साल्न्हाका चात्या 1:22 - धिमाल

²² इसिका खामाल जाइ युहन्‍नाको चिभुअ्‌लिसो वा केलाइसो र्‍हुता चुमपुन्‍हाका दिनाथिकापा केलाइदोफा हिघाहि। इङको द्‍याङ केलाइ दोफादोफाङ वाको सिकासोसिन्‍हुकाको दासि हिलिगोयाङ।”

Dhimal NT

²² युहान्नाको बप्तिस्ताको सोमोइसोङ उङको द्‍याङ दोङ केलाइ दोफा प्रभु येसुको सिन्चालकाको साक्सि जेङलि गोयाङ।”

साल्न्हाका चात्या 1:22 Iomraidhean Croise

मर्कुस 1:9

युहन्‍ना एसापा पारचार पातेङहिका पहरता इसु गालिलको नासरतसो लोहि रो युहन्‍नासो यर्दन झोराता चिभुअ्‌लि र्‍हुहि।

मर्कुस 16:19

प्रभु इसु एसापा चात्‍यागेलाइदोफा धुइलिदोकान्‍हुअ्‌सो वा सादेलता तोल्‍हेन्‍हाहि रो परमेस्‍वरको दाम्‍पाहा योम्‍हि।

लुका 24:48

नेलाइ दोङ इदोइ गोताङ काथाको दासि हिसुन्‍हा।

लुका 3:21

एनि झाराङ द्‌याङगेलाइ चिभुअ्‌लि र्‍हुतेङहिलाउ इसु बुङ इङकोङदिना चिभुअ्‌लि र्‍हुहि। वा पुकार पाकाताङ पालाउ सादेल हेन्‍हाहि।

युहन्‍ना 15:27

नेलाइ लाम्‍फासो दोङ कादोफा हिका हिनाङसिङ नेलाइ बुङ काङको दासि जेङस्‍वाना।”

साल्न्हाका चात्या 1:11

एम्‍बालाइ दोअ्‌हि, “ओइ गालिलको द्‍याङगेलाइ, नेलाइ हाइपालि जाअ्‌तेङ आदेलभारि खाङदोङसुखेना? इसु ते सादेलभारि हानेहोइ। वासेहेङ जेसापा नेलाइ एला हानेतेङहिका तिङसुन्‍हा, एन्‍सा दोङ वा आरोङ एनि घुरितेङ ल्‍वावा।”

साल्न्हाका चात्या 1:2

इसु सादेल हानेका खान्‍तेङ लाम्‍फा ताइमिको साल्‍का साल्‍तेङ दिङगिल्‍कालाइहेङ पुनित हाङसाको सरबङसो हुकुम पिहि।

साल्न्हाका चात्या 2:32

“इदोङ इसु ख्रिस्‍टहेङ परमेस्‍वर सिकासो सिन्‍हुपाहि। इदोइ काथाको केलाइ झाराङ दासि हिनाहि।

साल्न्हाका चात्या 4:33

प्रभु इसु सिकासो सिन्‍हुका हि दोअ्‌तेङ साल्‍तेङ दिङगिल्‍कालाइ बारका सरबङ निङतेङ दासि निङघाखे रो परमेस्‍वर एम्‍बालाइ झाराङहेङ दायातेङ हेन्‍जाङ सहसाम्‍पा पिहि।