साल्न्हाका चात्या 13:10 - धिमाल

¹⁰ रो दोअ्‌हि, “ना दियाबलसको चान, गोताङ धरमको दुस्‍मन, आसाति चालसो पोङघाका! हाइ ना प्रभुको सोझा दामा केउपालि मालाअ्‌ताना?

Dhimal NT

¹⁰ “नाअ् साइतानको चान, सारा धार्मिकताको सतरु गोताङ छलि कालाउ दुस्टहोइ पोङघाका! हाइ नाअ् प्रभुको सिधाका दामाहेङ केउपालि मालाताना?

साल्न्हाका चात्या 13:10 Iomraidhean Croise

मत्‍ति 13:38

मिलिङ दुनिया एइ। रेम्‍का चालाइचाहिँ सादेलको सारभिको खाल एइ रो माइरिमा दियाबलसको खाल एइ।

मत्‍ति 15:19

हाइपानु कोन्‍धाङसो दोङ आसाति ठहर, सेअ्‌लि, दुस्‍चर, दुराचार, खुलि, असत दासि रो बादनामि बाहार ओल्‍हेखे।

मत्‍ति 23:13

“धिकार धरम मास्‍टर रो फरिसिगेलाइ! नेलाइ चिम्‍काटा हिसुन्‍हा। हाइपानु नेलाइ सादेलको सारभिको फिनु गिअ्‌का हिसुन्‍हा। नेलाइ ताइमि बुङ लिअ्‌ता मादुल्‍सुखेना रो लिअ्‌ता दुल्‍लि ना ताइमिङ दुल्‍सुखेना ना भोकालाइहेङ बुङ दुल्‍लि पिसुखेना।

मत्‍ति 3:7

कालाउ बुङ फरिसिगेलाइ रो सदुकिगेलाइता हेअ्‌मि चिभुअ्‌लि र्‍हुलि लोका तिङतेङ वा एम्‍बालाइहेङ दोअ्‌हि, “ओइ पुह्‍याँको चानगेलाइ, लोलि तोम्‍का चेरसो खाअ्‌लि हासु नेलाइहेङ चेतानि पिहि?

लुका 11:39

कालाउ इसु इङको फरिसि द्‌याङहेङ दोअ्‌हि, “नेलाइ फरिसिगेलाइ थालि रो बाति बाहार खिनिङ झासुखेना। कालाउ नेलाइको मन लोभ रो मारेम्‍का थोकहोइ पोङघाका हिसुन्‍हा।

लुका 11:52

“नेलाइ धरम मास्‍टरगेलाइहेङ धिकार! नेलाइदोफा आकिल रो बुद्धिको फिनु हेका चाभि हि। कालाउ नेलाइ ताइमि बुङ लिअ्‌ता दुल्‍नाङ मान्‍थुसुन्‍हा। कालाउ बोमिहेङ बुङ दुल्‍लि पिनाङ मान्‍थुसुन्‍हा।”

युहन्‍ना 1:23

युहन्‍ना दोअ्‌हि, “यसैया आगाधुइकाको दोअ्‌काभाइपाङ का ‘प्रभुको दामा त्‍यार पासु’ दोअ्‌तेङ उदादाङका थामेता र्‍हिकाइका एमि खामालको का गाला एइ।”

युहन्‍ना 8:44

नेलाइ ताइको आबा दियाबलसको एइ रो नेलाइको आबाको लाल्‍सा पोङघा पालि नेलाइको मनसुबा हि। इङको ते लाम्‍फासो दोङ ज्‍यानमारा हिघाहि रो सतेदोफा इङकोहेङ हाइदोङ वास्‍ता मान्‍थु। हाइदोनु इङकोता सत मान्‍थु। जेलाउ इङको असत धुइखे, इङको ताइकोङ आनिबानिमाफिक धुइखे, हाइदोनु इङको असत एइ रो असतको आबा एइ।

साल्न्हाका चात्या 20:30

नेलाइकोङ माझासो बुङ ढाटाइका बिद्‌या पिका द्‍याङगेलाइ ओल्ह्‍यावा। एम्‍बालाइ प्रभुको चात्‍यागेलाइहेङ ताइकोङ मारेम्‍का दामाता चुमपुलि भोकावा।

गलाति 1:7

जातिङको बो हिदिङ रेम्‍काबानाल दोङ मान्‍थु। कालाउ इसिका द्‌याङगेलाइ बुङ हि, जाइ ख्रिस्‍टको रेम्‍काबानालहेङ केउपातेङ नेलाइहेङ आवाइपालि खाङखे।

२ पत्‍रुस 2:15

एम्‍बालाइ सोझा दामा लाअ्‌तेङ कुकरमता लागिका हि। एम्‍बालाइ लाभको भाअ्‌सिङ आखेका काम पातेङ लेङचाका बओरको चान बालामको दामा पिताइका हि।

१ युहन्‍ना 3:8

जाइ कुकरम पातेङहिखे इङको दियाबलसको एइ। हाइपानु दियाबलस ते लाम्‍फासो दोङ कुकरम पातेङलोका हि। इदोइभाअ्‌सिङ दियाबलसको कामहेङ मुअ्‌ पालि दोङ परमेस्‍वरको चान देखाल जेङका एइ।