साल्न्हाका चात्या 15:4 - धिमाल

⁴ जेलाउ एम्‍बालाइ यरुसलेम थुकालिलोहि, कोलाउ एम्‍बालाइहेङ मन्‍डलि, साल्‍तेङ दिङगिल्‍कालाइ, रो एल्‍डरगेलाइ मान पाहि। परमेस्‍वर एम्‍बालाइदोफा पाका गोताङ काथाको बिबरन एम्‍बालाइ इन्‍ता पिहि।

Dhimal NT

⁴ जेलाउ पावल कालाउ बार्नाबास यरुसेलेम सहरता थुकालि लोहि, कालाउ इम्बालाइहेङ मन्डलिको, आगुवागेलाइ कालाउ साल्न्हाका चात्यागेलाइ स्‍वागत पाहि। कालाउ पावल कालाउ बार्नाबास इन्ता जोम्का झाराङहेङ परमेस्वर इम्बालाइ पाहासो पाका गोताङ कामगेलाइको बारेता दोअ्हि।

साल्न्हाका चात्या 15:4 Iomraidhean Croise

मत्‍ति 10:40

“नेलाइहेङ मन्‍जुरि पाका कासेहेङ मन्‍जुरि पावा रो कासेहेङ मन्‍जुरिपाका कासेहेङ दिङगिल्‍काहेङ मन्‍जुरि पावा।

साल्न्हाका चात्या 11:30

एम्‍बालाइको भेटि बारनाबास रो साउलको खुरसो एल्‍डरगेलाइकोता पिगिल्‍हि।

साल्न्हाका चात्या 14:27

जेलाउ एम्‍बालाइ एन्‍टिओखियाता थुकालिलोहि, कोलाउ मन्‍डलिहेङ जोम्‍पाहि। कालाउ परमेस्‍वर एम्‍बालाइ दोसा पाका गोताङ कामको बाखान पाहि रो हेसापा वा बोजात्‍यागेलाइको भाअ्‌सिङ खान्‍धुरको फिनु हेपिहि इङको हिङपाहि।

साल्न्हाका चात्या 15:12

कोलाउ कचहरिता झाराङ सिपा हि, कालाउ बोजात्‍यागेलाइको माझाता परमेस्‍वर एम्‍बालाइसो हिसिका चिनोगेलाइ रो भारभुसाइका कामगेलाइ पाहि इङकोको बाखिन पावल रो बारनाबास पाहि। ओबालाइ इदोइ बाखिन हिङहि।

साल्न्हाका चात्या 15:2

कोलाउ पावल रो बारनाबासको एम्‍बालाइदोफा हेन्‍जाङ गालाबाजि जेङहि। इन्‍ताको दादा ओनेगेलाइ पावल, बारनाबास रो बो हेअ्‌मिहेङ इदोइ काथाको फाइसालाको भाअ्‌सिङ साल्‍तेङ दिङगिल्‍कालाइ रो एल्‍डरगेलाइकोता यरुसलेम हानेलि भरना पाहि।

साल्न्हाका चात्या 15:22

कोलाउ साल्‍तेङ दिङगिलन्‍हालाइका, एल्‍डरगेलाइ रो गोताङ मन्‍डलि मिलितेङ ताइको माझासो हेथे द्‍याङगेलाइहेङ साल्‍तेङ पावल रो बारनाबासदोफा एन्‍टिओखियाता दिङगिल्‍लि मुनासिप तिङतेङ एम्‍बालाइता मुल द्‍याङगेलाइ, यहुदा दोअ्‌का बारनाबास रो सिलासहेङ साल्‍हि।

साल्न्हाका चात्या 15:3

मन्‍डलिको दादाओने रो बाइओनेगेलाइ एम्‍बालाइहेङ इन्‍तासो दिङगिल्‍हि। एम्‍बालाइ फोनिके रो सामरिया जेङतेङ हानेलाउ बोजात्‍यागेलाइ प्रभुहेङ र्‍हुका काथा एम्‍बालाइहेङ माबिराइसिङ हिम्‍पाहि। इदोइ बानालसो इन्‍ताको दादाओनेगेलाइ हेन्‍जाङ लेङचाहि।

साल्न्हाका चात्या 15:6

इदोइ बारेता ठहर पालि साल्‍तेङ दिङगिल्‍कालाइ रो एल्‍डरगेलाइ जोम्‍हि।

साल्न्हाका चात्या 16:4

इङकोन्‍हुअ्‌सो एम्‍बालाइ पुरगेलाइको दामा जेङतेङ हानेलाउ यरुसलेमको साल्‍तेङ दिङगिल्‍कालाइ रो एल्‍डरगेलाइको पाका निधोगेलाइ एबालाइहेङ मानेसु दोअ्‌तेङ हिङपापिहि।

साल्न्हाका चात्या 18:27

इङकोन्‍हुअ्‌सो अपोल्‍लोस अखैया माउजाता हानेलि ठहर पाहि। एफिससता हिका प्रभुको चात्‍यागेलाइ वासेहेङ हानेलि आँट पितेङ वासेहेङ खाङसु दोअ्‌तेङ इन्‍ता हिका चात्‍यागेलाइहेङ एलोङ चिथि बुङ लेखेपिहि। अपोल्‍लोस अखैयाता थुकातेङ निगाहासो खान्‍धुर पाकालाइहेङ हेन्‍जाङ मदत पाहि।

साल्न्हाका चात्या 21:17

केलाइ यरुसलेमता थुकालाउ इन्‍ताको मन्‍डलिको दादाओनेगेलाइ लेङचातेङ केलाइको स्‍वागत पाहि।

साल्न्हाका चात्या 21:19

पावाल एम्‍बालाइहेङ दुसुहि रो वाको पाका गोताङ कामसो बो जात्‍याको माझाता परमेस्‍वर हिसिकाहिसिका कामगेलाइ पाहि, इङको गोताङ दोअ्‌पिहि।

1 कोरिन्थि 15:10

का जाइ हिघा, ख्रिस्‍टको निगाहासोङ हिका हिघा रो वा कासिहेङ पाका निगाहा बिथाको माजेङहि। का बो साल्‍तेङ दिङगिल्‍कालाइ खान्‍तेङ हेन्‍जा भेम्‍ति ह्‍याअ्‌पाघा। कौलाउबुङ का ताइमिङ माको, कादोफाङ हितेङहिका परमेस्‍वरको निगाहा निङतेङ दोङ इदोइ पाघा।

कलस्सि 4:10

कादोफाङ थुनाता हिका अरिस्‍तारखस नेलाइहेङ सेउपाका पिगिल्‍का हि। बारनाबासको ओने मर्कुस बुङ सेउपाका पिगिल्‍का हि। वाको बारेता का लाम्‍फा दोङ नेलाइहेङ दोअ्‌पिहोइका। वा नेलाइकोता लोलाउ वासेहेङ रेम्‍फा स्‍वागत पासु।

२ युहन्‍ना 1:10

एन्‍साङ पातेङ एदि हिदिङ द्‌याङ इदोइ ख्रिस्‍टको धिरपाका बिद्‌याता मालोखे पानु, इङकोहेङ नाङको साअ्‌ता चुम्‍पुतेङ बान्‍सा माबुझाइ। कालाउ इङकोहेङ मान पातेङ मासेउपा बुङ।