साल्न्हाका चात्या 10:2 - धिमाल

² वा परमेस्‍वरहेङ मान पाघाखे रो वा रो वाको गोताङ खाल परमेस्‍वरता थिघाखे। वा मानथुकालाइहेङ साघाइघाखे रो दिनाङ परमेस्‍वरदोफा पुकार पाघाखे।

Dhimal NT

² वा परमेस्वरको आराधाना पाघाखे, कालाउ वा वाको ताइको झाराङ जाहान परमेस्वरहेङ थिघाखे। कालाउ वा गरिब यहुदि द्‍याङगेलाइहेङ उद्दार मनहोइ साघाइघाखे कालाउ दिनाङ परमेस्वर दोफा प्रार्थाना पाघाखे।

साल्न्हाका चात्या 10:2 Iomraidhean Croise

मत्‍ति 25:17

एन्‍सा दोङ न्‍हे टाका निङका बुङ बो न्‍हे टाका काम्‍हाइहि।

लुका 18:1

एनि इसु चात्‍यागेलाइहेङ दिनाङ पुकार पालिगोयाङ रो हरेस माचासु दोअ्‌तेङ गेपालि एसा दोअ्‌हि,

लुका 2:25

इङको पहर सिमियोन दोअ्‌का द्‌याङ यरुसलेमता हिघाखे। वा धरम द्‌याङ हिघाखे रो परमेस्‍वरको भक्ति पाघाखे। वा इस्राएलिगेलाइहेङ बान्‍चेपाका द्‌याङको आस पातेङ दामा खाङघाखे। पुनित हाङसा वाकोदोफा हिघाहि।

साल्न्हाका चात्या 10:22

एम्‍बालाइ दोअ्‌हि, “काप्‍तान कर्नेलियस केलाइहेङ दिङगिल्‍का एइ। जाइ वा नोइका रो परमेस्‍वरदोफा थिका रो गोताङ यहुदि जात्‍यासो आदर निङका द्‍याङ एइ। नासेहेङ वाको साअ्‌ता काइगिल्‍तेङ नासो बानाल हिङलि दोअ्‌तेङ सादेलको काथा चुमाकासो वासेहेक हुकुम जेङका हि।”

साल्न्हाका चात्या 10:31

रो दोअ्‌हि ‘कर्नेलियस, परमेस्‍वरको आगाता नाङको पुकारको हिङन्‍हाका हि रो नाङको मान्‍थुकालाइहेङ पिकाको फोम जेङका हि।

साल्न्हाका चात्या 10:35

कुलाउ द्‍याङ जेदोङ जात्‍याको हिलाउ बुङ जाइ वासेहेङ थिखे रो उचित काम पाखे, परमेस्‍वर इन्‍सिकालाइहेङ मोन्‍दा ताखे।

साल्न्हाका चात्या 10:4

कर्नेलियस थितेङ सादेलचरहेङ खाङहि रो दोअ्‌हि, “प्रभु, दोअ्।” कालाउ सादेलचर कर्नेलियसहेङ दोअ्‌हि, “नाङको पुकार रो ना मान्‍थुकालाइहेङ साघाइका परमेस्‍वरको आगाता थुकाका हि।

साल्न्हाका चात्या 10:7

इदोइ दोअ्‌तेङ सादेलचर कर्नेलियससो बिदा जेङहि। इङकोन्‍हुअ्‌सो कर्नेलियस ताइको कामत्‍यागेलाइता न्‍हेमि रो वाको सेवा टहल पाका एमि पलटनहेङ काइहि।

साल्न्हाका चात्या 11:14

वा नासेहेङ कथन हिम्‍पावा, जाइसो ना रो नाङको गोताङ खाल बानच्‍यावा।’

साल्न्हाका चात्या 13:16

कोलाउ जाअ्‌तेङ पावल खुरको टिप्‍नि पातेङ दोअ्‌हि, “इस्राएलि दादाओनेगेलाइ रो परमेस्‍वरहेङ मानपाकालाइ हिङसु,

साल्न्हाका चात्या 13:26

“ओइ आब्राहामको खालको सान्‍तान रो नेलाइता परमेस्‍वरदोफा थिका ओइ ओनेगेलाइ, केलाइकोता दोङ इदोइ मुक्‍तिको बानाल पिगिल्‍का हि।

साल्न्हाका चात्या 13:50

कुलाउ पावल रो बारनाबासको खिलाप यहुदिगेलाइ परमेस्‍वरहेङ मानेका, मिङचलेका बेबालाइ रो पुरको मुलमुल द्‍याङगेलाइहेङ उल्‍काइतेङ ओबालाइहेङ ताइको साधसिमानासो बाहार गिल्‍गिल्‍हि।

साल्न्हाका चात्या 18:8

कचहरिसाअ्‌को हाकिम क्रिस्‍पस रो वाको झाराङ खाल प्रभुहेङ खान्‍धुर पाहि रो कोरिन्‍थिगेलाइता बुङ हेन्‍जाङ पावलको कथन हिङतेङ प्रभुता खान्‍धुर पाहि रो चिभुअ्‌लि र्‍हुहि।

साल्न्हाका चात्या 2:5

इङको पहर दुनियाता हिका गोताङ पुरसो सेङजासेवक यहुदिगेलाइ इङको पहर यरुसलेमता हिका हिघाखे।

साल्न्हाका चात्या 22:12

“इङको पुरता हननिया मिङ हिका एमि द्‍याङ हिघाखे। वा मोसाको पिका नियम मानेका धरम द्‍याङ हिघाखे रो दमस्‍कसता हिका यहुदिगेलाइ झाराङ वासेहेङ मानिघाखे।

साल्न्हाका चात्या 8:2

प्रभुको सेवापाकालाउ स्‍तिफनसहेङ चुमपुतेङ लिअ्‌हि रो वाको भाअ्‌सिङ बिलाप पाहि।

साल्न्हाका चात्या 9:11

कोलाउ प्रभु वासेहेङ दोअ्‌हि, “ल्‍हो रो सिधा दोअ्‌का चेअ्‌का दामाता हाने। इन्‍ता यहुदाको साअ्‌ता साउल मिङ हिका टार्ससता हिकाहेङ भो, हाइपानु वा पुकार पादोङखे।

साल्न्हाका चात्या 9:31

एन्‍सापा यहुदिया, गालिल रो सामरियाको गोताङ मन्‍डलिगेलाइता सुबिस्‍ता रो मिलाप जेङहि। प्रभुको चात्‍यागेलाइ पुनित हाङसासो आँट निङतेङ मन्‍डलि उजाइतेङ हानेहि।

साल्न्हाका चात्या 9:36

योप्‍पा पुरता तबिता दोअ्‌का एमि प्रभुता खान्‍धुरपाका ओने हिघाहि। ग्रिक राउता वासेहेङ डोरकास दोअ्‌घाखे, जाइको माने नाकुना जेङखे। वा दिनाङ बोमिको भालाइ पाघाखे रो हाइदोङ मान्‍थुकालाइहेङ साघाइघाखे।

कलस्सि 4:2

नेलाइ दिनाङ पुकार पातेङ हिसु। पुकार पालाउ नेलाइ परमेस्‍वरहेङ च्‍याबास चार्‍हाइतेङ मन लागाइतेङ पुकार पासु।

1 थेस्लोनिकि 5:17

दिनाङ पुकार पातेङहिसु।

याकुब 1:5

एदि नेलाइता हासुङहेङ आकिल गोइका हिनु परमेस्‍वरदोफा र्‍हेकाको रो वा इङकोहेङ लेङचातेङ प्‍यावा।