साल्न्हाका चात्या 12:10 - धिमाल

¹⁰ जेलाउ ए रो न्‍हे र्‍हुम्‍का थामे काल्‍हाम्‍तेङ पुरता दुल्‍का चिरको द्‍वारता एम्‍बालाइ थुकालाउ, इङको द्‍वार ताइमिङ एम्‍बालाइको भाअ्‌सिङ हेनाहि। एम्‍बालाइ बाहार ओल्‍हेतेङ एलोङ चेअ्‌का दामा जेङतेङ हानेहि। कोलाउ सादेलचर पत्‍रुसहेङ लाअ्‌तेङ हानेहि।

Dhimal NT

¹⁰ कालाउ पतरुस कालाउ स्वर्गदुत पालेगेलाइको पहरा पाअ्तेङ लाङतेङ कालाउ न्हेतेङ फिनु जेङतेङ हानिहि, कालाउ न्हुसो इम्बालाइ चिरको मुलि फिनुता थुकाहि। कालाउ इङको फिनु ताइमिङ इम्बालाइको भाअ्सिङ हेअ्न्हाहि, कालाउ इम्बालाइ बाहार ओल्लेतेङ एनोङ दामा पातेङ हानिहि, कालाउ एन्सालाउ दोङ स्वर्गदुत वासेहेङ लाअ्तेङ हानेहि।

साल्न्हाका चात्या 12:10 Iomraidhean Croise

साल्न्हाका चात्या 5:19

कुलाउ प्रभुको एलोङ सादेलचर न्‍हिसिङता थुनाको फिनुगेलाइ हेपिहि रो एम्‍बालाइहेङ बाहार चुमातेङ दोअ्‌हि,

साल्न्हाका चात्या 16:26

कोलाउ ओदोङघरि एलोङ बाराका भुइचाल हानेहि। थुनाको जगगेलाइ हेङघालाइन्‍हाहि, गोताङ फिनुगेलाइ हेन्‍हाहि रो काइदि झाराङको धेउन्‍हाका खाइन्‍हाहि।

युहन्‍ना 20:19

इङकोङ देउबारको दिना दिलिमा चात्‍यागेलाइ यहुदि आगुवागेलाइदोफा थितेङ फिनु गिअ्‌तेङ हिघाखे। इङको दोङ पहर इसु एकासि लोतेङ एम्‍बालाइको माझाता जाअ्‌हि रो एम्‍बालाइहेङ दोअ्‌हि, “नेलाइहेङ सुबिस्‍ता ज्‍याको!”

साल्न्हाका चात्या 12:4

हेरोद पत्‍रुसहेङ रिम्‍तेङ थुनाता ह्‍वाअ्‌पिहि। कोलाउ वासेहेङ र्‍हुम्‍लि सिपाल्‍हाइको द्‍या डफ्‍फाको जिम्‍मा लागाइपिहि। लाअ्‌पिका पारबाको न्‍हुअ्‌सो पत्‍रुसहेङ यहुदिगेलाइको आगाता चुमालि हेरोदको ठहर हिघाहि।

युहन्‍ना 20:26

ए आथारन्‍हुअ्‌सो वाको चात्‍यागेलाइ फिनुगिअ्‌तेङ साअ्‌तालिअ्‌ताङ हिघाखे। इदिखेपचाहिँ थोमा बुङ एम्‍बालाइदोफाङ हिघाखे। इङको पहर बुङ इसु एकासि देखाल पितेङ एम्‍बालाइको माझाता जाअ्‌तेङ दोअ्‌हि, “नेलाइहेङ सुबिस्‍ता ज्‍याको!”