालाइ परमेस्‍वरहेङ बाखिन्‍तेङ हिका ओबालाइ हिङहि। कोलाउ पत्‍रुस दोअ्‌हि,

साल्न्हाका चात्या 10:47

“केलाइभाइपाङ पुनित हाङसा निङका एबालाइहेङ चिको चिभुअ्‌लि र्‍हुलि हासु रोकेलि द्‍वावा?”

साल्न्हाका चात्या 11:15

“जेलाउ का धुइलि तेङघा, कोलाउ लाम्‍फा केलाइर्‍हुता खुअ्‌काभाइपाङ पुनित हाङसा एम्‍बालाइर्‍हुता बुङ खुअ्‌हि।

साल्न्हाका चात्या 11:24

हाइदोनु बारनाबास रेम्‍का, पुनित हाङसा रो खान्‍धुरसो पोङघान्‍हाका द्‍याङ हिघाखे रो वासो हेन्‍जाङ द्‍याङगेलाइ प्रभुता खान्‍धुर पाहि।

साल्न्हाका चात्या 13:52

चात्‍यागेलाइ लेङचातेङ पुनित हाङसाहोइ पोङघा न्‍हाहि।

साल्न्हाका चात्या 13:9

कुलाउ साउल (जाइहेङ पावल बुङ दोअ्‌खे) पुनित हाङसासो पोङघान्‍हातेङ एलुमासहेङ खाङका खाङकाङ पाहि

साल्न्हाका चात्या 15:8

कोन्‍धाङको काथा गिका परमेस्‍वर एम्‍बालाइहेङ बुङ केलाइहेङ भाइपाङ पुनित हाङसा पितेङ एम्‍बालाइहेङ र्‍हुका काथा तिङपाहि।

साल्न्हाका चात्या 19:6

जेलाउ पावल ओबालाइर्‍हुता खुर ताअ्‌हि, कोलाउ पुनित हाङसा ओबालाइर्‍हुता लोहि रो ओबालाइ भेनेङ राउता धुइहि रो आगाधुइका धुइलि तेङहि।

साल्न्हाका चात्या 2:11

क्रेटता हिकालाइ रो अरबिगेलाइ बुङ हिन्‍हाहि, कालाउ केलाइ ताताइको राउता परमेस्‍वरको बारा कामगेलाइको कथन एम्‍बालाइसो हिङदोङन्‍हाखे।”

साल्न्हाका चात्या 2:3

कालाउ मेको देतोङगेलाइभाइका एम्‍बालाइकोता तिङन्‍हाहि। इङको मेको देतोङगेलाइ आसिआसि जेङतेङ इन्‍ता हिका झाराङ द्‌याङगेलाइता दुल्‍का एम्‍बालाइ तिङहि।

साल्न्हाका चात्या 4:31

एम्‍बालाइ पुकार पालिदोकान्‍हुअ्‌सो एम्‍बालाइ जोम्‍का थामे हेङघालाइन्‍हाहि। एम्‍बालाइ झाराङ पुनित हाङसासो पोङघाहि रो एम्‍बालाइ आटसो परमेस्‍वरको कथन धुइहि।

साल्न्हाका चात्या 4:8

कोलाउ पुनित हाङसाहोइ पोङघातेङ पत्‍रुस एम्‍बालाइहेङ दोअ्‌हि, “द्‍याङको हाकिम रो धरम मास्‍टर एइ,

साल्न्हाका चात्या 6:3

एन्‍साङ नेलाइको माझासो पुनित हाङसा, आकिलहोइ पोङघाका रो झाराङ मानेका न्‍हिअ्‌मि द्‍याङ साल्‍सु, जाइहेङ केलाइ इदोइ कामता भरना पाइने।

साल्न्हाका चात्या 6:5

इदोइ काथा हुलको झाराङहेङ मोन्‍दाताहि, जोम्‍का झाराङहेङ रेम्‍नाङ गेहि, एम्‍बालाइ पुनित हाङसा रो खान्‍धुरहोइ पोङघाका स्‍तिफनस, फिलिप, प्रखरस, निकनोर, तिमोन, पर्मिनास रो एन्‍टिओखियाको यहुदि धरम मानेका निकोलाउसहेङ साल्‍हि।

