साल्न्हाका चात्या 19:4 - धिमाल

⁴ कोलाउ पावल दोअ्‌हि, “युहन्‍नाको पिका चिभुअ्‌लिचाहिँ कुकरमसो घुरिका चिभुअ्‌लि हिघाहि। वान्‍हुअ्‌सो लोका द्‍याङ इसुहेङ खान्‍धुर पासु दोअ्‌तेङ वा द्‍याङगेलाइहेङ दोअ्‌घाखे।”

Dhimal NT

⁴ कालाउ पावल दोअ्हि, “युहान्‍ना पाप पालि लाअ्तेङ कालाउ परमेस्वर भारि घुरिका द्‍याङगेलाइहेङ बप्तिस्ता पिघाखे। कालाउ युहान्‍ना इस्राएलको द्‍याङगेलाइहेङ दोअ्हि वाको ह्रुता खाङधुरि पासु जाइ का न्हुसो लोदोङखे, वा दोङ येसु हि।”

साल्न्हाका चात्या 19:4 Iomraidhean Croise

युहन्‍ना 1:15

युहन्‍ना वाको बारेता दासि पितेङ बारा गालाता दोअ्‌हि, “वा इङको खामाल हि, जाइको बारेता का दोअ्‌घा, ‘कान्‍हुअ्‌सो लोका काखान्‍तेङ हेन्‍जा बाराका हि, हाइदोनु वा काखान्‍तेङ लाम्‍फासोङ हिघाहि।’”

युहन्‍ना 1:26

युहन्‍ना एम्‍बालाइहेङ दोअ्‌हि, “का ते चिहोइ चिभुअ्‌लि पिखा, कुलाउ नेलाइको माझाता एमि जाअ्‌का हि, जाइहेङ नेलाइ मानालसुखेना।

युहन्‍ना 1:27

कान्‍हुअ्‌सो लोका वा दोङ हि। का वाको जुताको तुना खाइलि लायकको बुङ मान्‍थुघा।”

युहन्‍ना 1:7

वासो झाराङ द्‍याङगेलाइ खान्‍धुर पालि द्‍वाको दोअ्‌तेङ इङको जोल्‍काको दासि पिलि वा दासि जेङतेङ लोहि।

साल्न्हाका चात्या 1:5

युहन्‍ना ते चिको चिभुअ्‌लि पिघाखे, कालाउ एलाको आसा दिनान्‍हुअ्‌सो नेलाइ पुनित हाङसाको चिभुअ्‌लि निङस्‍वाना।”

साल्न्हाका चात्या 11:16

कोलाउ प्रभुको दोअ्‌का इदोइ कथन कासेहेङ फोम जेङहि, ‘युहन्‍ना ते चिहोइ चिभुअ्‌लि पिहि, कुलाउ पुनित हाङसासो नेलाइको चिभुअ्‌लि ज्‍यावा।’