साल्न्हाका चात्या 12:3 - धिमाल

³ इदोइ कामसो यहुदिगेलाइ लेङचाका तिङतेङ पत्‍रुसहेङ बुङ रिम्‍लि तरखर पाहि। इदोइ वारदात लाअ्‌पिका पारबाको पहरता जेङका हिघाहि।

Dhimal NT

³ इदोइ कामहोइ यहुदिगेलाइ लेङचाका तिङतेङ पतरुसहेङ बुङ रिम्हि। या घाटाना यहुदिगेलाइको आखिमिरे तोलेको पार्बाको सोमोइता घातेका हिघाहि।

साल्न्हाका चात्या 12:3 Iomraidhean Croise

मत्‍ति 26:17

एला साउरि मामिसालाइका तोलेको पारबाको लाङ दिना चात्‍यागेलाइ इसुकोता लोतेङ दोअ्‌हि, “नाङको भाअ्‌सिङ लाअ्‌पिका पारबाको भात्‍यार चाका थामे हिता त्‍यार पाङ?”

युहन्‍ना 12:43

हाइदोनु एम्‍बालाइ परमेस्‍वरको बाखिन्‍काखान्‍तेङ द्‍याङको बाखिन्‍का हेन्‍जा मोन्‍दाताघाखे।

युहन्‍ना 19:11

इसु दोअ्‌हि, “नासेहेङ र्‍हुतासो मापिका हिनु कार्‍हुता नाङको हिदिङ खाबारा माहिधावा। इङकोखातिर कासेहेङ नाङको खुर्ता पिका आरोङ हेन्‍जा कुकरमको दागि जेनावा।”

युहन्‍ना 21:18

जातिङको का नासेहेङ दोअ्‌खा, जेलाउ ना धाना हिघान्‍हा कोलाउ ना ताइमिङ ताइको तेपाना ताइमिङ तेअ्‌घाना रो जेता लाल्‍सा पाघाना इन्‍ता हानेघाना। कुलाउ जेलाउ ना वाराङ जेनाना, कोलाउ ना ताइको खुर ह्‍याना, बोमि नाङको तेपाना तेअ्‌पावा रो ना जेता हानेलि माकिअ्‌खेना इन्‍ता चुम्‍पुन्‍हाना।”

साल्न्हाका चात्या 12:4

हेरोद पत्‍रुसहेङ रिम्‍तेङ थुनाता ह्‍वाअ्‌पिहि। कोलाउ वासेहेङ र्‍हुम्‍लि सिपाल्‍हाइको द्‍या डफ्‍फाको जिम्‍मा लागाइपिहि। लाअ्‌पिका पारबाको न्‍हुअ्‌सो पत्‍रुसहेङ यहुदिगेलाइको आगाता चुमालि हेरोदको ठहर हिघाहि।

साल्न्हाका चात्या 2:14

कुलाउ पत्‍रुस तेएमि साल्‍तेङ दिङगिल्‍कालाइ दोफाङ जाअ्‌तेङ बारा गालाता एम्‍बालाइहेङ दोअ्‌हि, “यहुदियाता रो यरुसलेमता हिका झाराङ दादाओनेगेलाइ, नेलाइ इदोइ काथा रेम्‍फा हिङसु।

साल्न्हाका चात्या 20:6

केलाइचाहिँ लाअ्‌पिका पारबा मानेलिदोकान्‍हुअ्‌सो फिलिप्‍पि पुरसो जाहादिको दामा जेङतेङ हानेन्‍हाहि कालाउ नानि दिनान्‍हुअ्‌सो एम्‍बालाइहेङ त्‍रोआस पुरता दुसुन्‍हाहि। इन्‍ता केलाइ एआथार थिकापा हिन्‍हाहि।

साल्न्हाका चात्या 24:27

इङकोन्‍हुअ्‌सो न्‍हे बाअ्‌सारन्‍हुअ्‌सो फेलिक्‍सको थामेता पर्किअस फेस्‍तस बाराहाकिम जेङतेङ लोहि, कालाउ फेलिक्‍स यहुदिगेलाइहेङ लेङचापापिलि पावलहेङ थुनाताङ ताअ्‌तेङ हानेहि।

साल्न्हाका चात्या 25:9

यहुदिगेलाइहेङ लेन्‍चापालि ठहरसो फेस्‍तस पावलहेङ दोअ्‌हि, “का नासेहेङ यरुसलेम दिङगिलप्‍याङका कालाउ इदोइ काथाको बारेता का नाङको निसाफ इन्‍ता दोङ पाङका, माज्‍याङ कुनु?”

साल्न्हाका चात्या 4:13

जेलाउ एम्‍बालाइ पत्‍रुस रो युहन्‍नाको आट तिङहि, एबालाइ मापर्‍हेका मामुलि द्‍याङ हिघाखे दोअ्‌तेङ गेहि। कोलाउ एम्‍बालाइ भारभुसाइहि रो एबालाइ इसुदोफाङ हिघाखे दोअ्‌का एम्‍बालाइ गेहि।

गलाति 1:10

का नेलाइहेङ दोअ्‌खा, एला का द्‍याङगेलाइको चितबुझिपालि माको, कालाउ का ते परमेस्‍वरको चित बुझिपालि भो:खा। एदि का द्‌याङगेलाइको चित बुझिपालि भो:का हिनु का ख्रिस्‍टको चाकर जेङलि दोङ मादोधाङका।

1 थेस्लोनिकि 2:4

परमेस्‍वर केलाइहेङ खान्‍धुर पातेङ दोङ रेम्‍काबानाल हिम्‍पाका जिम्‍मा पिहि। इदोङखातिर केलाइ वाको लाल्‍साता धुइन्‍हाखे। केलाइ द्‍याङगेलाइहेङ माको कालाउ बुङ केलाइको मन जाचेका परमेस्‍वरहेङ लेङचा पालि भोन्‍हाखे।