साल्न्हाका चात्या 6:8

स्‍तिफनस सहसाम्‍पा रो सरबङ निङतेङ द्‍याङगेलाइको माझाता बाबारका सरबङ हिका काम रो चिनोगेलाइ पाहि।

साल्न्हाका चात्या 7:55

कुलाउ वाचाहिँ पुनित हाङसासो पोङघान्‍हातेङ सादेलभारि खाङका खाङकाङ पाहि, कालाउ वा परमेस्‍वरको प्रताप रो इसुहेङ परमेस्‍वरको दाम्‍पाहा जाअ्‌तेङ हिका तिङहि।

साल्न्हाका चात्या 8:17

जेलाउ ओबालाइ ताइको खुर एम्‍बालाइर्‍हुता ताअ्‌हि कोलाउ एम्‍बालाइ पुनित हाङसा निङहि।

साल्न्हाका चात्या 9:17

कोलाउ हननिया हानेतेङ इङको साअ्‌लिअ्‌ता दुल्‍हि रो वार्‍हुता ताइको खुर ताअ्‌तेङ दोअ्‌हि, “साउल ओने, जेदोङ प्रभु इसु ना लोतेङहिका दामाता नाता तिङन्‍हाका हिघाहि, वा दोङ ना मिँ तिङका रो पुनित हाङसासो पोङघाका जेङ दोअ्‌तेङ कासेहेङ दिङगिल्‍का हि।”

1 कोरिन्थि 12:10

एन्‍साङ पातेङ आधेमिहेङ भारभुसाइका काम पाका, आधेमिहेङ आगाधुइ धुइका, आधेमिहेङ सत रो असत हाङसा खेङलि दोका, आधेमिहेङ भेभेनेङ खाल्‍को राउ धुइका रो आधेमिहेङ इङको राउको माने हेपिलि दोका सरबङ पिखे।

1 कोरिन्थि 13:1

का द्‍याङगेलाइ रो सादेलचरगेलाइको राउता धुइलाउ बुङ बोमिहेङ माया मापाखा पानु, का धुइका काथाचाहिँ हाला पाका घालतिन रो झाइँ झाइँ पाका झ्‍याम्‍ता खिनिङ ज्‍याङका।

1 कोरिन्थि 13:8

आगाधुइ धुइका बर मुअ्‌तेङ हानावा, राउगेलाइ गिअ्‌न्‍हावा, आकिल बुङ दोकावा, कालाउ माया हेअ्‌लाउ माद्‌वावा।

1 कोरिन्थि 14:18

का परमेस्‍वरहेङ च्‍याबास चर्‍हायाङका, हाइपानु नेलाइखान्‍तेङ हेन्‍जा का बो राउता धुइखा।

1 कोरिन्थि 14:5

नेलाइ झाराङ भेनेङ राउ धुइसु दोअ्‌का का भोखा, कालाउ आरोङ नेलाइ आगाधुइ धुइसु दोअ्‌का का भोखा। बुझिलि मादोका भेनेङ राउता धुइकाखान्‍तेङ आगाधुइ धुइलि बाराका। एदि भेनेङ राउ धुइलाउ बुझिलि दोका राउता माने हेपिका द्‍याङ बुङ हि पानु मन्‍डलिहेङ भालाइ दोङ ज्‍यावा।

1पतरुस 1:12

आगाधुइगेलाइको पाका चाकर ताइको भाअ्‌सिङ माको, कालाउ नेलाइको भाअ्‌सिङ दोअ्‌तेङ परमेस्‍वर तिङपाका हिघाहि। कालाउ आगाधुइगेलाइको धुइका कथनहेङ सादेलसो दिङगिलन्‍हाका पुनित हाङसाको सरबङता रेम्‍काबानाल पारचार पाकालाइ नेलाइहेङ रेम्‍फा हिङपाहि। इदोइ काथा गेलिको भाअ्‌सिङ सादेलचरगेलाइ बुङ हेन्‍जाङ चाहा पाका हि।

२ पत्‍रुस 1:21

हाइपानु आगाधुइकालाइको दोअ्‌का काथा द्‍याङको कोन्‍धाङसो लोका माको, कालाउ पुनित हाङसाको आधिनता हितेङ परमेस्‍वरसो धुइका कथन एइ।