साल्न्हाका चात्या 11:1 - धिमाल

¹ यहुदियाता हिका दिङगिल्‍कालाइ, खान्‍धुरि दादा ओनेगेलाइ रो बोजात्‍यागेलाइ बुङ परमेस्‍वरको कथन र्‍हुहि दोअ्‌का हिङहि।

Dhimal NT

¹ यहुदिया जिल्लाता हिका साल्न्हाका चात्यागेलाइ कालाउ खान्धुराइ ओनेगेलाइ गैर-यहुदिगेलाइ बुङ परमेस्वरको बचन सुइकार पाका हि दोअ्का काथा हिङहि।

साल्न्हाका चात्या 11:1 Iomraidhean Croise

मत्‍ति 2:1

राजा हेरोदको पहरता यहुदिया माउजाको बेथलेहेम देराता इसुको जोलोम जेङका न्‍हुअ्‌सो, नुहेँको दर्सिगेलाइ यरुसलेम पुरता लोहि।

मत्‍ति 8:11

का नेलाइहेङ दोअ्खा, नुहेँ रो दिहेँसो बोजात्‍यागेलाइ हेन्‍जाङ ल्‍वावा कालाउ आब्राहाम, इसहाक रो याकुबदोफा सादेलको सारभिको भात्‍यारता चालि योमावा।

मर्कुस 16:5

कालाउ तोमलिअ्‌ता दुल्‍तेङ एम्‍बालाइ जेका धाबा लागाइका एमि धाना द्‍याङहेङ दाम्‍पाहा योम्‍तेङहिका तिङहि रो इदोइ तिङतेङ एम्‍बालाइ थिहि।

लुका 2:32

वा दोङ बो जात्‍याको द्‍याङगेलाइहेङ नाङको दामा तिम्‍पाका चोलका हिन्‍हा रो वा दोङ नाङको इस्राएलिगेलाइहेङ प्रताप पिका जेनावा।”

साल्न्हाका चात्या 1:15

एनि इन्‍ता झान्‍दै एसाइ एकुरि झोको खान्‍धुर पाका द्‌याङगेलाइ जोम्‍का हिघाखे। कालाउ पत्‍रुस जाअ्‌तेङ एम्‍बालाइको माझाता धुइलि तेङहि,

साल्न्हाका चात्या 11:29

कोलाउ चात्‍यागेलाइ ताताइको आउकात आन्‍सार यहुदियाता हिका दादाओनेगेलाइको भाअ्‌सिङ भेटि पिगिल्‍लि ठहर पाहि।

साल्न्हाका चात्या 14:27

जेलाउ एम्‍बालाइ एन्‍टिओखियाता थुकालिलोहि, कोलाउ मन्‍डलिहेङ जोम्‍पाहि। कालाउ परमेस्‍वर एम्‍बालाइ दोसा पाका गोताङ कामको बाखान पाहि रो हेसापा वा बोजात्‍यागेलाइको भाअ्‌सिङ खान्‍धुरको फिनु हेपिहि इङको हिङपाहि।

साल्न्हाका चात्या 15:3

मन्‍डलिको दादाओने रो बाइओनेगेलाइ एम्‍बालाइहेङ इन्‍तासो दिङगिल्‍हि। एम्‍बालाइ फोनिके रो सामरिया जेङतेङ हानेलाउ बोजात्‍यागेलाइ प्रभुहेङ र्‍हुका काथा एम्‍बालाइहेङ माबिराइसिङ हिम्‍पाहि। इदोइ बानालसो इन्‍ताको दादाओनेगेलाइ हेन्‍जाङ लेङचाहि।

साल्न्हाका चात्या 28:15

प्रभु इसुहेङ खान्‍धुर पाका रोमता हिका दादाओनेगेलाइ केलाइ लोदोङन्‍हाखे दोअ्का हिङतेङ अप्‍पियस हाते थिकापा रो तिनपाटि दोअ्‌का थामेता केलाइहेङ दुसुलि लोहि। पावल एम्‍बालाइहेङ तिन्‍तेङसाङ लेङचातेङ परमेस्‍वरहेङ च्‍याबास पिहि।